រាជធានីភ្នំពេញ៖ បុរសម្នាក់ត្រូវបានស្ត្រីជាប្រពន្ធ អះអាងថាបានបើកម៉ូតូម៉ាកស្មាស ពណ៌ខ្មៅ ចេញពីផ្ទះទៅខាងក្រៅ បន្ទាប់មកស្រាប់តែមានទូរស័ព្ទប្រាប់ថាបុរសជាប្ដីមានគ្រោះថ្នាក់ចរាចរណ៍រងរបួសធ្ងន់ ត្រូវរថយន្តសង្គ្រោះដឹកទៅមន្ទីរពេទ្យព្រះកុសមៈ ។
ហេតុការណ៍នេះកើតឡើងកាលពីវេលាម៉ោង៩ និង៣០នាទីយប់ថ្ងៃទី២ មិថុនា ២០១៣ នៅគល់ស្ពានអាកាស៧មករាត្រើយខាងកើត តាមមហាវិថីកម្ពុជាក្រោម ស្ថិតក្នុងសង្កាត់ទឹកល្អក់ទី១ ខណ្ឌទួលគោក ក្រោយកើតហេតុសមត្ថកិច្ចនិងក្រុមរថយន្តសង្ក្រោះពុំឃើញមានម៉ូតូនៅកន្លែងកើតហេតុនោះទេ។
ប្រភពព័ត៌មានប្រាប់ថាបុរសរងគ្រោះឈ្មោះ ហៀង ហ៊ន អាយុ២៤ឆ្នាំ ជាជាងជួសជុលរថយន្ត ស្នាក់នៅសង្កាត់ចោមចៅ ខណ្ឌពោធិ៍សែនជ័យ។ តាមការសន្និដ្ឋានរបស់សមត្ថកិច្ច បញ្ជាក់ថាម៉ូតូរបស់ជនរងគ្រោះត្រូវបានចោរយកទៅបាត់ខណៈជនរងគ្រោះកំពុងសន្លប់៕
ចែករំលែកព័តមាននេះ