រាជធានីភ្នំពេញ ៖ តារាសម្តែងដែលចូល ចិត្តសំញែងដើមទ្រូង នាងសាន សុម៉ាលី បានឆ្លើយឆ្លងជាជម្លោះបែកផ្សែងជាមួយបុរសវ័យក្មេងម្នាក់តាមហ្វេសប៊ុក បន្ទាប់ពីបុរសរូបនោះសរសេររិះគន់នៅពីក្រោមរូបថតដែលតារាសម្តែងរូបនេះបានបង្ហោះមានខ្លឹមសារថា «នាងស្អាត តែអត់តម្លៃ យកសិល្បៈធ្វើជាឈ្នាន់ឈានទៅរកភាពល្បីល្បាញ» ។
ការប្រមាថពីបុរសវ័យក្មេងម្នាក់នោះធ្វើឲ្យតារាស្រីដែលល្បីល្បាញខាងសិចស៊ី សាន សុម៉ាលី ក្តៅស្លឹកត្រចៀក និងបានសរសេរតបទៅវិញដោយមិនសំចៃមាត់ ។ នាងបានសរសេរជាភាសាខ្មែរបង្ហោះនៅលើបណ្តាញទំនាក់ទំនងសង្គមហ្វេសប៊ុករបស់នាងកាលពីពេលថ្មីៗនេះថា «សួរថាបុរសម្នាក់នេះមានសិទ្ធិអីនិយាយគេអីុចឹង ។ គេជាអ្នកសិល្បៈមែន ខ្ញុំមិនមែនមនុស្សអីុចឹងទេ អ្នកឯងគ្មានសិទ្ធិអីមកនិយាយអ្នកសិល្បៈអីុចឹងទេ ? អ្នកឯងមិនចូលចិត្តគេ កុំថាឲ្យរូបគេ? ខ្ញុំមិនដែលស្គាល់មនុស្សដូចអ្នកឯងទេ មនុស្សឈ្លើយ សង្គមមិនឱ្យតម្លៃមនុស្ស…ឈប់មកនិយាយអីុចឹងទៀត…» ។
ទំនងជាឆ្លើយតបជាមួយមិត្តភក្តិដែលព្យាយាមសម្របនាងកុំឱ្យខឹង សាន សុម៉ាលី បានសរសេរបន្ថែមថា «នេះសួរថា មនុស្សម្នាក់នេះគាត់មកនិយាយអីុចឹងដាក់ខ្ញុំ ហើយមិនឱ្យខ្ញុំខឹងទេឬ ។ ខ្ញុំមានគ្រួសារផ្តល់ការស្រឡាញ់មកខ្ញុំ តែម្នាក់នេះមានសិទ្ធិអីមកនិយាយមើលងាយខ្ញុំ។ ខ្ញុំនិយាយដើម្បីកុំឱ្យមនុស្សនេះចេះតែនិយាយមិនល្អដល់អ្នកសិល្បៈទៀត ហើយសូមម្យ៉ាងចុះ បើចង់រករឿងខ្ញុំ ៗអត់មានពេលអត់ប្រយោជន៍ជាមួយអ្នកឯង…សូមមិត្តទាំងអស់មើលគាត់និយាយអីុចឹងសមទេ?…» ។
សាន សុម៉ាលី បានបញ្ចេញយោបល់ និងប្រាប់ទៅដល់មិត្តភក្តិរបស់នាងថា មូលហេតុដែលធ្វើឲ្យនាងប្រើពាក្យសម្តីបែបនេះ ដោយសារតែបុរសម្នាក់នោះបានជេរប្រមាថដោយសម្តីមិនសមរម្យមកលើមនុស្សស្រី ជាន់ឈ្លីកិត្តិយសគេ ដោយវាយតម្លៃថា អ្នកសិល្បៈមិនល្អ ថាគេអាក្រក់គ្រប់បែបយ៉ាង ហើយបើឃើញគេមានអ្វីដែលល្អតែងតែលើកឡើងថា គេបានមកតាមផ្លូវកាត់ ។ នាងនិយាយបន្ថែមទៀតថា «ខ្ញុំអត់ស្គាល់គាត់ទេ ហេតុអ្វីបានជាមកនិយាយអីុចឹង ហើយផុសរូបខ្ញុំទៀត អ្នកឯងស្អប់ខ្ញុំម្នាក់ មានមនុស្សដែលស្រឡាញ់ និងទទួលការរាប់អានជាមួយខ្ញុំច្រើននាក់ទៀត… ។ ខ្ញុំចង់ឱ្យមិត្តដឹងថា ខ្ញុំមិនបានរករឿងគាត់ទេ? គាត់គួរតែឈប់មកនិយាយអីុចឹងទៀត…» ។
សាន សុម៉ាលី បានចាប់ផ្តើមល្បីឈ្មោះខ្លាំង តាមរយៈរឿង“កាកី” ដែលមានឈុតបង្ហាញពីសម្រស់ដើមទ្រូងដ៏ទ្រលុកទ្រលន់របស់នាង ប៉ុន្តែនាងហាក់បាត់ទីផ្សារនៅប៉ុន្មានឆ្នាំចុងក្រោយនេះ បន្ទាប់ពីផ្ទុះរឿងអាស្រូវផ្ទួនៗ ។ ទោះបីជាយ៉ាងណាក្តី សាន សុម៉ាលី នៅតែលេងខ្លួនមិនចាញ់តារាថ្មីឡើយ ។ដោយគ្មានឈាមជ័រជាអ្នកសិល្បៈ សាន សុម៉ាលី ដែលមានស្រុកកំណើតនៅខេត្ដបាត់ដំបង ហើយចាប់ផ្ដើមចូលសិល្បៈតាមរយៈការចាប់អារម្មណ៍របស់អ្នកដឹកនាំរឿងម្នាក់នៅពេលនាងមកភ្នំពេញចូលរួមក្នុងពិធីបុណ្យអុំទូកនៅឆ្នាំ២០០៣ ។
ដោយទេពកោសល្យពីកំណើតគួបផ្សំនឹងការបង្ហាត់បង្ហាញពីអ្នកដឹកនាំរឿង ទើបសាន សុម៉ាលី អាចមានឱកាសក្លាយជាតួឯកក្នុងរឿងភាគដំបូងគឺរឿង«កាកី» ។ សុម៉ាលី បានចូលរួមសម្ដែងខ្សែភាពយន្ដបានប្រមាណជាង២០រឿង ដោយឡែកចម្រៀងខារ៉ាអូខេចូលរួមសម្ដែងបានច្រើនស្ទើរតែរាប់មិនអស់ ៕
ចែករំលែកព័តមាននេះ