រាជធានីភ្នំពេញ ៖ ក្រោយពីទទួលបាន ការគាំទ្រយ៉ាងច្រើនលើសលុបពីសំណាក់អតិថិជនចំពោះស្រឡាយផលិតផលស្មាតហ្វូនរបស់ Samsung ដែលមានដូចជា Samsung Galaxy SII, Samsung Galaxy Note រួចមក លោកវ៉ាត ឡាំផេង នាយកគ្រប់គ្រងប្រចាំប្រទេសកម្ពុជានៃក្រុមហ៊ុន Samsung Electronics បានមានប្រសាសន៍ថា យើងបាននាំយកទូរស័ព្ទម៉ូដែលថ្មីមួយទៀតរបស់ Samsung ស្មាតហ្វូនគឺ Samsung Galaxy Y ។
វាគឺជាម៉ូដែលមួយដែលបានបង្កើនតុល្យភាពនៃការលក់សរុបរបស់ Samsung ស្មាតហ្វូនឡើងដល់ទៅ១០លានដុល្លារសហរដ្ឋអាមេរិកនៅទូទាំពិភពលោកនាពេលថ្មីៗនេះ។ ភាពល្អឥតខ្ចោះនៃបច្ចេកវិទ្យាដ៏ទំនើប របស់ស្រឡាយផលិតផលទូរស័ព្ទស្មាតហ្ទូន Samsung Galaxy S ត្រូវបានបំពាក់នៅក្នុងទូរស័ព្ទស្មាតហ្ទូន Galaxy Y។ មិនតែប៉ុណ្ណោះម៉ូដែល Galaxy Y ត្រូវបានរចនាឡើងដោយមានកម្រាស់ស្ដើងរាងតូចប្រកបទៅដោយថាមពលប្រតិបត្ដិការប្រសិទ្ធិភាពខ្ពស់ ដែលផ្ដល់ភាពទាក់ទាញ និងធ្វើឱ្យអ្នកប្រើប្រាស់ស្ដែងចេញនូវភាពក្មេង វៃឆ្លាត ទំនើប និងទាន់សម័យ។
លើសពីនេះទៅទៀត Galaxy Y ផ្ដល់នូវតម្លៃសមរម្យដែលអតិថិជនទាំងអស់អាចជាវយកមកប្រើប្រាស់ដើម្បីធ្វើឱ្យជីវិតរបស់អ្នកស្ថិតនៅក្នុង យុគ្គសម័យនៃបច្ចេកវិទ្យាទំនើបចុងក្រោយរបស់ពិភពលោក៕
ចែករំលែកព័តមាននេះ