ខេត្តកណ្តាល ៖ បុរសកំសត់ម្នាក់រួមជាមួយកូនស្រីម្នាក់អាយុ៤ឆ្នាំ បានធ្វើដំណើរពីខេត្តកំពង់ចាម មកឃុំស្វាយរលំ ស្រុកស្អាង ដើម្បីស្វែងរកប្រពន្ធជាទីស្រឡាញ់របស់ខ្លួនដែលបានចាកចោលពីផ្ទះថា មកធ្វើជាកម្មការិនីរោងចក្រនៅ ឃុំស្វាយរលំ ប៉ុន្តែអស់រយៈពេល២ឆ្នាំ មកហើយ មិនឃើញវិលត្រឡប់ទៅជួបក្រុមគ្រួសារវិញ ។
ដោយការធ្វើដំណើរអស់កម្លាំងព្រមទាំងមិនមានកន្លែងស្នាក់នៅត្រឹមត្រូវ និងហូបចុកមិនបានគ្រប់គ្រាន់រយៈពេល៣ថ្ងៃក្នុងការដើរស្វែងរកប្រពន្ធតាមរោងចក្រនោះ ស្រាប់តែនៅវេលាម៉ោង១២ថ្ងៃត្រង់ថ្ងៃទី១៩ កក្កដា បុរសកំសត់បានកើតរោគខ្យល់គរដួលសន្លប់មួយសន្ទុះនៅក្បែររោងចក្រយ៉ុងវាចាស់ ក្រុងតាខ្មៅ ខេត្តកណ្តាល ប៉ុន្តែត្រូវបានគេជួយសង្គ្រោះទាន់។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ