ក្រុងប៉ោយប៉ែត ៖ ប្រជាពលរដ្ឋ១៥គ្រួសារ រស់នៅក្នុងភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យជាប់ព្រំដែនថៃ បានរៀបរាប់ប្រាប់អ្នកសារព័ត៌មានថា ពួកគាត់ត្រូវបានអ្នកមានអំណាចទឹកលុយមួយចំនួន រំលោ.ភបំពានយកដីធ្លីស្រែចំការរបស់ពួកគាត់យកទៅធ្វើជាកម្មសិទ្ធិផ្ទាល់ខ្លួនទាំងបំពាន ដោយគ្មានខ្លាចក្រែងរអែងច្បាប់បន្តិចសោះឡើយ ។
ក្រុងប៉ោយប៉ែត ៖ ប្រជាពលរដ្ឋ១៥គ្រួសារ រស់នៅក្នុងភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យជាប់ព្រំដែនថៃ បានរៀបរាប់ប្រាប់អ្នកសារព័ត៌មានថា ពួកគាត់ត្រូវបានអ្នកមានអំណាចទឹកលុយមួយចំនួន រំលោភបំពានយកដីធ្លីស្រែចំការរបស់ពួកគាត់យកទៅធ្វើជាកម្មសិទ្ធិផ្ទាល់ខ្លួនទាំងបំពាន ដោយគ្មានខ្លាចក្រែងរអែងច្បាប់បន្តិចសោះឡើយ ។
តាមការបំភ្លឺពីលោកខៀវ សេម អាយុ៦៧ឆ្នាំ ជាតំណាងពលរដ្ឋ១៥គ្រួសារ រស់នៅក្នុងភូមិកើតហេតុ បានរៀបរាប់បន្តថា ដីស្រែចំការចំនួន៣០ហិកតានោះ គឺពួកគាត់ជាពលរដ្ឋចំនួន១៥គ្រួសារ ទទួលបានពីការបែងចែករបស់អាជ្ញាធរភូមិក្នុង១គ្រួសារ បានចំនួន២ហិកតា សម្រាប់បង្កបង្កើនផលធ្វើស្រែចំការ ដើម្បីចិញ្ចឹមជីវិតក្នុងក្រុមគ្រួសារតាំងពីឆ្នាំ១៩៩៧មកម្ល៉េះ ។ តែលុះមកដល់ឆ្នាំ១៩៩៩ ស្រាប់តែមានជនខិលខូចមួយក្រុម បានមករំលោភបំពានយកដីរបស់ពួកគាត់យកទៅលក់បន្តឲ្យឈ្មួញជាអ្នកមានលុយនិងមានអំណាចតែម្តង។
បន្ទាប់មកពួកគាត់បានកើតទុកមិនសុខចិត្ត ក៏នាំគ្នាដាក់ពាក្យបណ្តឹងឲ្យអាជ្ញាធរតាំងពីថ្នាក់ក្រោម រហូតដល់ថ្នាក់លើឲ្យជួយដោះស្រាយរកយុត្តិធម៌ផងដែរ ។ តែរហូតមកទល់ពេលនេះ ជម្លោះដីធ្លីមួយកន្លែងនេះ ក្លាយជាជំងឺរ៉ាំរ៉ៃ មិនទាន់អាចដោះស្រាយចប់នៅឡើយទេ ។
ប្រពភបន្តឲ្យដឹងទៀតថា ជនដែលមានអំណាចទឹកលុយ បានរំលោភបំពានយកដីរបស់ពួកគាត់នោះមាន ១-ឈ្មោះហង្ស សុផៃ
(ហៅប្រុស) ជាមន្ត្រីយោធាផ្នែកសឹករងប្រចាំក្រុងប៉ោយប៉ែត មានឋានន្តរស័ក្តិជាវរសេនីយ៍ និងមានតួនាទីជាមេបញ្ជាការរងក្រុងប៉ោយប៉ែត, ២-ឈ្មោះតាំង តេងភាវ ជាថៅកែឡានដឹកដី, ៣-ឈ្មោះអ៊ឹង លាងស្រ៊ុន ជាថៅកែផ្តាច់មុខស្រាបៀកម្ពុជា, ៤-ឈ្មោះស៊ា ស្រូយ និង៥-ឈ្មោះយាយ រិន ។
ប្រជាពលរដ្ឋទាំង១៥គ្រួសារបានបញ្ជាក់ថា ក្រោយពីពួកគាត់បានប្តឹងតវ៉ាបញ្ហាជម្លោះដីធ្លីនេះ តាំងពីថ្នាក់ក្រោមរហូតដល់ក្រសួង
យុត្តិធម៌ បានចេញលិខិតលេខ១២១១ ចុះថ្ងៃទី២០ កក្កដា ឆ្នាំ២០១២ និងចុះហត្ថលេខាដោយរដ្ឋមន្ត្រីក្រសួងយុត្តិធម៌ លោកអង្គ វង្សវឌ្ឍានា ជម្រាបជូនមកឲ្យលោកប្រធានសាលាដំបូងខេត្តបន្ទាយមានជ័យ ពិនិត្យនិងដោះស្រាយតាមនីតិវិធីច្បាប់។
ពលរដ្ឋបន្តថា មិនតែប៉ុណ្ណោះ នៅមានលិខិតរបស់ខុទ្ទកាល័យសម្តេចនាយករដ្ឋមន្ត្រី ហ៊ុន សែន បានចេញលិខិតលេខ៤០៧ ចុះថ្ងៃទី១៨ មីនា ឆ្នាំ២០១៥ ជម្រាបមកឱ្យលោកអភិបាលខេត្តបន្ទាយមានជ័យ ពិនិត្យនិងដោះស្រាយនូវបញ្ហាទាំងអស់នេះ ជូនពួកគាត់ជាជនរងគ្រោះទាំង១៥គ្រួសារផងដែរ។
ប្រជាពលរដ្ឋបានបញ្ជាក់យ៉ាងច្បាស់ថា បន្ទាប់មកទៀត សាលាដំបូងខេត្តបន្ទាយមានជ័យ បានចេញដីការក្សាការពារលេខ៥២ ចុះថ្ងៃទី៣១ កក្កដា ២០១៤ ដោយចៅក្រម ឡូយ ចាន់ត្រា ហាមដល់គូភាគីជម្លោះទាំងសងខាង មិនឲ្យធ្វើសកម្មភាព លក់ ដូរ ផ្ទេរ
សិទ្ធិ ជួលព័ទ្ធរបងចាក់ដី ធ្វើការសាងសង់ផ្សេរៗនៅលើដីទីតាំងទំនាស់ឡើយ ។
ប្រជាពលរដ្ឋបាននាំគ្នានិយាយថា សាលក្រមរក្សារការពាររបស់តុលាការដែលតាក់តែងឡើងដោយរដ្ឋធម្មនុញនៃព្រះរាជាណាចក្រកម្ពុជា តម្រូវឲ្យពលរដ្ឋគ្រប់រូបគោរពគ្រប់គ្នាៗគ្នានោះគឺវាផ្ទុយស្រឡះតែម្តង ។ ពួកគាត់ជាពលរដ្ឋក្រីក្រ បាននាំគ្នាគោរពយ៉ាងត្រឹមត្រូវបំផុត ។ តែចំពោះបក្សពួកគូភាគីម្ខាងទៀត ដែលជាអ្នកមានអំណាចទឹកលុយនោះ មិនត្រូវបាគោរពច្បាប់អំណាច សាលក្រមរបស់តុលាការឡើយ ។ ដោយពួកគេបាននាំគ្នាបំពានយកគ្រឿងចក្រទៅឈូសឆាយភ្ជួររាស់លើដីស្រែនោះតាមតែអំពើចិត្តតែម្តង នាពេលបច្ចុប្បន្ននេះ។
ចំណែកលោកតាំង តេងភាវ និងលោកអ៊ឹង លាងស្រ៊ុន បានប្រាប់ឲ្យដឹងថា ចំពោះបញ្ហាជម្លោះដីធ្លីនេះគឺលោកមិនបាបំពានទៅលើសាលក្រមរក្សាការពាររបស់តុលាការនោះទេ!ហើយគ្រឿងចក្រដែលកំពុងព្យួររាស់ដីនោះ គឺធ្វើនៅលើដីកម្មសិទ្ឋផ្សេង របស់លោកតែប៉ុណ្ណោះ! គឺមិនប៉ះពាល់នៅលើចំណុចដីទីតាំងទំនាស់នោះឡើយ ។
ទោះជាបែបណាក្តីប្រជាពលរដ្ឋ១៥គ្រួសារបាននាំគ្នាចោទប្រកាន់ថា គូភាគីទំនាស់ទាំងនោះ បានបំពានភ្ជួររាស់លើដី ដែលមានបញ្ហាទំនាស់ ! ហើយពួកគាត់សូមអំពាវនាវដល់ថ្នាក់ដឹកនាំស្ថាប័នជំនាញពាក់ពន្ឋ័ ក៏ដូចជាសម្តេចតេជោហ៊ុន សែន នាយករដ្ឋមន្ត្រីនៃព្ររាជាណាចក្រកម្ពុជា មេត្តាជួយអន្តរាគមន៍ រកយុត្តិធម៍ដល់ពួកគាត់ជាជនរងគ្រោះឲ្យបានទាន់ពេលវេលាផងចៀស វាងកុំឲ្យជនខិលខូចមួយចំនួនតូច ដែលគិតតែពីផលប្រយោជន៍ផ្ទាល់ខ្លួន មិនបានគិតគូពីផលប្រយោជន៍ប្រទេសជាតិ ដើរធ្វើព្យុះធ្វើភ្លៀងបំពានយកដីពលរដ្ឋស្លូតត្រង់តាមតែអំពើចិត្តបែបនេះតទៅទៀត ។
ចំណែកលោកគោ ស៊ុំសារឿត អភិបាលខេត្តបន្ទាយមានជ័យបានប្រាប់អ្នកសារព័ត៌មានកាលពីព្រឹកថ្ងៃទី២៧ វិច្ឆិការនេះឲ្យដឹងថា ជុំវិញបញ្ហាជម្លោះដីធ្លី របស់ពលរដ្ឋ១៥គ្រួសារនៅភូមិអណ្តូងថ្មមាស សង្កាត់ផ្សារ ក្រុងប៉ោយប៉ែត ជាប់ព្រំដែនថៃ នោះគឺលោកបានដឹងហើយ ថែមទាំងបានចាត់ឲ្យគណះកម្មការចុះត្រួតពនិត្យជាក់ស្តែងផងដែរ កាលពីអំឡុងខែមិថុនាកន្លងមកនេះ ។ លោកអភិបាលខេត្តគោ ស៊ុំសារឿត បានបញ្ជាក់បន្តថា ប៉ុន្តែដោយសាររឿងរ៉ាវទាំងអស់នោះ ខាងតុលាការ បានចេញដីកា រក្សាការពាររួចរាល់ហើយនោះ គឺវាផុតពីការងាររដ្ឋបាលរបស់សាលាខេត្ត ដែលត្រូវដោះស្រាយ ដូច្នេះរឿងក្តីនេះទុកឲ្យខាងតុលាការ គេចាត់ចែងទៅតាមនិតិវិធីចុះ ៕
ចែករំលែកព័តមាននេះ