ខេត្តស្ទឹងត្រែង ៖ បើគ្មានអ្វីប្រែប្រួលនោះទេ ស្ពានមិត្តភាពកម្ពុជា-ចិនមេគង្គនិងផ្លូវជាតិលេខ៩តភ្ជាប់ពីខេត្តស្ទឹងត្រែងទៅខេត្តព្រះវិហារនឹងត្រូវសម្ពោធដាក់ឲ្យប្រើបា្រស់ជាផ្លូវការនៅព្រឹកថ្ងៃទី០១ មេសា ២០១៥ ក្រោមអធិបតីភាពសម្តេចតេជោ ហ៊ុន សែន ។
ស្ពានមិត្តភាពកម្ពុជា-ចិនមេគង្គ មានទីតំាងស្ថិតនៅក្នុងភូមិបាចុង សង្កាត់ព្រះបាទ ក្រុងស្ទឹងត្រែង មានបណ្តោយប្រវែង១៧៣១ម៉ែត្រ ទទឹង១៣,៥ម៉ែត្រ និងផ្លូវជាតិលេខ៩ ប្រវែង ១៤២ គីឡូម៉ែត្រនេះ ចំណាយថវិកាសាងសង់សរុបជាង៥០លានដុល្លារ បានមកពីកម្ចីសម្បទានពីរដ្ឋាភិបាលចិន និងបានចាប់ផ្តើមស្ថាបនាតំាងពីដើមខែមេសា ២០១១ ។
ចំពោះប្រសាសន៍សំខាន់ៗរបស់សម្តេចអគ្គមហាសេនាបតីតេជោ ហ៊ុន សែន ដែលនឹងថ្លែងក្នុងពិធីខាងលើនេះនឹងមានផ្សាយជូនជាបន្តបន្ទាប់នៅលើគេហទំព័រកោះសន្តិភាពតាមអាសយដ្ឋាន WWW.KSPG.CO និងនៅលើសារព័ត៌មានកោះសន្តិភាព ៕
ចែករំលែកព័តមាននេះ