ក្រុងប៉ោយប៉ែត ៖ បុរសម្នាក់ត្រូវបានគេប្រទះឃើញដេកស្លា.ប់កណ្តាលវាលស្មៅហើមស្អុយរលួយទៅហើយ ក្នុងភូមិក្បាលស្ពាន១ សង្កាត់ និងក្រុងប៉ោយប៉ែត កាលពីល្ងាចថ្ងៃទី៣១ មករា ២០១៣ បង្កឱ្យមានការភ្ញាក់ផ្អើលមនុស្សម្នាជាច្រើនទៅចោមរោមដែលបាត់ខ្លួនជាងមួយសប្តាហ៍ប្រពន្ធតាមរកមិនឃើញ ។
ក្រុងប៉ោយប៉ែត ៖ បុរសម្នាក់ត្រូវបានគេប្រទះឃើញដេកស្លាប់កណ្តាលវាលស្មៅហើមស្អុយរលួយទៅហើយ ក្នុងភូមិក្បាលស្ពាន១ សង្កាត់ និងក្រុងប៉ោយប៉ែត កាលពីល្ងាចថ្ងៃទី៣១ មករា ២០១៣ បង្កឱ្យមានការភ្ញាក់ផ្អើលមនុស្សម្នាជាច្រើនទៅចោមរោមដែលបាត់ខ្លួនជាងមួយសប្តាហ៍ប្រពន្ធតាមរកមិនឃើញ ។
សពបុរសស្លាប់បាត់បង់ជីវិតឈ្មោះចាន់ សុភ័ក្រ អាយុ២៩ឆ្នាំ ជាកម្មករអូសរទេះ មានទីលំនៅក្នុងភូមិកើតហេតុ ។ តាមការឱ្យដឹងពីឈ្មោះសឿន ពៅ អាយុ៤១ឆ្នាំ ដែលអះអាងថា ជាគ្រួសារសពបានប្រាប់ថា សពដែលស្លាប់កណ្តាលវាលស្មៅ នេះជាប្តីរបស់គាត់បានបាត់ខ្លួនជាងមួយសប្តាហ៍ហើយដែលគាត់ និងសាច់ញាតិតាមរកអស់ចិត្តតែរកមិនឃើញ ។ ស្ត្រីខាងលើបានបន្តឱ្យដឹងថា ប្តីរបស់គាត់មុនបាត់ខ្លួនមានជំងឺប្រចាំកាយ គឺក្អួតឥតឈប់ក្នុងនោះថែមទាំងកើតជំងឺសរសៃប្រសាទទៀតផង ហើយបានបាត់ខ្លួននៅវេលាទៀបភ្លឺបើគិតមកទល់ថ្ងៃរកឃើញទី៣១ មករា ម្សិលមិញនេះមានរយៈពេល៩ថ្ងៃ ។ ស្ត្រីខាងលើបន្តឱ្យដឹងទៀតថា ការរកឃើញសពប្តីរបស់គាត់ដោយសារបុរសចំណាស់ម្នាក់ឈ្មោះតាមៅ អាយុជាង៦០ឆ្នាំ ដែលជាអ្នកជិតខាងដោយឆ្កែរបស់គាត់ព្រុះខ្លាំងពេកគាត់ក៏ទៅមើល ស្រាប់តែប្រទះឃើញសពស្អុយរលួយនេះតែម្តង ។ ចំណុចប្រទះឃើញសពមានចម្ងាយប្រហែល២០០ម៉ែត្រខាងត្បូងផ្ទះរងគ្រោះ ។ សពមកទល់ព្រឹកថ្ងៃទី១ កុម្ភៈ នេះពុំទាន់ត្រូវបានយកចេញពីចំណុចកើតហេតុនៅឡើយទេ ព្រោះសមត្ថកិច្ចពុំទាន់បានធ្វើកំណត់ហេតុ និងបើកការស៊ើបអង្កេតឱ្យបានសព្វជ្រុងជ្រោយ ៕
ចែករំលែកព័តមាននេះ