ខេត្តត្បូងឃ្មុំ ៖ ក្មេងស្រី២នាក់បងប្អូនបង្កើតដែលបានលង់ទឹកស្រះស្លាប់ទាំង២នាក់ ត្រូវបានក្រុមសាច់ញាតិប្រទះឃើញអណ្តែតហើយ កាលពីវេលាម៉ោង០៧ និង១៥នាទីព្រឹកថ្ងៃទី២៤ មេសា ២០១៥ នេះ ស្ថិតនៅចំណុចខាងជើងវាលស្រែក្នុងភូមិត្រពាំងរាំង ឃុំមេមត់ ស្រុកមេមត់ ។
ប្រភពបានឱ្យដឹងថា ក្មេងស្រីទាំង២នាក់ដែលលង់ទឹកស្រះស្លាប់១-ឈ្មោះយីវ នីសា អាយុ៩ឆ្នាំ និង២-ឈ្មោះយីវ នីតា អាយុ៨ឆ្នាំ រស់នៅភូមិត្បូងវត្ត ឃុំមេមត់ ស្រុកមេមត់ ត្រូវបានលង់ទឹកស្រះកាលពីវេលាម៉ោងប្រហែល២ និង៣០នាទីរសៀលថ្ងៃទី២៣ មេសា ២០១៥ ។
ប្រភពបន្តថា តាមសមត្ថកិច្ចមូលដ្ឋានដែលបានចុះទៅពិនិត្យដល់កន្លែងកើតហេតុបានអះអាងថា ក្នុងករណីនេះ ត្រូវបានសង្ស័យថាមានក្មេងស្រីម្នាក់បានចុះលាងជើង ហើយក៏រអិលធ្លាក់ចូលទៅក្នុងទឹកស្រះ រួចក៏មានក្មេងស្រីម្នាក់ទៀតឃើញបែបនេះ ក៏ប្រញាប់ចុះទៅជួយ ទើបជាហេតុបណ្តាលឱ្យលង់ស្លាប់ទាំង២នាក់តែម្តង ។
ក្រុមគ្រួសារក្មេងរងគ្រោះបញ្ជាក់ថា បានបាត់ក្មេងស្រីទាំង២នាក់នេះកាលពីវេលាម៉ោង១រសៀលថ្ងៃទី២៣ មេសា រហូតដល់វេលាម៉ោង៣រសៀល ទើបក្មេងៗដែលដើរលេងជាមួយមកកប្រាប់ដល់ឪពុកម្តាយថា « នីតា និងនីសា» បានលង់ទឹកស្រះបាត់ហើយ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ