ខេត្តកណ្តាល ៖ ដោយសារតែឥទ្ធិពលស្រា កូនចិត្តជាសត្វតិរច្ឆានម្នាក់បានវាយឪពុកបង្កើតបោកផ្ទប់នឹងជញ្ជាំងផ្ទះបណ្តាលឱ្យរងរបួសយ៉ាងដំណំ ដោយសារខឹងឪពុកមិនឱ្យយកម៉ូតូទៅដើរផឹកបន្តទៀត។
ខេត្តកណ្តាល ៖ ដោយសារតែឥទ្ធិពលស្រា កូនចិត្តជាសត្វតិរច្ឆានម្នាក់បានវាយឪពុកបង្កើតបោកផ្ទប់នឹងជញ្ជាំងផ្ទះបណ្តាលឱ្យរងរបួសយ៉ាងដំណំ ដោយសារខឹងឪពុកមិនឱ្យយកម៉ូតូជិះទៅផឹកបន្តទៀត។ ហេតុការណ៍នេះបានកើតឡើងកាលពីវេលាម៉ោង៥រសៀល ថ្ងៃទី២៨ កក្កដា នៅភូមិខ្ពបក្រោម ឃុំខ្ពប ស្រុកស្អាង។
យុវជនដែលវាយឪពុកខ្លួនឯងនេះត្រូវបាននគរបាលឃាត់ខ្លួនភ្លាមៗបញ្ជូនមកអធិការដ្ឋាននគរបាលស្រុកដើម្បីធ្វើការសាកសួរ និងកសាងសំណុំរឿងចាត់ការតាមនីតិវិធីច្បាប់ ។
មន្ត្រីនគរបាលព្រហ្មទណ្ឌស្រុកស្អាងបានឱ្យដឹងថា ជនល្មើសឈ្មោះជឿន ពៅ ភេទប្រុស អាយុ៣៩ឆ្នាំ មុខរបរជាកម្មករ ចំណែកជនរងគ្រោះជាឪពុកឈ្មោះជា ជឿន អាយុ៧០ឆ្នាំ មានទីលំនៅភូមិ-ឃុំកើតហេតុខាងលើ។
មន្ត្រីនគរបាលបានបញ្ជាក់ឱ្យដឹងទៀតថា កន្លងមកជនល្មើសពេលស្រវឹងតែងតែរករឿងក្រុមគ្រួសារ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ