ខេត្តបន្ទាយមានជ័យ ៖ តាមប្រភពក្រៅផ្លូវការបានបង្ហើបឱ្យដឹងនៅពេលថ្មីៗនេះថា លោកប្រាក់ ប៉ូលី ប្រធានភូមិបាលក្រុងប៉ោយប៉ែត ដែលប្រជាពលរដ្ឋមួយចំនួននៅតំបន់ជាយដែនកម្ពុជា-ថៃ ក្រុងប៉ោយប៉ែត ហៅថា សេដ្ឋីវ័យក្មេងនោះ បាននិងកំពុងត្រៀម
ខេត្តបន្ទាយមានជ័យ ៖ តាមប្រភពក្រៅផ្លូវការបានបង្ហើបឱ្យដឹងនៅពេលថ្មីៗនេះថា លោកប្រាក់ ប៉ូលី ប្រធានភូមិបាលក្រុងប៉ោយប៉ែត ដែលប្រជាពលរដ្ឋមួយចំនួននៅតំបន់ជាយដែនកម្ពុជា-ថៃ ក្រុងប៉ោយប៉ែត ហៅថា សេដ្ឋីវ័យក្មេងនោះ បាននិងកំពុងត្រៀមលុយចំនួន៥០ម៉ឺនដុល្លារ ដើម្បីរត់ការយកតំណែងប្រធានមន្ទីរដែនដី និងនគរូបនីយកម្មខេត្តបន្ទាយមានជ័យ ដែលបច្ចុប្បន្នគ្រប់គ្រងតំណែងដោយលោក លី សារី ។
ប្រជាពលរដ្ឋបានបង្ហើបឱ្យដឹងថា លោកប្រាក់ ប៉ូលី ក្រោយពីឡើងកាន់តំណែងជាប្រធានភូមិបាលក្រុងប៉ោយប៉ែត រយៈពេលប្រមាណមួយអាណត្តិមកនេះ គឺបានយកបងប្រុសបង្កើតម្នាក់ឈ្មោះប្រាក់ ប៉ូលីន ជាមន្ត្រីក្រោមឱវាទ ឱ្យខាងដើរប្រមូលរកផល
ប្រយោជន៍ពីប្រជាពលរដ្ឋ ដែលសាងសង់សំណង់ផ្ទះល្វែង ឬអគារផ្សេងៗរីកដូចផ្សិត ក្នុងមួយល្វែងប្រមាណចំនួន៥០០ដុល្លារ រហូតដល់១០០០ដុល្លារ បើពលរដ្ឋណាម្នាក់គ្មានលុយបង់ឱ្យតាមការកំណត់ទេនោះ គឺមិនអាចសាងសង់បានឡើយ ។
ចំពោះប្រជាពលរដ្ឋណាម្នាក់ចង់ទៅធ្វើប្លង់រឹងដល់ក្រសួងវិញនោះ គឺលោកប្រាក់ ប៉ូលី ទារលុយឆៅៗពី ៣០០០ដុល្លារ រហូតដល់៥០០០ដុល្លារ ទើបអាចធ្វើបាន គឺ sice តែម្តង ។ ពោលគឺបានធ្វើឱ្យលោកប្រធានភូមិបាលរូបនេះ គ្រប់ទឹកតែម្តង ក្នុងការសប្បាយដើរកើបលុយយកទៅធ្វើមាន ធ្វើបានផ្ទាល់ខ្លួនរហូតលោកប្រាក់ ប៉ូលី ដែលពលរដ្ឋដាក់នាមឱ្យថា ជាសេដ្ឋីវ័យក្មេងនោះបានយកលុយទៅសាងសង់លំនៅឋានរបស់ខ្លួនឯងផ្ទាល់ ជាលក្ខណៈផ្ទះល្វែងចំនួន២ល្វែង និងមានកម្ពស់ដល់ទៅ៤-៥ជាន់មួយកន្លែងនៅចំណុចខាងត្បូងផ្សារអគ្គថ្មី ស្ថិតក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ។
ប្រភពបន្តថា លំនៅឋានរបស់លោកប្រាក់ ប៉ូលី ដ៏ធំស្កឹមស្កៃមួយកន្លែងនេះ គឺពុំមានច្បាប់ទម្លាប់ត្រឹមត្រូវទេ ហើយមិនតែប៉ុណ្ណោះលោកប្រាក់ ប៉ូលី បានទៅបង្កើតស្ថានីយប្រេងសាំងមួយកន្លែងទៀត នៅជាប់ពីខាងត្បូងផ្លូវជាតិលេខ៥ ស្ថិតក្នុងភូមិស្ទឹងបត់ សង្កាត់ផ្សារកណ្តាល ក្រុងប៉ោយប៉ែត ។
យ៉ាងណាក៏ដោយ កាលពីព្រឹកថ្ងៃទី០១ ឧសភា ២០១៥ នេះ កោះសន្តិភាពមិនអាចទាក់ទង ដើម្បីសុំការអត្ថាធិប្បាយបាននៅឡើយទេ ពីលោកប្រាក់ ប៉ូលី ប្រធានភូមិបាលក្រុងប៉ោយប៉ែត ជុំវិញប្រភពក្រៅផ្លូវការ និងមានការរិះទាំងអស់ខាងលើនេះ ដែលលេចឮខ្ចរខ្ចាយនៅក្នុងក្រុងប៉ោយប៉ែត និងខេត្តបន្ទាយមានជ័យនាប៉ុន្មានថ្ងៃថ្មីៗនេះ ។
ចំណែកលោក លី សារី ប្រធានមន្ទីរសុរិយោដីខេត្តនោះវិញ បានប្រាប់តាមទូរស័ព្ទឱ្យដឹងថា ព័ត៌មាននេះ លោកក៏ទទួលបានតាមរយៈបណ្តាញទំនាក់ទំនងសង្គម (Facebook) ដែរ ។ ប៉ុន្តែប្រភពនេះ ហាក់បីដូចគ្រាន់តែជាការញុះញង់ប៉ុណ្ណោះ ហើយថាការដោះដូរណាមួយ ជាការសម្រេចរបស់គណៈកម្មការខេត្ត និងក្រសួងតែប៉ុណ្ណោះ ។ បន្ទាប់មកទៀត លោកលី សារី បានព្រលយមាត់ថា ក្នុងការដោះតំណែងនេះដែរ លោកមិនហ៊ាននិយាយមុនទេ ចាំដល់ពេលណា មានចំណារសម្រេច គឺពេលនោះចុះ ៕
ចែករំលែកព័តមាននេះ