ខេត្តរតនគិរី ៖ នៅសាលមហោស្រពមន្ទីរវប្បធ៌មខេត្តនាព្រឹកថ្ងៃទី២ ខែកក្កដា ឆ្នាំ២០១៥ បានប្រារព្ធពិធីទិវាអន្តរជាតិប្រយុទ្ធប្រឆាំងគ្រឿងញៀ.ន ក្រោមប្រធានបទ «ចូរធ្វើឲ្យជីវិត និងសហគមន៍យើងគ្មានគ្រឿងញៀ.ន» ។
ខេត្តរតនគិរី ៖ នៅសាលមហោស្រពមន្ទីរវប្បធ៌មខេត្តនាព្រឹកថ្ងៃទី២ ខែកក្កដា ឆ្នាំ២០១៥ បានប្រារព្ធពិធីទិវាអន្តរជាតិប្រយុទ្ធប្រឆាំងគ្រឿងញៀន ក្រោមប្រធានបទ «ចូរធ្វើឲ្យជីវិត និងសហគមន៍យើងគ្មានគ្រឿងញៀន» ។ ដោយមានការចូលរួមពីលោកឧត្ដមសេនីយ៍ឯក លី គឹមឡុង អគ្គលេខាធិការរងនៃលេខាធិការដ្ឋានអាជ្ញាធរជាតិប្រយុទ្ធគ្រឿងញៀន ជាគណៈអធិបតី លោក សូ នាក់ អភិបាលរងខេត្ត កងកម្លាំងប្រដាប់អាវុធទាំង៣ ប្រធានមន្ទីរជុំវិញខេត្ត លោក លោកស្រី លោកគ្រូ អ្នកគ្រូ ព្រមទាំងសិស្សានុសិស្សជាច្រើននាក់ផងដែរ ។
ក្នុងឧកាសនោះ លោក វ៉ាន់ សង្វាត ស្នងការនគរបាលរង ទទួលបន្ទុកកណ្ដាលប្រឆាំងបទល្មើស បានបញ្ជាក់ថា ដោយមានការចង្អុលបង្ហាញពីថ្នាក់ដឹកនាំជាតិ គណៈកម្មាធិការត្រួតពិនិត្យគ្រឿងញៀនខេត្ត បានអនុវត្តវិធានការច្បាប់យ៉ាងតឹងរឹង ក្នុងនោះ កម្លាំងជំនាញប្រឆាំងគ្រឿងញៀនខេត្ត បានសហការជាមួយកម្លាំងតាមបណ្ដាអធិការក្រុង ស្រុកទាំង៩ ធ្វើការបង្ក្រាបជាក់ស្ដែង ក្នុងឆមាសទី១ ឆ្នាំ២០១៥ បាន៩ករណី ស្មើ១៣មុខសញ្ញា (ស្រី១មុខសញ្ញា) ក្នុងនោះបានអនុវត្តតាមដីកាចាប់ខ្លួនចំនួន១ករណី ពីបទជួញដូរគ្រឿងញៀន ។ ដកហូតវត្ថុតាង សរុបមានថ្នាំញៀនប្រភេទម៉ាទឹកកកចំនួន៣០កូនថង់តូច ទម្ងន់២ជី ៥ហ៊ុន ២លី ម៉ូតូ៩គ្រឿង ទូរស័ព្ទដៃ៥គ្រឿង ប្រាក់២២០.០០០រៀល ដាវសាំមូរ៉ៃ៣ ព្រមទាំងឧបករណ៍សម្រាប់សេពគ្រឿងញៀនមួយចំនួនទៀតផង ។
បើធៀបទៅនឹងការបង្ក្រាបក្នុងឆមាសទី១ ឆ្នាំ២០១៤ មានការកើនឡើង ។ បច្ចុប្បន្នកំពុងគ្រប់គ្រងមុខសញ្ញាសេព និងចែកចាយគ្រឿងញៀន ដើម្បីឈានទៅដល់ការបង្ក្រាបជាបន្តទៀត ៕
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ