រាជធានីភ្នំពេញ ៖ ស្រ្តីមេម៉ាយម្នាក់ជាអ្នកបើកកាណូតដឹកភ្ញៀវទេសចរកម្សាន្តតាមទន្លេនៅមុខព្រះបរមរាជវាំង បានជួបបញ្ហាខណៈពេលបើកកាណូតចេញទៅដឹកភ្ញៀវស្រាប់តែដាច់ខ្សែចង្កូតធ្វើឲ្យម៉ាស៊ីនរលត់ហើយកាណូតក៏រសាត់ អណែ្តតទៅទើរនៅក្រោមស្ពានជ្រោយចង្វាទីពីរ ដែលកំពុងសាងសង់កាលពីវេលាម៉ោង៧យប់ថ្ងៃទី១១ សីហា ។
រាជធានីភ្នំពេញ ៖ ស្រ្តីមេម៉ាយម្នាក់ជាអ្នកបើកកាណូតដឹកភ្ញៀវទេសចរកម្សាន្តតាមទន្លេនៅមុខព្រះបរមរាជវាំង បានជួបបញ្ហាខណៈពេលបើកកាណូតចេញទៅដឹកភ្ញៀវស្រាប់តែដាច់ខ្សែចង្កូតធ្វើឲ្យម៉ាស៊ីនរលត់ហើយកាណូតក៏រសាត់ អណែ្តតទៅទើរនៅក្រោមស្ពានជ្រោយចង្វាទីពីរ ដែលកំពុងសាងសង់កាលពីវេលាម៉ោង៧យប់ថ្ងៃទី១១ សីហា ។
ស្រ្តីមេម៉ាយជាអ្នកបើកកាណូតនោះឈ្មោះ បា ផល អាយុ៤២ឆ្នាំ ស្នាក់នៅផ្ទះលេខ៣១ ផ្លូវលេខ២៦១ សង្កាត់វត្តភ្នំ ខណ្ឌដូនពេញ បានរៀបរាប់ថា ប្តីគាត់បានស្លាប់ចោលជាង៤ខែមកហើយ ទុកឲ្យគាត់នៅចិញ្ចើមកូន៤នាក់ (ស្រី២នាក់ ប្រុស២នាក់) តែម្នាក់ឯងទាំងលំបាកដោយបណែ្តតខ្លួននៅលើផ្ទៃទឹកទន្លេសាប។
គាត់ប្រកបរបរបើកកាណូតដឹកភ្ញៀវទេសចរតាមមាត់ទន្លេនៅមុខព្រះបរមរាជវាំងតាំងពីប្តីគាត់នៅរស់ រហូតប្តីស្លាប់ទៅ គឺគាត់ជាអ្នកបើកកាណូតដោយខ្លួនឯងផ្ទាល់តែម្តង មិនតែប៉ុណ្ណោះគាត់មានលិខិតអនុញ្ញាតធ្វើអាជីវកម្មដឹកជញ្ជូនទំនិញចេញដោយក្រសួងសាធារណការនិងដឹកជញ្ជូនត្រឹមត្រូវ និងបានចូលជាសមាគមកាណូតដឹកភ្ញៀវផងដែរ ។ គាត់បានបន្តទៀតថា នៅល្ងាចថ្ងៃកើតហេតុខាងសមាគមបានទូរស័ព្ទហៅគាត់ឲ្យទៅដឹកភ្ញៀវ លុះពេលគាត់បើកកាណូតចេញទៅ ស្រាប់តែកាណូតដាច់ខ្សែចង្កូតមិនអាចបើកទៅទៀតក៏ទូរស័ព្ទទៅប្រាប់សមាគមឲ្យយកកាណូតទៅជួយសណ្តោងផង តែសមាគមមិនត្រឹមតែមិនយកកាណូតទៅជួយទេ ថែមទាំងស្តីបន្ទោសគាត់ទៀតផង ។
ដោយសារតែកាណូតដាច់ខ្សែចង្កូតមិនអាចបើកទៅមុខទៀតបាន កាណូតក៏ចេះតែរសាត់អណ្តែតតាមខ្យល់ទៅទើរជាប់នៅក្រោមស្ពានជ្រោយចង្វាទីពីរដែលកំពុងសាងសង់ដោយទើរជាប់នឹងសសរស្ពាន រហូតទាល់តែជនជាតិចិនជាអ្នកសាងសង់ស្ពាននោះឃើញក៏ចុះទៅសួរនាំហើយប្រាប់ឲ្យជួលកាណូតមកជួយទាញចេញ តែស្រ្តីអ្នកបើកកាណូតប្រាប់ថា គាត់អត់មានលុយជួលគេទេ ។ ជនជាតិចិននោះឮបែបនេះក៏បានចេញលុយហៅកាណូតឲ្យជួយសណ្តោងចេញទៅចំណតវិញ ។
ស្រ្តីអ្នកបើកកាណូតនោះមិនអស់ចិត្តនឹងសមាគមដែលបង្កើតឡើងមានច្បាប់ត្រឹមត្រូវ ហេតុអី្វពេលសមាជិកមានគ្រោះអាសន្នមិនព្រមមកជួយបែបនេះទៅវិញ ។ មិនអាចទាក់ទងសុំការបំភ្លឺបានពីសមាគមនោះបានទេ ក្រោយពេលកើតហេតុ ៕
ចែករំលែកព័តមាននេះ