រាជធានីភ្នំពេញ ៖ អាជ្ញាធរខណ្ឌដូនពេញដឹកនាំដោយលោកគួច ចំរើន រួមនិងមន្ត្រីជំនាញពាក់ពន្ធ័នា ព្រឹកថ្ងៃទី២៨ កក្កដា ២០១៥ បាននាំយកបណ្ណ័កម្មសិទ្ធដីធ្លីស្របច្បាប់ទៅប្រគល់ជូនអ្នកតវ៉ានៅតំបន់បឹងកក់
រាជធានីភ្នំពេញ ៖ អាជ្ញាធរខណ្ឌដូនពេញដឹកនាំដោយលោកគួច ចំរើន រួមនិងមន្ត្រីជំនាញពាក់ពន្ធ័នា ព្រឹកថ្ងៃទី២៨ កក្កដា ២០១៥ បាននាំយកបណ្ណ័កម្មសិទ្ធដីធ្លីស្របច្បាប់ទៅប្រគល់ជូនអ្នកតវ៉ានៅតំបន់បឹងកក់
ចំនូន២គ្រួសារទៀតដែលជាការទទួលស្គាល់ស្របច្បាប់ក្នុងការដោះស្រាយបញ្ហាលំនៅឋានជូនបងប្អូននៅបឹងកក់។
បងប្អូនអ្នកភូមិបឹងកក់ទាំង២គ្រួសារដែលត្រូវទទួលបានបណ្ណ័កម្មសិទ្ធិដីស្របច្បាប់នេះ មានគ្រួសារលោកស្រីគឹម វណ្ណី ទទួលបានដីទំហំ១៧៤ម៉ែត្រការ៉េ និងគ្រួសារលោកស្រី ង៉ែត ឃុន ហៅយាយមាំមី ទទួលបានផ្ទៃដីទំហំ១៤៤ម៉ែត្រការ៉េសំរាប់សាងសង់លំនៅឋាន ។
លោកគួច ចំរើន ឲ្យដឹងថា នេះជាការយល់ព្រមរបស់គ្រួសារលោកស្រីទាំង២ ក្រោយពីមានការសំរបសំរួលពីសាលារាជធានីភ្នំពេញមុននឹងឈានដល់ការប្រគល់បណ្ណ័កម្មសិទ្ធិស្របច្បាប់នាពេលនេះ។ តាំងពីដំបូងមក សាលារាជធានីភ្នំពេញក៏ដូចសាលាខណ្ឌដូនពេញតែងបានខិតខំពន្លឿនការដោះស្រាយបញ្ហាទំនាស់ដីធ្លីនៅបឹងកក់ឲ្យបានឆាប់ចប់ តែការងារនេះក៏វាអាស្រ័យលើការចូលរួមពីប្រជាពលរដ្ឋដែលពាក់ពន្ធ័ផងដែរ។
រហូតមកដល់ពេលនេះ បងប្អូនអ្នកតវ៉ានៅតំបន់បឹងកក់នៅសល់១៨គ្រួសារដែលត្រូវដោះស្រាយបន្ត ក្នុងនោះក៏មាន៦គ្រួសារបានទាមទាការដោះស្រាយទំហំធំដែលសាលារាជធានីភ្នំពេញមិនអាចទទួលយកបាន។តែទោះបីយ៉ាងណា ទ្វារបស់សាលារាជធានីភ្នំពេញនៅតែបើកចំហរក្នុងការទទួលយកដំណោះស្រាយជូនបងប្អូននៅតំបន់បឹងកក់ដោយភាពស្មោះត្រង់។
គ្រួសារលោកស្រី គឹម វណ្ណី និងគ្រួសារលោកស្រីង៉ែត ឃុន ហៅយាយមាំមី ត្រូវបានគេស្គាល់ថា ជាអ្នកចូលរួមតវ៉ាយ៉ាងសកម្មពីបញ្ហាបឹងកក់នាពេលកន្លងមក ពេលនេះបានឯកភាពទទួលយកដំណោះស្រាយរបស់សាលារាជធាណីភ្នំពេញ។ ក្រៅពីថ្លែងអំណរគុណដល់អាជ្ញាធរដែនដី លោកស្រីទាំង២នាក់ក៏បានសន្យាថានឹងបញ្ឈប់ការដឹកនាំធ្វើបាតុកម្មតទៀតហើយ។
គួររំលឹកថា កាលពីថ្ងៃទី២០ កក្កដា ២០១៥កន្លងទៅនេះ លោកប៉ា សុជាតិវង្ស អភិបាលនៃគណៈអភិបាលរាជធានីភ្នំពេញ បានធ្វើការអំពាវនាវដល់អង្គការសង្គមស៊ីវិលមួយចំនួនឲ្យដោះលែងសកម្មជនបឹងកក់កុំយកអ្នកបឹងកក់ធ្វើជាចំណាប់ខ្មាំង និងបញ្ឆេះកំហឹងតវ៉ាតាមដងផ្លូវ ទោះបីការតវ៉ានោះមិនមែនរឿងបឹងកក់ក៏ដោយ៕
ចែករំលែកព័តមាននេះ