ដើម្បីផ្តល់នូវអត្ថប្រយោជន៍កាន់តែប្រសើរសំរាប់អតិថិជនដែលបានចុះឈ្មោះប្រើប្រាស់ សេវាកម្មអ៊ីនធើរណេតរបស់ក្រុមហ៊ុនឌីជី ដែលជាក្រុមហ៊ុនផ្តល់សេវាកម្មអ៊ីនធើរណេតដ៏ធំមួយនៅក្នុងប្រទេសកម្ពុជា នឹងផ្តល់នូវកម្មវិធីយ៉ាងពិសេសមួយដល់អតិថិជន។ ក្នុងនោះគ្រប់អតិថិជនទាំងអស់នឹងទទួលបាននូវប័ណ្ណបញ្ចុះតម្លៃពីឌីជីក្លឹប សំរាប់ការទិញទំនិញ និងការប្រើប្រាស់សេវាកម្មផ្សេងៗជាច្រើនទៀត ដោយគ្រាន់តែចុះឈ្មោះប្រើប្រាស់សេវាឌីជី(Digi) ចាប់ពីថ្ងៃនេះតទៅ។
យោងតាមប្រសាសន៍របស់លោកស្រី Maria Teplukhina បានឱ្យដឹងថា កម្មវិធីផ្តល់នូវប័ណ្ណបញ្ចុះតម្លៃឌីជីក្លឹបសំរាប់អតិថិជននេះ គឺជាផ្នែកមួយនៃយុទ្ធសាស្រ្តក្នុងការធ្វើឱ្យអតិថិជនទទួលបាននូវភាពងាយស្រួលនឹងមានជីវិតកាន់តែសម្បូរបែប ក៏ដូចជាការសន្សំសំចៃបានកាន់តែច្រើនជាមួយនឹងការប្រើប្រាស់ប្រព័ន្ធអ៊ីនធើរណេតរបស់ក្រុមហ៊ុនឌីជី។ លោកស្រីបាន បន្ថែមទៀតថា គោលបំណងចំបងមួយទៀតដែលក្រុមហ៊ុនរៀបចំ កម្មវិធីនេះឡើង គឺដើម្បីជំរុញអាជីវកម្មរបស់អតិថិជនទាំងអស់ឱ្យកាន់តែមានភាពរីកចម្រើន និងទទួលបានអត្ថប្រយោជន៍កាន់តែច្រើនពីការប្រើប្រាស់សេវាកម្មអ៊ីនធើរណេតពីឌីជី ដោយគ្រាន់តែចំណាយចាប់ពី១២ដុល្លារក្នុងមួយខែប៉ុណ្ណោះ អតិថិជននឹងទទួលបានអ៊ីនធើរណេតមានល្បឿនរហូតដល់1mbps និងប្រើប្រាស់សេវាឌីជីវើលដោយមិនគិតថៃ្លក្នុងល្បឿនរហូតដល់10mbps។
សំរាប់ព័ត៌មានលំអិតដែលទាក់ទងទៅនឹងកម្មវិធីពិសេសនេះ សូមទំនាក់ទំនងមកកាន់ ក្រុមហ៊ុន ឌីជី តាមរយៈលេខទូរស័ព្ទ ០២៣ ២២៧ ៧៦៦ ឬចូលទៅក្នុងគេហទំព័រhttp://www.digi.com.kh/digiclub/៕
ចែករំលែកព័តមាននេះ