Samsung ដែលជាក្រុមហ៊ុនឈានមុខគេលើផ្នែកបច្ចេកវិទ្យា នាពេលថ្មីៗនេះបានចេញលក់នូវទូរទស្សន៍ Smart TV ។ យោងតាមប្រសាសន៍លោក Gwithan Lee នាយកក្រុមហ៊ុនអេឡិចត្រូនិក Samsung ប្រចាំនៅឥណ្ឌូចិនបានមានប្រសាសន៍ថា “ទូរទស្សន៍ Smart TV គឺជាបច្ចេកវិទ្យាចុងក្រោយ ដែលនឹងផ្លាស់ប្តូរបទពិសោធន៍នៃការមើលទូរទស្សន៍របស់អតិថិជន ។
ទូរទស្សន៍គឺជាផ្នែកមួយដ៏សំខាន់នៅក្នុងគេហដ្ឋាន និងជាឧបករណ៍ផ្តល់ការកម្សាន្តប្រចាំថ្ងៃក្នុងគ្រួសារ ។ សម្រាប់ Samsung នេះជាការផ្តល់នូវអនាគតថ្មីនៃទូរទស្សន៍ Smart TV ហើយតាមរយៈទូរទស្សន៍ស៊េរីថ្មីៗនេះ គឺអាចឆ្លើយតប និងបំពេញតាមតម្រូវការលោកអ្នក ដើម្បីផ្សារភ្ជាប់ទំនាក់ទំនងគ្រួសារក្នុង និងក្រៅគេហដ្ឋាន និងផ្តល់នូវជម្រើសថ្មីដ៏អស្ចារ្យ ដើម្បីកំណត់បែបផែនជីវិត និងតម្រូវការរបស់លោកអ្នក ។ អត្ថប្រយោជន៍សំខាន់ៗចំនួន៣នៃម៉ូដែល២០១២ ពេញទៅដោយអត្ថប្រយោជន៍ជាងម៉ូដែលឆ្នាំ២០១១ គឺ “Smart Interactive, Smart Contents, និង Smart Evolution”។
ខណៈដែលទិន្នន័យមានការរីកចម្រើនកាន់តែខ្លាំង រឹងមាំ និងងាយស្រួលប្រើ ទស្សនវិស័យរបស់ Samsung ក្នុងការឆ្លើយតបទៅកាន់អតិថិជន ជាមួយទូរទស្សន៍របស់ខ្លួន ត្រូវបានធ្វើឱ្យប្រសើរឡើង ។ Smart Interaction អាចឱ្យម្ចាស់ទូរទស្សន៍ Smart TV ទំនាក់ទំនងជាមួយទូរទស្សន៍ដទៃទៀតតាមរយៈប្រព័ន្ធបញ្ជាដោយសំឡេង ដោយចលនា និងដោយការចំណាំផ្ទៃមុខមនុស្ស ដែលផ្តល់នូវជម្រើសច្រើនក្នុងការបញ្ជា ។ ជាពិសេសមានភ្ជាប់មកជាមួយនូវកាមេរ៉ា និងមីក្រូហ្វូនចំនួនពីរ សម្រាប់ទូរទស្សន៍ Samsung Smart TV ២០១២ ដោយអតិថិជនអាចនិយាយ “Hi TV” ដើម្បីបើកការបញ្ជាដោយសំឡេង ឬនិយាយ “Web Browser” ដើម្បីភ្ជាប់អុីនធឺណិត និងអាចឆែកអុីនធឺណិត មើលលទ្ធផលនៃការស្រាវជ្រាវ ឬដំឡើងសំឡេងបានដោយគ្រាន់តែចង្អុលបញ្ជាដោយដៃ។ ទូរទស្សន៍ស៊េរី LED 8000 មានសមត្ថភាព Smart Interaction ទាំងអស់នេះ ដោយបន្ថែមនូវលក្ខណៈនៃការរចនាមុខកញ្ចក់ដ៏ស្តើងបំផុត ។
ការពង្រីកទិន្នន័យផ្ទាល់ខ្លួនបន្ថែមដោយការផ្តល់តាមតម្រូវការអតិថិជន គឺជាគោលដៅដ៏សំខាន់នៃទូរទស្សន៍ Samsung Smart TV ។ Samsung មានកម្មវិធី Smart TV 1.400 កម្មវិធី ដែលបានដាក់លក់រួមមាន Angry Birds និង Discovery Channel រួមទាំងអ្នកបង្កើតកម្មវិធីភាគីទីបី ដែលមានការរីកចម្រើនចាប់ពី៥៥០ ដល់២៥.០០០នាក់ ក្នុងពេលពីរឆ្នាំប៉ុណ្ណោះ ។ ល្បឿនដំណើរការ Dual-Core Processor ដ៏មានសក្តានុពលថ្មីរបស់ Samsung អាចឱ្យអតិថិជនដំណើរការទិន្នន័យដ៏សម្បូរបែប តាមរយៈលទ្ធភាពប្រើប្រាស់ និង Download កម្មវិធីជាច្រើនក្នុងពេលកំពុងប្រើអុីនធឺណិត ឬកំពុងមើលការផ្សាយបន្តផ្ទាល់ដែលផ្តល់នូវមុខងារជាច្រើន ។
នៅឆ្នាំ២០១២ Samsung នឹងបំពេញតម្រូវ ការអតិថិជនបន្ថែមដោយការផ្តល់នូវលទ្ធភាពដំណើរការទិន្នន័យពីគ្រប់ទីកន្លែងជុំវិញពិភពលោក ។ ក្នុងគោលបំណងនេះ Samsung បានកែប្រែសេវាកម្ម Allshare របស់ខ្លួនឱ្យទៅជា “AllShare Play”ដែលអាចផ្លាស់ប្តូរទិន្នន័យពីឧបករណ៍មួយទៅឧបករណ៍មួយ និងពីឧបករណ៍ទៅអុីនធឺណិត ដោយមិនគិតទៅលើទីតាំង ។
AllShare Play អាចឱ្យអតិថិជនបញ្ជូនទិន្នន័យទៅអ៊ីនធឺណិត ឬទាញទិន្នន័យដោយផ្ទាល់ពី Smart TV ឬតាមរយៈទូរស័ព្ទចល័តដទៃទៀត ។ AllShare Play នឹងត្រូវបានបំពាក់បន្ថែមដោយឥតគិតថ្លៃ ដែលមានផ្ទុកនៅលើអ៊ីនធឺណិត ។
Samsung គឺកំពុងតែបោះជំហានទៅរកការតភ្ជាប់ប្រព័ន្ធ Ecosystem ជាមួយសេវាកម្មថ្មីចំនួនបីទៀតសម្រាប់ Smart TV មានដូចជា Family Story, Fitness និង Kids ដែលធ្វើឱ្យគ្រួសារជាច្រើនអាចចែករំលែករូបថត និងផ្ញើសារទៅវិញទៅមក ទាញយកគោលដៅ និងសកម្មភាពទៅរក្សាទុកយ៉ាងងាយស្រួល និងជួយដល់ក្មេងអាចចូលរួមក្នុងការមើលកម្មវិធីអប់រំ ក្នុងពេលកំពុងថតចម្លងរាល់ដំណើរការបានគ្រប់ជំហាន ។
ក្នុងឆ្នាំ២០១២ Samsung នឹងបន្តសហការជាមួយ Google ដើម្បីអភិវឌ្ឍ និងផ្តល់នូវបទពិសោធន៍នៃទូរទស្សន៍ដ៏ប្រសើរបំផុតសម្រាប់អតិថិជន ។ ដោយគួបផ្សំរវាងភាពរឹងមាំ និងបទពិសោធន៍ជាច្រើនពីក្រុមហ៊ុននីមួយៗ យើងនឹងនាំមកនូវបទពិសោធន៍ថ្មីដ៏សម្បូរបែបនៅក្នុងវិស័យនេះ ។ បន្ថែមលើនេះ Samsung បានប្រកាសថា កំពុងសហការជាមួយ NBC Universal ក្នុងការផ្តល់ជូន “Battlestar Galactica” ដែលជាស៊េរី sci-fi ដ៏មានឥទ្ធិពលបំផុតចំពោះប្រព័ន្ធ 3D ក្នុងទសវត្សចុងក្រោយនេះ ។
Samsung ជឿជាក់ក្នុងការធ្វើបែបនេះ ហើយ NBC Universal ក៏មានលក់តាមរយៈកម្មវិធី Samsung Media Hub ផងដែរ ។
ប្រសិនបើ Smart Interaction និង Smart Contentមិនទាន់ទំនើបគ្រប់គ្រាន់ទេនោះ ប្រភេទទូរទស្សន៍ Samsung Smart TV ក៏មាន នូវលក្ខណៈទាំងអស់នៃបច្ចេកវិទ្យាទូរទស្សន៍តាមប្រព័ន្ធបច្ចេកវិទ្យា System-on-chip ផងដែរ ។ អតិថិជនមិនចាំបាច់ទិញផលិតផលថ្មីនោះទេ ប្រសិនបើត្រូវកំណត់ឡើងវិញនូវរាល់ពេលមានបច្ចេកវិទ្យាថ្មីនោះ ។ Evolution Kit របស់ Samsung មានរន្ធដោតខាងក្រោយទូរទស្សន៍ និងនាំមកនូវបច្ចេកវិទ្យាទូរទស្សន៍ចុងក្រោយ និងអស្ចារ្យបំផុតដល់ជីវិត ៕
ចែករំលែកព័តមាននេះ