ខេត្តបាត់ដំបង ៖ បុរសមានសតិមិនគ្រប់ម្នាក់ បានយកអីវ៉ាន់ដូចជាកំប៉ុងហ្គាស និងរបស់របរជាច្រើនទៀត យកមកដុតក្នុងបរិវេណផ្ទះរបស់ខ្លួន ដែលត្រូវបានអ្នកជិតខាងមានការព្រួយបារម្ភខ្លាចបង្កទៅជាអគ្គិភ័យឆេះរាលដាលដល់ផ្ទះរបស់ពួកគាត់ ដែលហេតុការណ៍
ខេត្តបាត់ដំបង ៖ បុរសមានសតិមិនគ្រប់ម្នាក់ បានយកអីវ៉ាន់ដូចជាកំប៉ុងហ្គាស និងរបស់របរជាច្រើនទៀត យកមកដុតក្នុងបរិវេណផ្ទះរបស់ខ្លួន ដែលត្រូវបានអ្នកជិតខាងមានការព្រួយបារម្ភខ្លាចបង្កទៅជាអគ្គិភ័យឆេះរាលដាលដល់ផ្ទះរបស់ពួកគាត់ ដែលហេតុការណ៍នេះ ភ្ញាក់ផ្អើលកាលពីវេលាម៉ោងព្រឹកថ្ងៃទី០៦ មីនា ២០១៥ នេះ ស្ថិតនៅភូមិកម្មករ សង្កាត់ស្វាយប៉ោ ក្រុងបាត់ដំបង ។
ប្រភពបានឱ្យដឹងថា បុរសខាងលើឈ្មោះមិន ថាវី ហៅម៉ាប់ អាយុ៤០ឆ្នាំ មានទីលំនៅក្នុងភូមិកើតហេតុខាងលើ និងរស់នៅតែម្នាក់ឯង ។
ប្រភពបន្តថា ករណីនេះត្រូវបានប្រជាពលរដ្ឋមានការខឹងសម្បារយ៉ាងខ្លាំងទៅលើសមត្ថកិច្ចក្រុង ខណៈមិនបានចុះមកអន្តរាគមន៍នោះទេ ទោះបីជាប្រជាពលរដ្ឋរត់ទៅរាយការណ៍ជូនតាំងពីវេលាម៉ោង១០យប់ថ្ងៃទី០៥ មីនា ២០១៥ ក៏ដោយ ព្រោះបុរសនោះបានបង្កហេតុតាំងពីយប់មកម្ល៉េះ ។ ក្នុងនោះគេឃើញមានតែសមត្ថកិច្ចខេត្តទេដែលចុះមក និងបាននាំរថយន្តពន្លត់អគ្គិភ័យមួយគ្រឿងមកជួយបាញ់ពន្លត់ទៀតផង ។
បច្ចុប្បន្នបុរសបង្កហេតុមិនទាន់ត្រូវបានឃាត់ខ្លួននោះទេ កំពុងសំងំក្នុងផ្ទះដោយបិទទ្វារចាក់សោមិនឱ្យគេចចូល ។ ចំណែកឯអ្នកជិតខាងវិញ បានដាក់ពាក្យនៅព្រហ្មទណ្ឌកម្រិតស្រាលខេត្តហើយ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ