រាជធានីភ្នំពេញ ៖ នៅមជ្ឈមណ្ឌលវប្បធម៌ចេនឡាកាលពីថ្ងៃទី១៥ មករា ក្រុមហ៊ុនហ្គីហ្វារីនកម្ពុជាបានរៀបចំពិធីគម្រប់ខួប២ឆ្នាំចាប់តាំងពីក្រុមហ៊ុននេះបានដំណើរការរហូតមក ។
លោកស្រីផន វណ្ណីផា អគ្គនាយិកាក្រុមហ៊ុនហ្គីហ្វារីនកម្ពុជាបានថ្លែងថា ក្នុងរយៈពេល២ឆ្នាំកន្លងមកនេះ ហ្គីហ្វារីនកម្ពុជាបានដំណើរការធុរៈកិច្ចរបស់ខ្លួនប្រកបដោយជោគជ័យក្នុងការងារបេសកកម្មនៃអាជីវកម្មដែលបាននាំចូលផ្តាច់មុខនូវផលិតផលដែលមានគុណភាពខ្ពស់គ្មានជាតិគិមីមានតម្លៃសមរម្យសម្រាប់ជម្រើសដល់អតិថិជនគ្រប់ប្រភេទគ្រប់វ័យ គ្រប់ស្រទាប់ជាន់ថ្នាក់ ដូចជា ផលិតផលថែរក្សាស្បែក សក់ ដងខ្លួន ដៃជើង គ្រឿងសំអាង សាប៊ូងូតទឹក ផលិតផលថែរក្សាមាត់ ធ្មេញ គ្រឿងក្រអូបសម្រាប់បុរស នារី និងយុវវ័យ ផលិតផល សម្រាប់កុមារ ផលិតផលសម្រាប់អនាម័យក្នុងផ្ទះ អាហារបំប៉នសុខភាពគ្រប់ប្រភេទសម្រាប់មនុស្សគ្រប់វ័យ ទឹកផ្លែឈើសម្រាប់បំប៉នសុខភាព កាហ្វេបំប៉នសុខភាព ម៉ាស៊ីន ចម្រោះទឹកស្អាត ជីកសិកម្ម ព្រមទាំងគ្រឿងឧបភោគ បរិភោគមួយចំនួនទៀត ។ល។ មិនត្រឹមតែប៉ុណ្ណោះហ្គីហ្វារីនកម្ពុជាក៏បានផ្តល់ឱកាសធុរៈកិច្ចដ៏ល្អបំផុតឱ្យដល់ធុរៈជនរបស់យើង មានន័យថា ផ្តល់ឱកាសឱ្យសមាជិកយើងមានមុខរបរពីរគឺធ្វើការងារប្រចាំថ្ងៃផង និងធ្វើធុរៈកិច្ច ហ្គីហ្វារីនដែលនាំឱ្យមានចំណូលបន្ថែម ធ្វើឱ្យប្រសើរឡើងនូវជីវភាពរស់នៅ និងកាត់បន្ថយបាននូវភាពក្រីក្រខ្វះខាតរបស់ខ្លួន ។
ជាក់ស្តែងក្នុងរយៈពេល២ឆ្នាំពីពេលចាប់ដំណើរការមក យើងមានសមាជិកដល់ទៅជាង៥០.០០០នាក់ ដែលមកពីបណ្តាខេត្ត-ក្រុងទូទាំងព្រះរាជាណាចក្រកម្ពុជាដូចជា រាជធានីភ្នំពេញ ខេត្តបាត់ដំបង បន្ទាយមានជ័យ ស្វាយរៀង កំពង់សោម កំពត សៀមរាប កំពង់ចាម ក្រចេះ កណ្តាល ។ល។ និងមានធុរៈជនហ្គីហ្វារីនកម្ពុជាចំនួនជាង៤០០នាក់ដោយរាប់ចាប់ពីដំណែងហ្កោលស្តា (Gold Star) ឡើងទៅដល់ Paradise ។ ក្នុងនោះយើងបានទទួលលទ្ធផលយ៉ាងជោគជ័យបំផុត ដោយបានបំពាក់តំណែងជូនសមាជិកចំនួន៧រូប ជាតំណែង Paradise ដែលជាតំណែងទី៨ ក្នុងចំណោមតំណែងទាំង១១របស់យើង។ យើងមានធុរៈជនចាប់ពីតំណែង GS ឡើងទៅនៅតាមបណ្តាខេត្ត-ក្រុង នានាក្នុងព្រះរាជាណាចក្រកម្ពុជា ដូចជា រាជធានីភ្នំពេញ ចំនួន២៥១នាក់ បាត់ដំបង៦នាក់ កំពង់ចាម១៨នាក់ ក្រចេះ៦នាក់ កំពត៥នាក់ ។ល។ ជាមួយគ្នានេះដែរ ហ្គីហ្វារីនកម្ពុជា បានផ្តល់ប្រាក់កំរៃជើងសារយ៉ាងទៀងត្រង់ និងយុត្តិធម៌បំផុតដល់ធុរៈធនចំនួនជាង១៥.០០០នាក់ស្មើនឹងប្រាក់ជាង៥០ម៉ឺនដុល្លារ ហើយយើងនឹងបន្តភាពស្មោះត្រង់ និងយុត្តិធម៌របស់យើងជូនធុរៈជនរហូតតទៅ ។
ហ្គីហ្វារីនកម្ពុជា ក៏បានរៀបចំឱ្យមានធានារ៉ាប់រងដល់ធុរៈជនតាមលំដាប់ថ្នាក់ដូចជា ២.០០០ដុល្លារ ចំនួន៨.១៥៨នាក់ ៣.០០០ដុល្លារចំនួន១.២៦៤នាក់ ៤.០០០ដុល្លារ ចំនួន៣១០នាក់ ៥.០០០ដុល្លារចំនួន១៨១នាក់ សរុបទាំងអស់មានចំនួន៩.៩១៣នាក់ ។ យើងសង្ឃឹមថា ចំនួននេះនឹងត្រូវបានកើនឡើងជារៀងរាល់ខែ ៕
ចែករំលែកព័តមាននេះ