រាជធានីភ្នំពេញ ៖ យ៉ាងហោចណាស់មនុស្សប្រុសស្រី៤នាក់ បានរងរបួសធ្ងន់ ដោយសារត្រូវរថយន្ដឡិចស៊ីស៥៧០បុកពេញទំហឹងពីក្រោយ ខណៈជិះម៉ូតូចេញពីស្ថានីយប្រេងឥន្ធនៈតេលា បណ្ដាលឱ្យអ្នកជិះខ្ទាតដួលបោកក្បាលទៅនឹងថ្នល់សន្លប់ដេករដូក រណែលត្រង់ចំណុចគល់ស្ពានអាកាសក្បាលថ្នល់នៅលើវិថីព្រះនរោត្ដម ក្នុងសង្កាត់ទន្លេបាសាក់ ខណ្ឌចំការមន កាលពីវេលា
រាជធានីភ្នំពេញ ៖ យ៉ាងហោចណាស់មនុស្សប្រុសស្រី៤នាក់ បានរងរបួសធ្ងន់ ដោយសារត្រូវរថយន្ដឡិចស៊ីស៥៧០បុកពេញទំហឹងពីក្រោយ ខណៈជិះម៉ូតូចេញពីស្ថានីយប្រេងឥន្ធនៈតេលា បណ្ដាលឱ្យអ្នកជិះខ្ទាតដួលបោកក្បាលទៅនឹងថ្នល់សន្លប់ដេករដូករណែលត្រង់ចំណុចគល់ស្ពានអាកាសក្បាលថ្នល់នៅលើវិថីព្រះនរោត្ដម ក្នុងសង្កាត់ទន្លេបាសាក់ ខណ្ឌចំការមន កាលពីវេលាម៉ោង៩និង៣០នាទីយប់ថ្ងៃទី២២ កុម្ភៈ ។
ប្រភពបានឱ្យដឹងថា ជនរងគ្រោះជិះម៉ូតូអាយខុន ពណ៌សលាយឈាមជ្រូកជិះគ្នា៤នាក់ ក្នុងនោះឈ្មោះប្រាក់ សម្ភស្ស ភេទប្រុស អាយុ២៦ឆ្នាំ ជាអ្នកបើកបរ ត្រូវជាប្ដីរបស់ឈ្មោះថៃ ធី អាយុ២៧ឆ្នាំ និងកូនស្រីឈ្មោះប្រាក់ លីលី អាយុ៥ឆ្នាំ ព្រមទាំងប្អូនស្រីអង្គុយក្រោយឈ្មោះថៃ សុខ អាយុ២១ឆ្នាំ អ្នកទាំង៤នាក់ ស្នាក់នៅបន្ទប់ជួលសង្កាត់ចាក់អង្រែលើ ខណ្ឌមានជ័យ ។ តាមការឱ្យដឹងពីបុរសជាប្ដីរងរបួសបែកក្បាលពីក្រោយបានឱ្យដឹងថា មុនពេលកើតហេតុគាត់បានដឹកប្រពន្ធកូន និងប្អូនស្រីត្រឡប់មកពីលេងកោះពេជ្រ ហើយមកដល់ស្ថានីយ៍ប្រេងឥន្ធនៈតេលាបានឈប់បត់ជើងតូច រួចក៏បើកម៉ូតូចេញមកវិញ តែចេញមិនទាន់ផុតផង ស្រាប់តែមានរថយន្ដឡិចស៊ីស៥៧០ បើកមកពីក្រោយបុកពេកទំហឹង បណ្ដាលឱ្យរងរបួសទាំងអស់គ្នាតែម្តង ។
ក្រោយពេលកើតហេតុរថយន្ដបើករត់គេចបាត់ស្រមោល។ ចំណែកជនរងគ្រោះត្រូវបានអ្នកឃើញហេតុការណ៍ដឹកយកទៅសង្គ្រោះនៅគ្លីនិកបាយន្ដដែលនៅជិតកន្លែងកើតហេតុ ៕
ចែករំលែកព័តមាននេះ