ប៉ោយប៉ែត-បាត់ដំបង ៖ ជនសង្ស័យម្នាក់ត្រូវកម្លាំងសមត្ថកិច្ចនៃអធិការដ្ឋាននគរបាលស្រុកសំពៅលូនឃាត់ខ្លួនកាលពីព្រឹកថ្ងៃទី២០ មេសា ២០១៤ នៅភូមិត្រពាំងព្រលឹត ឃុំសន្តិភាព ស្រុកសំពៅលូន ខេត្តបាត់ដំបង ដោយចោទប្រកាន់ពីបទចោរកម្ម។
សមត្ថកិច្ចបានឱ្យដឹងថា ជនសង្ស័យដែលឃាត់ខ្លួនឈ្មោះសុក សីហា ហៅប៉ិន ភេទប្រុស អាយុ២៥ឆ្នាំ រស់នៅភូមិពោធិ៍ជ្រៃ ឃុំសេរីមានជ័យ ស្រុកសំពៅលូន។
សមត្ថកិច្ចឱ្យដឹងទៀតថា ជនសង្ស័យបានធ្វើសកម្មភាពលួចម៉ូតូធុនសេ១២៥ ពណ៌ខ្មៅ ស៊េរី២០០៨ ពាក់ស្លាកលេខ១G៣៤៨៧ របស់ជនរងគ្រោះឈ្មោះជុំ គឿន ភេទប្រុស អាយុ២៣ឆ្នាំ រស់នៅភូមិជាមួយគ្នា។
ជនសង្ស័យត្រូវសមត្ថកិច្ចជំនាញកសាងសំណុំរឿងបញ្ជូនទៅស្នងការខេត្តដើម្បីចាត់ការតាមនីតិវិធីច្បាប់៕
ចែករំលែកព័តមាននេះ