សម្តេចតេជោ ហ៊ុន សែន និង លោក សម រង្ស៊ី ឯកភាពគ្នាជ្រើសរើសលោក ហង្ស ពុទ្ឋា ជំនួសលោកស្រី ពុង ឈីវកេក
រាជធានីភ្នំពេញ ៖ ទីបំផុតទៅតំណែងសមាជិក គ.ជ.ប ទី៩ ជំនួសលោកស្រី ពុង ឈីវកេក ត្រូវបានសម្តេចតេជោ ហ៊ុន សែន និង លោកសម រង្ស៊ី បាន
រាជធានីភ្នំពេញ ៖ ទីបំផុតទៅតំណែងសមាជិក គ.ជ.ប ទី៩ ជំនួសលោកស្រី ពុង ឈីវកេក ត្រូវបានសម្តេចតេជោ ហ៊ុន សែន និង លោកសម រង្ស៊ី បានឯកភាពគ្នាជ្រើសរើសយកលោកបណ្ឌិត ហង្ស ពុទ្ឋា នាយកប្រតិបត្តិអង្គការនិកហ្វិកដែលជាអង្គការឃ្លំាមើលការបោះឆ្នោតនៅក្នុងប្រទេសកម្ពុជា ។ នេះបើតាមគេហទំព័រមួយចំនួនដែលចេញផ្សាយនៅល្ងាចថ្ងៃទី៣១ មីនា ២០១៥ ។
យ៉ាងណាក៍ដោយព័ត៌មានខាងលើនេះមិនទាន់ត្រូវបានមន្រ្តីជាន់ខ្ពស់គណបក្សប្រជាជនកម្ពុជានិងគណបក្សសង្គ្រោះជាតិបញ្ចេញឈ្មោះបេក្ខជនពិតបា្រកដឲ្យដឹងនោះទេ គ្រាន់តែដឹងថាសម្តេចតេជោ ហ៊ុន សែន និង លោក សម រង្ស៊ី បានព្រមព្រៀងគ្នាជ្រើសរើសបេក្ខជនជំនួសលោកស្រី ពុង ឈីវកេករួចហើយ ។ ចំណែក លោកបណ្ឌិត ហង្ស ពុទ្ឋា ក៍មិនអាចទាក់ទងដើម្បីសុំការអត្ថាធិប្បាយបានដែរនៅល្ងាចថ្ងៃទី៣១មីនានេះ ។
ជាការកត់សម្គាល់ប្រសិនបើសម្តេចតេជោ ហ៊ុន សែន និង លោក សម រង្ស៊ី ឯកភាពខាងលើនេះមែន គឺបានធ្វើឡើងភ្លាមៗ បន្ទាប់ពីប្រធានអង្គការសិទ្ឋិមនុស្សលីកាដូ លោកស្រី ពុង ឈីវកេក បានចេញសេចក្តីថ្លែងការណ៍ថ្ងៃនេះថា លោកស្រីមិនអាចទទួលយកតំណែងជាសមាជិកទី៩នៃគណៈកម្មាធិការជាតិរៀប ចំការបោះឆ្នោត(គ.ជ.ប)ថ្មីនោះបានទេ ។
យ៉ាងណាក៍ដោយនៅក្នុងសេចក្តីថ្លែងការណ៍ចុះថ្ងៃទី៣១ មីនា ២០១៥ ដែលត្រូវបានគេបង្ហោះនៅក្នុងបណ្តាញទំនាក់ទំនងសង្គម (Facebook) លោកស្រី ពុង ឈីវកេក មិនបានបញ្ជាក់ពីមូលហេតុពិតបា្រកដដែលលោកស្រីមិនទទួលយកតំណែងនេះទេ គ្រាន់តែបញ្ជាក់ថា តួនាទីជាសមាជិកទី៩ “សម្រាប់ខ្ញុំគឺជាសមាជិកឯករាជ្យម្នាក់ ពិតជានឹងរួមវិភាគទានយ៉ាងសំខាន់ដល់អព្យាក្រឹតភាពនៃស្ថាប័នរៀបចំការបោះឆ្នោត ដើម្បីសម្រេចបេសកកម្មរបស់ខ្លួនស្របតាមរដ្ឋធម្មនុញ្ញនិងច្បាប់ជាធរមាន “ប៉ុណ្ណោះ។ ជាមួយគ្នានេះដែរ លោកស្រីប្រធានអង្គការសិទ្ឋិមនុស្សលីកាដូ ក៍បានសុំអភ័យទោសចំពោះជនរួមជាតិទំាងឡាយដែលមានជំនឿលើលោកស្រី ហើយដែលអាចមានការខកចិត្តដោយសារការសម្រេចនេះ ៕
ចែករំលែកព័តមាននេះ