រាជធានីភ្នំពេញ ៖ អតិថិជនរបស់ Caltex មានហេតុផលច្រើនយ៉ាង ដើម្បីរីករាយជាមួយការធ្វើដំណើររបស់ពួកគេក្នុងពេលដែលអតិថិជនចំនួន៣០រូប បានឈ្នះនូវរង្វាន់ធំពីកម្មវិធីពិសេសរបស់ Caltex កាលពីពេលថ្មីៗ នេះ ។
ចំពោះអតិថិជន ដែលបានឈ្នះរង្វាន់ទាំង អស់ សុទ្ធតែជាអ្នកនិយមប្រើប្រាស់ប្រេង ឥន្ធនៈ Caltex ដែលនៅក្នុងនោះ៥រូប បានជិះចេញទៅវិញជាមួយរង្វាន់ម៉ូតូហុងដា Scoopy ដំណាលគ្នាជាមួយអតិថិជន១០រូប ដែលទទួលបានកុំព្យូទ័រយួរដៃនិង១២រូបទៀត ដែលបានឈ្នះទូរទស្សន៍ Sumsung LCD ស៊េរីថ្មី ។ រីឯអ្នកឈ្នះរង្វាន់ធំទាំងបីរូបបានធ្វើការប្រកួតគ្នា យ៉ាងស្វិតស្វាញ ដើម្បីដណ្ដើមយករង្វាន់ធំ។ លោកផេន វាសនា គឺជាអ្នកដែលបានរកឃើញគ្រាប់ពេជ្រសិប្បនិម្មិត ដែលលាក់ទុកក្នុងគំនរស្នោមុនគេ ហើយបានក្លាយជាម្ចាស់គ្រឿងអលង្ការពេជ្រ១ឈុត ដែលមានតម្លៃ៧.៥០០ដុល្លារ រីឯអ្នកនាងហង្ស សំរឹទ្ធ និងលោកស៊ីវ សឿន ក៏មិនបានដើរចេញជាមួយដៃទទេរឡើយ គឺពួកគាត់បានឈ្នះរង្វាន់ចិញ្ចៀនពេជ្រដ៏ស្រស់ស្អាតចំនួនម្នាក់១វង់ផងដែរ ។
លោក Chang Swee Wah នាយកសាខារបស់ Caltex បានមានប្រសាសន៍ថា «យើងពិតជាមានអារម្មណ៍រំភើប ដែលបានឃើញអតិថិជនរបស់យើង រីករាយជាមួយការធ្វើដំណើររបស់ពួកគេ ទាំងនៅលើដងវិថី ឬនៅតាមកន្លែងផ្សេងៗទៀត រៀងរាល់ថ្ងៃ! ហើយក៏សូមថ្លែង អំណរគុណ ដល់ថាមពលមិនងាយប្រៀបបាន Techron គឺសូម្បីតែអតិថិជន ដែលមិនបាន ឈ្នះរង្វាន់ពីកម្មវិធីក៏ពួកគេនៅតែជាអ្នកឈ្នះនៅលើដងវិថីដែរ!» ៕
ចែករំលែកព័តមាននេះ