រាជធានីភ្នំពេញ ៖ លោកស្រីជីរ៉ាណាន់ វង្សមង្គល អគ្គទីប្រឹក្សាពាណិជ្ជកម្មប្រចាំ ស្ថានឯកអគ្គរាជទូតថៃនៅរាជធានីភ្នំពេញ បានថ្លែងថា ដោយសារកំលាំងទិញរបស់ ប្រជាពលរដ្ឋកម្ពុជាបានថយចុះ ពាណិជ្ជកម្ម ថៃដែលបាននាំចូលមកប្រទេសកម្ពុជាបាន ថយចុះ២២ភាគរយ ក្នុងឆ្នាំ២០០៩ កន្លងមក នេះ ខណៈពេលដែលឆ្នាំ២០០៨កន្លងទៅ ពាណិជ្ជកម្មក្រៅប្រទេសរបស់ថៃមកកាន់ កម្ពុជាមានតួលេខចំនួន១.៦៥៨លានដុល្លារ អាមេរិក ។
លោកស្រី ជីរ៉ាណាន់វង្សមង្គល បានថ្លែង បែបនេះ នៅក្នុងសន្និសីទសារព័ត៌មានមួយស្ដី ពីការរៀបចំតាំងពិព័រណ៍ផ្លែឈើថៃនៅ ភោជនីយដ្ឋានគ្រូសូផា ដែលជាភោជនីយដ្ឋាន ទើបបង្កើតថ្មីរបស់ថៃមានទីតាំងស្ថិតនៅក្នុង សណ្ឋាគារភ្នំពេញ កាលពីថ្ងៃទី២២ ឧសភា ។
លោកស្រីបន្ដថា គោលបំណងនៃការ រៀបចំតាំងពិព័រណ៍ពាណិជ្ជកម្មថៃលើកនេះ គឺដើម្បីផ្សព្វផ្សាយ និងបញ្ជាក់បន្ថែមអំពី ទំនិញថៃថា ជាទំនិញដែលមានគុណភាពល្អ តំលៃសមរម្យ និងជាការថ្លែងអំណរគុណដល់ អតិថិជនដែលគាំទ្រទំនិញថៃឱ្យមានឱកាស ទិញទំនិញដែលម្ចាស់រោងចក្រផលិតទំនិញ នាំយកមកលក់ដោយផ្ទាល់ក្នុងតំលៃដែល ធានាបានថា ថោកជាងនៅទីផ្សារយ៉ាងពិត ប្រាកដ ។ ចាប់ពីថ្ងៃទី២៩ មេសា ដល់ថ្ងៃទី២ ខែ ឧសភា ឆ្នាំ២០១០ នាយកដ្ឋានជំរុញការនាំ ចេញនៃក្រសួងពាណិជ្ជកម្មថៃ បានរៀបចំ ធ្វើពិព័រណ៍ផ្លែឈើថៃ នៅផ្សារទំនើបផារ៉ា ហ្កន ដើម្បីជំរុញការបរិភោគផ្លែឈើថៃ ហើយពិព័រណ៍នេះទទួលបានជោគជ័យយ៉ាង ល្អប្រសើរ ដោយសារផ្លែឈើថៃមានគុណ*ភាពល្អ រសជាតិឆ្ងាញ់ និងតំលៃសមរម្យ ។
ដើម្បីជាការឆ្លើយតបតាមសេចក្ដីត្រូវការ បរិភោគផ្លែឈើស្រស់កាន់តែកើនឡើងក្នុង ស្រទាប់ប្រជាជនកម្ពុជា និងជាការជួយដល់ កសិករ អ្នកដាំផ្លែឈើនៅភាគខាងកើតនៃ ប្រទេសថៃ ដូចជាខេត្ដចាន់ថះបុរី រះយ៉ង និង ត្រាត ការិយាល័យជំរុញការនាំចេញភាគខាង កើតចាន់ថះបុរី បានឱ្យកសិករពីខេត្ដទាំង៣ ដូចបានពោលខាងលើ នាំយកផ្លែទុរ៉េន សាវ ម៉ាវ ឡង់កង មង្ឃុត និងផលិតផលពីផ្លែឈើ មកលក់ជូនដល់អតិថិជននៅកម្ពុជាដោយ ផ្ទាល់ ដោយចាប់ផ្ដើមពីថ្ងៃទី២៧ដល់៣០ ឧសភា ឆ្នាំ២០១០ នៅផ្សារទំនើបផារ៉ាហ្កន ផ្លែឈើដែលនាំយកមកលក់គ្រប់ប្រភេទដូច ជាទុរ៉េន ឡង់កង សាវម៉ាវ មង្ឃុត និងមាន តំលៃថោកជាងតំលៃនៅទីផ្សារ១.០០០ រៀលក្នុងមួយគីឡូក្រាម ។ ចំណែកពិព័រណ៍មួយទៀតដែលស្ថានទូត ថៃនឹងរៀបចំធ្វើ គឺពិព័រណ៍ពាណិជ្ជកម្មថៃ ២០១០ ជាពិព័រណ៍ដែលប្រជាជនកម្ពុជា ទន្ទឹងរង់ចាំ ពីព្រោះរៀបចំយ៉ាងធំ ដោយមាន ក្រុមហ៊ុនចូលរួមចំនួន១៦៥ក្រុមហ៊ុន មាន ស្ដង់ចំនួន២៥៤ស្ដង់ ។
ទំនិញដែលនាំយក មកតាំងលក់គឺ ម្ចាស់រោងចក្រយកមកលក់ ជូនអតិថិជនដោយផ្ទាល់ ហើយមួយចំនួនជា ទំនិញដែលត្រូវការរកតំណាងចែកចាយ ទំនិញនៅកម្ពុជា ។អាស្រ័យហេតុនេះ សូមគោរពអញ្ជើញ អតិថិជនដែលត្រូវការទិញទំនិញដែលផលិត នៅប្រទេសថៃ និងពាណិជ្ជករដែលត្រូវការ ធ្វើជាតំណាងចែកចាយទំនិញថៃមកទស្សនា និងជ្រើសរើសទិញទំនិញនៅក្នុងពិព័រណ៍ ពាណិជ្ជកម្មថៃ២០១០ ចាប់ពីថ្ងៃទី១៧-២០ មិថុនា ឆ្នាំ២០១០ នៅមជ្ឈមណ្ឌលពិព័រណ៍ កោះពេជ្រ ដែលរៀបចំធ្វើនៅអគារម៉ាស៊ីន ត្រជាក់ ចាប់ពីម៉ោង៩ព្រឹក ដល់ម៉ោង៩ យប់។មានកម្មវិធីពិសេសក្នុងពិព័រណ៍នេះ តាម ការស្នើសុំគឺពងមាន់១គ្រាប់ តំលៃ១០០ រៀល ហើយក្រុមហ៊ុន ជភ 9ជាមបៀដិាប បាន ត្រៀមពងមាន់ទុកដើម្បីលក់ជូនអតិថិជន ក្នុង១ថ្ងៃចំនួន១០.០០០គ្រាប់ ។
មិនមែនមានតែពងមាន់ប៉ុណ្ណោះទេ នៅ មានទំនិញជាច្រើនប្រភេទទៀត ដែលនាំ យកមកលក់ដើម្បីជាការផ្សព្វផ្សាយ សូម អញ្ជើញមកទស្សនា ក្រៅពីថោកសែនថោក ហើយនៅមានការចាប់រង្វាន់ឱ្យដល់អតិថិជនដែលទិញទំនិញនៅក្នុងពិព័រណ៍នេះទៀតផង ដោយមានរង្វាន់ត្រៀមចែកជូនក្នុង១ម៉ោង ម្ដង ដូចជាកង្ហារ ទូរស័ព្ទ ទំនិញបរិភោគ និង ទំនិញផ្សេងៗជាច្រើនទៀត ។សូមជូនដល់អ្នកសារព័ត៌មានឱ្យបានជ្រាបអំពីការរៀបចំពិព័រណ៍របស់ថៃចំនួន៣លើក ដូចខាងក្រោម ១-ពិព័រណ៍ផ្លែឈើថៃ ចាប់ ពីថ្ងៃទី២៧-៣០ ឧសភា ឆ្នាំ២០១០ នៅ ផ្សារទំនើបផារ៉ាហ្កន ។ ២-ពិព័រណ៍ពាណិជ្ជ កម្មថៃ ចាប់ពីថ្ងៃទី១៧-២០ មិថុនា ឆ្នាំ ២០១០ នៅកោះពេជ្រ ។ ៣-ពិព័រណ៍គ្រឿង សំអាងថៃ ចាប់ពីថ្ងៃទី២-៥ កក្កដា ឆ្នាំ ២០១០ នៅផ្សារទំនើបផារ៉ាហ្កន ។
ចែករំលែកព័តមាននេះ