ជនបរទេសម្នាក់ដេកស្លា.ប់ក្នុងផ្ទះជួលដោយសារជំងឺប្រចាំកាយ
ខេត្តព្រះសីហនុ ៖ ជនបរទេសដែលមានជំងឺប្រចាំកាយយូរយាណាស់មកហើយម្នាក់ បានដេកស្លា.ប់ក្នុងផ្ទះជួលមួយកន្លែងស្ថិតក្នុងក្រុមទី១៦ ភូមិ៥ សង្កាត់លេខ៤ ក្រុងព្រះសីហនុ
ខេត្តព្រះសីហនុ ៖ ជនបរទេសដែលមានជំងឺប្រចាំកាយយូរយាណាស់មកហើយម្នាក់ បានដេកស្លាប់ក្នុងផ្ទះជួលមួយកន្លែងស្ថិតក្នុងក្រុមទី១៦ ភូមិ៥ សង្កាត់លេខ៤ ក្រុងព្រះសីហនុ បង្កឱ្យមានការភ្ញាក់ផ្អើលកាលពីព្រឹកថ្ងៃទី០១ ធ្នូ ២០១៥។
យោងតាមប្រភពពីលោក លុយ ហាង នាយប៉ុស្តិ៍រដ្ឋបាលនគរបាលសង្កាត់លេខ០៤ បានបញ្ជាក់ឱ្យដឹងថា ជនរងគ្រោះដែលដេកស្លាប់ដោយជំងឺនេះ មានឈ្មោះ Schmidlin Markus Gaston ភេទប្រុស អាយុ៥៨ឆ្នាំ ជនជាតិស្វ៊ីស កាន់លិខិតឆ្លងដែនលេខ X2986485 មានមុខរបរភ្ញៀវទេសចរ រយៈពេលវែង ផុតកំណត់ខែ០៨ ២០១៦។
ជុំវិញការស្លាប់នេះ យោងតាមប្រភពពីប្រពន្ធសាកសពបានអះអាងថា ប្តីរបស់គាត់បានមករស់នៅជាមួយរូបគាត់ជាច្រើនខែមកហើយ ដោយមានជំងឺប្រចាំកាយ រៀងរាល់ថ្ងៃ បើប្តីគាត់ចង់ដើរទៅណាមកណា ដរាបណាប្រើឈើច្រត់ ដើម្បីទប់ខ្លួនទើបអាចដើរបាន ហើយនៅព្រឹកថ្ងៃកើតហេតុ ប្តីរបស់គាត់សំរាកនៅមុខបន្ទប់ក៏ដេកស្លាប់តែម្តង៕
ចែករំលែកព័តមាននេះ