ខេត្តបាត់ដំបង ៖ បុរសអគតិម្នាក់ត្រូវសមត្ថកិច្ចធ្វើការចាប់ខ្លួន បន្ទាប់ពីស្ត្រីជាប្រពន្ធប្ដឹងចោទប្រកាន់ពីបទបំពានផ្លូវភេទធ្ងន់ធ្ងរទៅលើកូនស្រីខ្លួន ដែលទើបតែមានអាយុ១២ឆ្នាំបានចំនួន៤លើក កាលពីថ្ងៃទី១៦ មេសា ២០១៥ ។
ខេត្តបាត់ដំបង ៖ បុរសអគតិម្នាក់ត្រូវសមត្ថកិច្ចធ្វើការចាប់ខ្លួន បន្ទាប់ពីស្ត្រីជាប្រពន្ធប្ដឹងចោទប្រកាន់ពីបទបំពានផ្លូវភេទធ្ងន់ធ្ងរទៅលើកូនស្រីខ្លួន ដែលទើបតែមានអាយុ១២ឆ្នាំបានចំនួន៤លើក កាលពីថ្ងៃទី១៦ មេសា ២០១៥ ។
ប្រភពបានឱ្យដឹងថា ជនសង្ស័យជាឪពុកឈ្មោះហុង តឹកឆេង អាយុ៦១ឆ្នាំ មានប្រពន្ធឈ្មោះសោម យ៉ាន អាយុ៥២ឆ្នាំ ចំណែកកូនស្រីរងគ្រោះអាយុ១២ឆ្នាំ ពួកគេមានទីលំនៅភូមិ-ឃុំខាងលើ ។
ប្រភពបន្តថា ក្នុងសំណុំរឿងនេះ ត្រូវបានស្ត្រីជាប្រពន្ធចោទប្តឹងថា បានចាប់បង្ខំកូនស្រីរំលោភសេពសន្ថវៈបានសម្រេចជាបន្តបន្ទាប់ចំនួន៤លើក ជាមួយនិងការគំរាមកំហែង ។
លោកសេង លុច បានបញ្ជាក់ថា បើតាមបណ្ដឹងរបស់ប្រពន្ធ គឺជននេះបានចាប់កូនស្រីរំលោភតាំងពីដើមខែមីនា រហូតដល់ដើមខែមេសា ដែលជាលើកចុងក្រោយ ទើបបែកធ្លាយហើយប្ដឹងសមត្ថកិច្ចឱ្យចាប់ខ្លួនប្ដីគម្រក់នេះតែម្ដង។
ក្មេងស្រីរងគ្រោះក៏បានបញ្ជាក់ប្រាប់សមត្ថកិច្ចថា នាងមិនបានចាំថ្ងៃកើតហេតុដំបូងទេ តែនាងនៅចាំថា គឺនៅក្នុងអំឡុងដើមខែមីនា២០១៥ នេះ ។ នាងនិយាយទៀតថា កាលណោះឪពុកនាងតែងចូលទៅចាប់នាងរំលោភពេលយប់ ពេលនាងកំពុងដេកក្នុងបន្ទប់ ហើយចំពេលម្ដាយនាងមិននៅផ្ទះ។ នាងមិនហ៊ានទម្លាយរឿងនេះទេ ព្រោះខ្លាចឪពុកនាងធ្វើបាប។ ឪពុកនាងតែគំរាមធ្វើបាបនាងមិនឈប់ ពេលរំលោភនាងម្ដងៗ ។
នាងបញ្ជាក់ថា លើកចុងក្រោយគឺនៅយប់ថ្ងៃទី០៥ មេសា ពេលម្ដាយនាងមិននៅផ្ទះ ឪពុកនាងបានចាប់រំលោភនាងម្ដងទៀត ទើបនៅថ្ងៃទី៦មេសា នាងទ្រាំលែងបាន ក៏ទម្លាយរឿងនេះប្រាប់ម្ដាយនាងតែម្ដងទៅ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ