រាជធានីភ្នំពេញ ៖ រថយន្តកុងតឺន័ររបស់កងដឹកជញ្ជូនបានបើកបុករបាំងថ្មពុះចែកផ្លូវចំពាក់កណ្តាលរថយន្តគងជាប់ពីលើរបាំងថ្មពុះចែកផ្លូវធ្វើឱ្យក្បាលរថយន្តបះឡើងលើផ្អៀងមួយចំហៀងខាងឆ្វេង ។ ហេតុការណ៍នេះបានកើតឡើងនៅមុខរោងចក្រអីុខាង តាមបណ្តោយផ្លូវវេងស្រេង ស្ថិតក្នុងភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង១២និង៥០នាទីរំលងអធ្រាត្រឈានចូលថ្ងៃទី១៩ វិច្ឆិកា ២០១២ ។
ប្រភពព័ត៌មានឱ្យដឹងថា ចំណុចកើតហេតុខាងលើជាផ្លូវងងឹតខ្លាំងពេកមើលមិនឃើញមានរបាំងថ្មពុះចែកផ្លូវទេ ទើបរថយន្តកុងតឺន័របើកពីលិចទៅកើតដល់ចំណុចខាងលើបុកជាប់ពាក់កណ្តាលរថយន្តគងពីលើរបាំងថ្មពុះចែកផ្លូវនោះធ្វើឱ្យក្បាលរថយន្តបះឡើងលើផ្អៀងទៅចំហៀងខាងឆ្វេង ចំណែកអ្នកបើកបររត់គេចខ្លួនបាត់ ។ ក្រោយពេលកើតហេតុមិនឃើញមានសមត្ថកិច្ចណាចុះទៅជួយអន្តរាគមន៍ទេ ។
គួរកត់សម្គាល់ផងដែរថា កាលពីវេលាម៉ោង១១និង៥០នាទីយប់ថ្ងៃទី១៧ វិច្ឆិកា មានរថយន្តម៉ាកកូរ៉ូឡា ពណ៌ស បើកដោយជនជាតិិចិនបានបើកបុករបាំងថ្មពុះចែកផ្លូវវេងស្រេងនោះបណ្តាលឱ្យអ្នកបើកបររយះក្បាលបន្តិច ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ