រាជធានីភ្នំពេញ ៖ បុរសម្នាក់ដែលគេស្គាល់ថា ជាមេភូមិសាមគ្គី ត្រូវជនមិនស្គាល់មុខ២នាក់ជិះម៉ូតូ១គ្រឿងចុះមក ដោយកាន់ដបទឹកអាស៊ីតមកជះលើខ្លួន បណ្តាលឱ្យរងរបួសធ្ងន់ ខណៈគាត់កំពុងដើរហាត់ប្រាណតាមដងផ្លូវ ហើយជនទាំង២នាក់បានជិះម៉ូតូគេចខ្លួនបាត់ ។ បន្ទាប់មក បានបង្កឱ្យមានការភ្ញាក់ផ្អើលឡើង ហើយជនរងគ្រោះត្រូវគេបញ្ជូនទៅសង្គ្រោះនៅមន្ទីរពេទ្យកាល់ម៉ែត
ភ្លាមៗ ។
ហេតុការណ៍នេះកើតឡើង កាលពីវេលាម៉ោង០៥ព្រឹកថ្ងៃទី២៨ វិច្ឆិកា ២០១៥ នេះ ស្ថិតនៅចំណុចភូមិសាមគ្គី សង្កាត់ប្ញស្សីកែវ ខណ្ឌប្ញស្សីកែវ ។
ប្រភពបានឱ្យដឹងថា ជនរងគ្រោះឈ្មោះយឹម សុផាត អាយុ៦៨ឆ្នាំ ជាមេភូមិសាមគ្គី មានទីលំនៅក្នុងភូមិកើតហេតុខាងលើ ។ ទោះបីជាយ៉ាងណា ទាក់ទិនករណីនេះ គេមិនទាន់ដឹងច្បាស់ពីមូលហេតុនោះទេ ខណៈត្រូវគេសង្ស័យថា អាចបណ្តាលមកពីរឿងគំនុំ ។ បច្ចុប្បន្ន សមត្ថកិច្ចកំពុងធ្វើការស្រាវជ្រាវរកជនដៃដល់ ។
ចែករំលែកព័តមាននេះ