ខេត្តព្រះសីហនុ ៖ ជនបរទេសម្នាក់ត្រូវបានគេប្រទះឃើញដេកស្លាប់ដោយពុំដឹងពីមូលហេតុ កាលពីវេលាម៉ោង៧ព្រឹកថ្ងៃទី១៦ មករា ២០១៣ នៅតាមបណ្តោយឆ្នេរអូរត្រេះ ស្ថិតក្នុងក្រុមទី៨ ភូមិ៦ សង្កាត់លេខ៤ ក្រុងព្រះសីហនុ ។
តាមការឱ្យដឹងពីសមត្ថកិច្ចបាននិយាយថា ជនបរទេសដែលបានដេកស្លាប់នេះឈ្មោះ MCC ULLOCHALAN GEORGE ភេទប្រុស អាយុ៤៣ឆ្នាំ ជនជាតិអង់គ្លេស កាន់លិខិតឆ្លងដែនលេខ៤០១៣៦២៣៤៧ ជាភ្ញៀវទេសចរស្នាក់នៅបឹងកាឡូ ចុងឆ្នេរឈើទាល យីហោហ្វីនហីល ស្ថិតក្នុងក្រុមទី៨ ភូមិ៦ សង្កាត់លេខ៤ ក្រុងព្រះសីហនុ ។ ប្រភពដដែលបន្តឱ្យដឹងទៀតថា សពនេះគឺស្លាប់ដោយសារលង់ទឹកនៅចន្លោះវេលាទៀបភ្លឺថ្ងៃទី១៦ មករា ២០១៣ ។
សូមបញ្ជាក់ថា កាលពីយប់ថ្ងៃទី១៥ មករា ២០១៣ ក៏មានករណីជនបរទេសម្នាក់ស្លាប់នៅក្នុងបឹងកាឡូសាន់សេត ស្ថិតក្នុងសង្កាត់លេខ៣ ក្រុងព្រះសីហនុ ។ បើតាមសមត្ថកិច្ចម្នាក់ខ្សឹបឱ្យដឹងថា ជនបរទេសដែលបានដេកស្លាប់នៅក្នុងបឹងកាឡូសាន់សេត នោះជាជនជាតិសូវៀត ជាភ្ញៀវទេសចរស្លាប់ដោយសារគាំងបេះដូង ប៉ុន្តែការស្លាប់នេះសមត្ថកិច្ចពុំបានធ្វើអត្ថាធិប្បាយច្បាស់លាស់នោះទេ៕
ចែករំលែកព័តមាននេះ