ខេត្តបន្ទាយមានជ័យ ៖ នៅក្នុងរដូវត្រីពងកូននោះ សមត្ថកិច្ចចម្រុះរួមមានកម្លាំងនគរបាល, កងរាជអាវុធហត្ថជលផលស្រុកមង្គលបុរី និងសហគមន៍ថ្មមានជ័យ កាលពីវេលាម៉ោង៩ព្រឹកថ្ងៃទី៧ កក្កដា ២០១៥ នេះ បានធ្វើការចុះបង្ក្រាបបទល្មើសនេសាទខុសច្បាប់ ដោយដកហូតបានលួង ដែលជនល្មើសបានលួចដាក់ក្នុងតំបន់អភិរក្សរហាលកំព្រីង និងរហាលរបុញ ស្ថិតក្នុងភូមិថ្មដប់ ឃុំ
ខេត្តបន្ទាយមានជ័យ ៖ នៅក្នុងរដូវត្រីពងកូននោះ សមត្ថកិច្ចចម្រុះរួមមានកម្លាំងនគរបាល, កងរាជអាវុធហត្ថជលផលស្រុកមង្គលបុរី និងសហគមន៍ថ្មមានជ័យ កាលពីវេលាម៉ោង៩ព្រឹកថ្ងៃទី៧ កក្កដា ២០១៥ នេះ បានធ្វើការចុះបង្ក្រាបបទល្មើសនេសាទខុសច្បាប់ ដោយដកហូតបានលួង ដែលជនល្មើសបានលួចដាក់ក្នុងតំបន់អភិរក្សរហាលកំព្រីង និងរហាលរបុញ ស្ថិតក្នុងភូមិថ្មដប់ ឃុំសំបួរ ស្រុកមង្គលបុរី ខេត្តបន្ទាយមានជ័យ ។
ក្នុងការចុះបង្ក្រាបនេះ សមត្ថកិច្ចបានរកឃើញ និងធ្វើការដកហូតឧបករណ៍នេសាទ(លួង) ដែលជនល្មើសបានលួចដាក់យកត្រីក្នុងតំបន់អភិរក្សចំនួន២កន្លែង បានចំនួន៥៨លួង ហើយលួងទាំង៥៨នោះ សមត្ថកិច្ចបានធ្វើការដុតបំផ្លាញចោលនៅនឹងកន្លែង ។
មន្ត្រីជលផលស្រុកមង្គលបុរីបានឱ្យដឹងថា រដូវនេះ គឺជារដូវត្រីពងកូន ដូច្នេះប្រសិនបើយើងគ្មានវិធានការទប់ស្កាត់នូវការនេសាទល្មើសច្បាប់នេះទេ ពូជត្រីនៅក្នុងតំបន់នោះនឹងបាត់បង់ ពិសេសក្នុងតំបន់អភិរក្សរហាលកំព្រីង និងរហាលរបុញនេះ គឺជាតំបន់អភិរក្សត្រីដ៏សំខាន់ ក្នុងស្រុកមង្គលបុរីយើងនេះ ។
ទន្ទឹមនោះដែរ មន្ត្រីជលផលក៏បានស្នើសុំឱ្យអាជ្ញាមូលដ្ឋាន និងសមត្ថលកិច្ចសុំជួយទប់ស្កាត់ការនេសាទនូវឧបករណ៍ល្មើសច្បាប់ ពិសេស គឺប្រជាពលរដ្ឋសុំឱ្យចូលរួមថែរក្សាពូជពង្សមច្ឆជាតិរបស់យើងឱ្យបានគង់វង្ស ចៀសវាងនូវការប្រើប្រាស់ដូចជាឧបករណ៍ឆក់ អួនស្បៃមុងជាដើម ដែលច្បាប់ហាមឃាត់ ប្រសិនជាប្រព្រឹត្តសមត្ថកិច្ចចាប់បានវាអាចនឹងប្រឈមចំពោះមុខច្បាប់ ៕
ចែករំលែកព័តមាននេះ