ខេត្តពោធិ៍សាត់ ៖ សេចក្តីរាយការណ៍បានឱ្យដឹងថា មនុស្ស៥នាក់បានរងរបួសធ្ងន់-ស្រាល ក្នុងហេតុការណ៍គ្រោះថ្នាក់ចរាចរណ៍មួយ ដោយរថយន្តម៉ាកកូរ៉ូឡាមួយគ្រឿងបានផ្ទុះកង់មុខខាងឆ្វេង ខណៈកំពុងបើកយ៉ាងលឿន បណ្តាលឱ្យក្រឡាប់ជាច្រើនត្រឡប់ ដែលហេតុការណ៍នេះកើតឡើងកាលពីវេលាម៉ោង១២ និង១២នាទីថ្ងៃទី០២ កញ្ញា ២០១៥ នេះ ស្ថិតនៅចំណុចភូមិប៉ប៉ិត ឃុំអន្លង់
ខេត្តពោធិ៍សាត់ ៖ សេចក្តីរាយការណ៍បានឱ្យដឹងថា មនុស្ស៥នាក់បានរងរបួសធ្ងន់-ស្រាល ក្នុងហេតុការណ៍គ្រោះថ្នាក់ចរាចរណ៍មួយ ដោយរថយន្តម៉ាកកូរ៉ូឡាមួយគ្រឿងបានផ្ទុះកង់មុខខាងឆ្វេង ខណៈកំពុងបើកយ៉ាងលឿន បណ្តាលឱ្យក្រឡាប់ជាច្រើនត្រឡប់ ដែលហេតុការណ៍នេះកើតឡើងកាលពីវេលាម៉ោង១២ និង១២នាទីថ្ងៃទី០២ កញ្ញា ២០១៥ នេះ ស្ថិតនៅចំណុចភូមិប៉ប៉ិត ឃុំអន្លង់ត្នោត ស្រុកក្រគរ ខេត្តពោធិ៍សាត់ ។
ប្រភពបានឱ្យដឹងថា ជនរងគ្រោះទាំង៥នាក់ ១-ឈ្មោះវុត្ថា អាយុ២៥ឆ្នាំ (របួសធ្ងន់) មានទីលំនៅខេត្តកំពត ២-ឈ្មោះតាន់ រតនា អាយុ២៧ឆ្នាំ (របួសធ្ងន់) មានទីលំនៅខេត្តកំពង់ធំ និង៣នាក់ទៀតមិនត្រូវស្គាល់អត្តសញ្ញាណទេ បានរងរបួសស្រាល ។
បច្ចុប្បន្ន ជនរងគ្រោះរបួសធ្ងន់ និងស្រាលទាំង៥នាក់ ត្រូវសមត្ថកិច្ចបញ្ជូនទៅសង្គ្រោះនៅមន្ទីរពេទ្យបង្អែកខេត្តពោធិ៍សាត់ រីឯរថយន្តយកទៅរក្សាទុកនៅអធិការដ្ឋាននគរបាលស្រុកក្រគរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ