រាជធានីភ្នំពេញ ៖ ក្រុមហ៊ុន Interna-tiona Event Management បានរៀបចំព្រឹត្ដិការណ៍តាំងពិព័រណ៍ពាណិជ្ជកម្មអន្ដរជាតិកម្ពុជា កាលពីថ្ងៃទី២៦ មីនា នៅទីក្រុងកោះពេជ្រ ដែលពិធីបើកការតាំងពិព័រណ៍នេះ បានប្រព្រឹត្ដធ្វើឡើងក្រោមអធិបតីភាពលោក ត្រាក់ ថៃសៀង អភិបាលរងរាជធានីភ្នំពេញ។ពិព័រណ៍ពាណិជ្ជកម្មអន្ដរជាតិនេះមាន រយៈពេល៣ថ្ងៃ គឺចាប់ពីថ្ងៃទី២៦, ២៧ និង ២៨ មីនា និងមានស្ដង់តាំងពិព័រណ៍ចំនួន ២៣៧ស្ដង់ មានដាក់តាំងទំនិញគ្រប់ប្រភេទ ដូចជាសំណង់ សំភារប្រើប្រាស់លំនៅដ្ឋានគ្រឿងសង្ហារិម សំលៀកបំពាក់ គ្រឿងឧបភោគបរិភោគ សំភារកំសាន្ដរបស់ក្មេង គ្រឿងអេឡិចត្រូនិច និងទំនិញជាច្រើន ប្រភេទទៀត ។ថ្លែងសុន្ទរកថានៅក្នុងពិធីបើកការតាំង ពិព័រណ៍នេះ លោកត្រាក់ ថៃសៀង បានឱ្យដឹងថា រាជធានីភ្នំពេញជាទីក្រុងដ៏ចំណាស់មួយ និងល្បីល្បាញក្នុងចំណោមទីក្រុងនានានៅក្នុងព្រះរាជាណាចក្រកម្ពុជា ហើយជាទីក្រុងដ៏ស្រស់ស្អាតក្នុងចំណោមទីក្រុងនានាលើ សាកលលោក។ទីផ្សារកម្ពុជាមានសក្ដានុពល នីហរណ អាហរ័ណ ទំនិញពីប្រទេសអាស៊ាន អាស្រ័យហេតុនេះ ខ្ញុំសូមលើកទឹកចិត្ដចំពោះ លោក ហុក លួន អគ្គនាយកក្រុមហ៊ុន IEM និងអ្នកជំនួញទាំងអស់ក្នុងការផ្ដើមគំនិតធ្វើពិព័រណ៍ពាណិជ្ជកម្មអន្ដរជាតិកម្ពុជា២០១០នេះ ដើម្បីបើកឱកាសឱ្យពាណិជ្ជករបានជួបជុំគ្នាក្នុងការធ្វើជំនួញព្រមទាំងសហការល្អលើ វិស័យសេដ្ឋកិច្ចពាណិជ្ជកម្មឱ្យមានដំណើរការល្អ ។
ចែករំលែកព័តមាននេះ