រាជធានីភ្នំពេញ ៖ រយៈពេល៦ខែនៃកម្ម វិធីផ្ដល់រង្វាន់ភ្លាមៗ និងឈ្នះរង្វាន់ធំសម្រាប់គណនីមានកាលកំណត់ របស់ធនាគារ អូ អេស ខេ ឥណ្ដូ ឆៃណា លីមីធីតត្រូវបានបញ្ចប់ក្នុង ខែមីនា ឆ្នាំ២០១២ ដែលជាយុទ្ធសាស្ដ្រសម្រាប់លើកទឹកចិត្ដ និងជំរុញអតិថិជនសម្រាប់ការប្រើប្រាស់លើសេវារបស់ខ្លួន។
សម្រាប់កម្មវិធីផ្ដល់រង្វាន់ភ្លាមៗរួមមានៈ ម៉ូតូ ទូរទស្សន៍ LCD ៤២អ៊ីង Home Theater ១ឈុត ទូរទឹកកក កង្ហារប្រើទឹក FUMIYAMA ទូរស័ព្ទដៃ ឆ្នាំងអុត ឆ្នាំងបាយ បំពុងទឹកក្ដៅ….។ល។ ឈ្នះរង្វាន់ធំ រួមមានៈ រង្វាន់ទី១ ៖ ម៉ូតូ១គ្រឿង រង្វាន់ទី២ ៖ ទូរទស្សន៍ LCD ៤២អ៊ីង ១គ្រឿង រង្វាន់ទី៣ ៖ iPaid 2 ចំនួន១គ្រឿង រង្វាន់ទី៤ ៖ ទូទឹកកក Panasonic ១គ្រឿង និង រង្វាន់ទី៥៖ កាមេរ៉ា CANON ១គ្រឿង។សម្រាប់អតិថិជនបើកគណនីមានកាលកំណត់រយៈពេលចាប់ពី៦ខែឡើងទៅ និងចំនួនទឹកប្រាក់អប្បបរមា ១.០០០ដុល្លារអាមេរិក។
ការប្រារព្ធចាប់រង្វាន់ធំបានប្រព្រឹត្ដឡើងនៅថ្ងៃសៅរ៍ទី២៨ មេសា ឆ្នាំ២០១២ ស្ថិតនៅទីស្នាក់ការកណ្ដាលភ្នំពេញ អគារលេខ២៦៣ វិថីព្រះអង្គឌួង ភ្នំពេញ កម្ពុជា ដែលមានភ្ញៀវជាអតិថិជនរបស់ខ្លួនចូលរួមជាកសិណសាក្សី និងសុក្រឹតភាពសម្រាប់ការចាប់រង្វាន់នោះ។
ធនាគារ អូ អេស ខេ ឥណ្ដូ ឆៃណា លីមីធីត បានបង្កើតឡើងក្នុងឆ្នាំ២០០៨ និងបច្ចុប្បន្នមានសាខាចំនួន៩ ដែលមានទីតាំងក្នុងរាជធានីភ្នំពេញ និងតាមបណ្ដាខេត្ដមួយចំនួនរួមមានខេត្ដកំពង់ចាម ខេត្ដបាត់ដំបង ខេត្ដសៀមរាប និងខេត្ដព្រះសីហនុ។
ធនាគារផ្ដល់ជូននូវវិសាលភាពយ៉ាងពេញលេញទាំងផ្នែកធនាគារ ចែកចាយ និងធនាគារពាណិជ្ជកម្ម ក្នុងនោះមានទាំងគណនីចរន្ដ និងគណនីបញ្ញើសន្សំចៃ ប្រាក់បញ្ញើមានកាលកំណត់ សេវាប្ដូររូបិយប័ណ្ណបរទេស កម្ចីទិញផ្ទះ កម្ចីលើកម្មសិទិ្ធ កម្ចីបុគ្គល និងកម្ចីទិញរថយន្ដ ក៏ដូចជាការជួយសម្រួលផ្នែកហិរញ្ញវត្ថុពាណិជ្ជកម្ម។ រាល់គ្រប់សាខាទាំងអស់របស់ធនាគារមានបំពាក់ទៅដោយម៉ាស៊ីនដាក់ប្រាក់ស្វ័យប្រវត្ដិ អេ ធី អឹម «ATM »(Automated Teller Machine)ដែលប្រតិបត្ដិការពេញ២៤ម៉ោងសម្រាប់សេវា ដាក់ប្រាក់បញ្ញើជាសាច់ប្រាក់ ដកប្រាក់បញ្ញើជាសាច់ប្រាក់ ដកប្រាក់បញ្ញើជាមូលប្បទានប័ត្រ និងជម្រើសរូបិយប័ណ្ណក្នុងការដកប្រាក់ ទាំងអស់នេះមាននៅក្នុងម៉ាស៊ីនតែមួយ។
ធនាគារនេះក៏មានផ្ដល់សេវាUnderwriting Dealing, Stockbroking និង Investment Advisory Service តាមរយៈបុត្រសម្ព័នរបស់ធនាគារគឺ ក្រុមហ៊ុន អូ អេស ខេ ឥណ្ដូឆៃណា ស៊ីឃ្យួរីធី លីមីធីតក្នុង ៕
ចែករំលែកព័តមាននេះ