រាជធានីភ្នំពេញ ៖ កីឡាករវ៉ូវីណាម២រូបដែលប្រកួតឈ្នះទទួលបានមេដាយមាសនិងសំរឹទ្ឋក្នុងការប្រកួតវ៉ូវីណាមជើងឯកពិភពលោកនៅក្នុងប្រទេសអាល់ហ្សេរីកាលពី
រាជធានីភ្នំពេញ ៖ កីឡាករវ៉ូវីណាម២រូបដែលប្រកួតឈ្នះទទួលបានមេដាយមាសនិងសំរឹទ្ឋក្នុងការប្រកួតវ៉ូវីណាមជើងឯកពិភពលោកនៅក្នុងប្រទេសអាល់ហ្សេរីកាលពីចុងខែកក្កដា ឆ្នាំ២០១៥កន្លងមកនេះ បានត្រូវសម្តេចតេជោ ហ៊ុន សែន អនុញ្ញាតឲ្យចូលជួបសម្តែងការគួរសម សំណេះសំណាលនិងផ្តល់បា្រក់រង្វាន់លើកទឹកចិត្ត នៅវិមានសន្តិភាព ទីស្តីការនាយករដ្ឋមន្រ្តី នារសៀលថ្ងៃទី០៤ សីហា ២០១៥ ។
កីឡាករដែលទទួលបានមេដាយទំាងពីររូបនោះគឺកីឡាករ សែន រ៉ាឌី ហៅម្ទេសខ្មំាងជាកីឡាករប្រដាល់សេរីដ៍ល្បីឈ្មោះនិងមានឈ្មោះដើម ទិន សុភាព ប្រកួតក្នុងទម្ងន់៥៧គីឡូក្រាម ឈ្នះមេដាយមាស និង កីឡាករ មើត អះម៉ាត់ ប្រកួតក្នុងទម្ងន់៥៤គីឡូក្រាម ឈ្នះមេដាយសំរឹទ្ឋ ។
យោងតាមគណៈកម្មាធិការជាតិអូឡាំពិកកម្ពុជា (NOCC) បានឲ្យដឹងថា ការប្រកួតជើងឯកវ៉ូវីណាមពិភពលោក (World Vovinam Championship 2015) នេះមានប្រទេសចំនួន៤០មកពីទូទាំងពិភពលោកចូលរួមប្រកួតដែលប្រព្រឹត្តទៅចាប់ពីថ្ងៃទី២៩ ខែកក្កដា ដល់ថ្ងៃទី២ ខែសីហា នៅប្រទេសអាល់ហ្សេរី ហើយកម្ពុជាបញ្ជូនកីឡាករតែពីររូបខាងលើប៉ុណ្ណោះទៅចូលរួមប្រកួត ហើយការប្រកួតជើងឯកពិភពលោកនេះកម្ពុជាស្ថិតក្នុងចំណាត់ថ្នាក់ទី៤ក្នុងចំណោម៤០ប្រទេស បន្ទាប់ពីវៀតណាម អាល់ហ្សេរី និងប្រទេសអ៊ីតាលី ៕
ចែករំលែកព័តមាននេះ