រាជធានីភ្នំពេញ ៖ បុរសជនជាតិស្វ៉ីសម្នាក់ត្រូវបានគេប្រទះឃើញរងរបួសធ្ងន់ ដោយសារយកកូនកាំបិតចាក់.កខ្លួនឯងនៅលើរានហាលមុខបន្ទប់លេខ ១០៩ ជាន់ទី១ នៃសណ្ឋាគារមរកត បង្កឱ្យមានការភ្ញាក់ផ្អើលកាលពីវេលាម៉ោង១២និង១០នាទី ថ្ងៃត្រង់ ថ្ងៃទី២៣ តុលា ២០១២ ស្ថិតនៅតាមបណ្តោយផ្លូវលេខ១០៧ ក្នុងសង្កាត់មនោរម្យ ខណ្ឌ៧មករា ហើយត្រូវបានគេដឹកបញ្ជូនទៅកាន់មន្ទីរពេទ្យកាល់ម៉ែត ដើម្បីសង្គ្រោះបន្ទាន់ ។
បុរសជនជាតិស្វ៉ីសធ្វើទុក្ខបុក ម្នេញខ្លួនឯងនេះឈ្មោះ VIRA ORLANDOABELINO អាយុ៣៥ឆ្នាំ មុនពេលកើតហេតុត្រូវបានគេឃើញមកឈរនៅលើរានហាលមុខបន្ទប់លេខ ១០៩ នៃសណ្ឋាគារមរកត ហើយស្រាប់តែទាញកូនកាំបិតមកចាក់.កខ្លួនឯងបង្កឱ្យមានឈាមហូរ គួរឱ្យញាក់សាច់ ។ ឃើញដូច្នេះសន្តិសុខ និងបុគ្គលិកសណ្ឋាគារបានដេញចាប់ជននេះក្នុងបំណងបញ្ឈប់សកម្មភាព ហើយទូរស័ព្ទប្រាប់ទៅខាងស្ថានទូតស្វ៉ីសឱ្យមកជួយអន្តេរាគមន៍ ។
ទម្រាំចាប់បុរសនេះជាប់ គឺគាត់រត់ស្ទើរពេញសណ្ឋាគារ…គេមិនទាន់ដឹងពីមូលហេតុនៃការ យកកូនកាំបិតចាក់.កខ្លួនឯងរបស់បុរសជនជាតិស្វ៉ីសដែលមានវ័យ៣៥ ឆ្នាំនេះទេ ប៉ុន្តែសាក្សីបាននិយាយថា បុរសនេះមិនស្លាប់ទេ…។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ