រាជធានីភ្នំពេញ ៖ ផ្ទះថ្ម៣ល្វែង ក្នុងនោះមានផ្ទះ១ល្វែងជាផ្ទះលក់ស្បែកជើង ត្រូវបានអគ្គិភ័យលេបត្របាក់ស្ទើរទាំងស្រុង ដោយសារការទុស្សេចរន្តអគ្គិសនី ហើយបានឆេះបំផ្លាញរថយន្តស៊េរីទំនើបឡិចស៊ីសRX450h មួយគ្រឿង និងម៉ូតូ៣គ្រឿង រួមទាំងសម្ភារជាច្រើន បង្កឱ្យមានការភ្ញាក់ផ្អើលកាលពីវេលាម៉ោង១ និង៥០នាទីរំលងអធ្រាត្រឈានចូលថ្ងៃទី០៥ កញ្ញា ២០១៥ ស្ថិតនៅ
រាជធានីភ្នំពេញ ៖ ផ្ទះថ្ម៣ល្វែង ក្នុងនោះមានផ្ទះ១ល្វែងជាផ្ទះលក់ស្បែកជើង ត្រូវបានអគ្គិភ័យលេបត្របាក់ស្ទើរទាំងស្រុង ដោយសារការទុស្សេចរន្តអគ្គិសនី ហើយបានឆេះបំផ្លាញរថយន្តស៊េរីទំនើបឡិចស៊ីសRX450h មួយគ្រឿង និងម៉ូតូ៣គ្រឿង រួមទាំងសម្ភារជាច្រើន បង្កឱ្យមានការភ្ញាក់ផ្អើលកាលពីវេលាម៉ោង១ និង៥០នាទីរំលងអធ្រាត្រឈានចូលថ្ងៃទី០៥ កញ្ញា ២០១៥ ស្ថិតនៅតាមបណ្តោយផ្លូវ៣១៨ខាងត្បួងផ្សារអូឡាំពិក ស្ថិតនៅក្នុងសង្កាត់ផ្សារទួលស្វាយព្រៃ១ ខណ្ឌចំការមន ។
ប្រភពបានឱ្យដឹងថា ម្ចាស់ផ្ទះ៣ល្វែងខាងលើ សមត្ថកិច្ចបានស្គាល់អត្តសញ្ញាណទេ តែបានស្គាល់ម្ចាស់ផ្ទះលក់ស្បែកជើង១ល្វែង គឺឈ្មោះចិន ណារី អាយុ៣០ឆ្នាំ ភេទស្រី ជាម្ចាស់ផ្ទះលេខ25A ចំណែកម្ចាស់ផ្ទះលេខ25B ដែលត្រូវភ្លើងឆាបឆេះអស់រថយន្តស៊េរីទំនើប១គ្រឿងនោះ និងម្ចាស់ផ្ទះលេខ25C សមត្ថកិច្ចមិនទាន់ស្គាល់អត្តសញ្ញាណនៅឡើយទេ។
ប្រភពព័ត៌មានពីប្រជាពលរដ្ឋនៅកន្លែងកើតហេតុបានឱ្យដឹងថា មុនពេលកើតហេតុ គេឃើញផ្សែងហុយទ្រឡោមចេញពីក្នុងផ្ទះលក់ស្បែកជើងមួយល្វែង ពេលនោះប្រជាពលរដ្ឋនៅក្បែរនោះ បានទៅមើលក៏ឃើញមានអណ្តាតភ្លើងកំពុងតែឆាបឆេះស្បែកជើងដែលដាក់នៅក្នុងផ្ទះនោះយ៉ាងសន្ធោសន្ធៅទៅហើយ ឃើញដូច្នោះ ពួកគាត់បានស្រែកឆោឡោឱ្យប្រជាពលរដ្ឋ និងម្ចាស់ផ្ទះដែលត្រូវភ្លើងឆេះនោះចេញមកក្រៅជួយពន្លត់ភ្លើង ។
ពេលនោះប្រជាពលរដ្ឋនៅក្បែរៗនោះ បាននាំគ្នាយកបំពង់ពន្លត់អគ្គិភ័យជាច្រើនបំពង់មកធ្វើការបាញ់ពន្លត់អណ្តាតភ្លើង ដែលកំពុងឆេះផ្ទះលក់ស្បែកជើង១ល្វែងនោះដែរ តែដោយសារអំណាចភ្លើងបានឆាបឆេះខ្លាំងពេក ក៏បានឆេះរាលដាលដល់ផ្ទះ២ល្វែងដែលនៅជាប់នោះទៀត ទើបពួកគាត់បាននាំគ្នាទាក់ទងទៅសមត្ថកិច្ចខណ្ឌចំការមន ឱ្យហៅរថយន្តពន្លត់អគ្គិភ័យមកធ្វើការអន្តរាគមន៍បាញ់ទឹកពន្លត់អណ្តាតភ្លើង ដែលកំពុងឆេះរាលដាលនោះផងដែរ។
រយៈពេលប្រមាណ៥នាទី រថយន្តពន្លត់អគ្គិភ័យរបស់ការិយាល័យបង្ការ និងពន្លត់អគ្គីភ័យនៃស្នងការរាជធានីភ្នំពេញជាច្រើនគ្រឿង
ដែលដឹកនាំផ្ទាល់ដោយលោកព្រំ យ័ន ប្រធានការិយាល័យបង្ការ និងពន្លត់អគ្គីភ័យ បានមកធ្វើការអន្តរាគមន៍បាញ់ទឹកពន្លត់យ៉ាងយកចិត្តទុកដាក់ តែដោយសារផ្ទះ៣ល្វែងខាងលើ ពិបាកក្នុងការបាញ់ទឹកចូលទៅពន្លត់នៅខាងក្នុងផ្ទះព្រោះផ្ទះទាំង៣នោះ ត្រូវបានម្ចាស់ផ្ទះចាក់សោខាងក្នុង ទើបសមត្ថកិច្ចនាំគ្នាវាយកម្ទេចទ្វារទាំងនោះ ហើយក៏ធ្វើការបាញ់ទឹកពន្លត់ដោយប្រើពេលប្រមាណ១ម៉ោង ទើបអគ្គិភ័យបានរលត់ទាំងស្រុង។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ