រាជធានីភ្នំពេញ ៖ សហភាពសហព័ន្ធយុវជនកម្ពុជាតាមរយៈយុវជននៃរដ្ឋលេខាធិការដ្ឋានអាកាសចរណ៍ស៊ីវិលដែលដឹកនាំដោយលោក ឡុង ឆេង ប្រធានសហភាពសហព័ន្ធ
រាជធានីភ្នំពេញ ៖ សហភាពសហព័ន្ធយុវជនកម្ពុជាតាមរយៈយុវជននៃរដ្ឋលេខាធិការដ្ឋានអាកាសចរណ៍ស៊ីវិលដែលដឹកនាំដោយលោក ឡុង ឆេង ប្រធានសហភាពសហព័ន្ធយុវជនកម្ពុជាប្រចាំអាកាសចរស៊ីវិលកម្ពុជា បានដឹកនាំយុវជនចុះធ្វើសកម្មភាពមនុស្សធម៌ ពោលគឺនាំយកថវិកា និងគ្រឿងឧបភោគ បរិភោគមកចែកជូនដល់ប្រជាពលរដ្ឋក្រីក្រ និងអ្នកមានជំងឺរ៉ាំរ៉ៃ ខ្វះលទ្ធភាពចំនួន៥គ្រួសារ ដែលស្ថិតនៅឃុំអង្គកែវ ស្រុកទ្រាំង ខេត្តតាកែវ។
លោក ឡុង ឆេង ប្រធានសហភាពសហព័ន្ធយុវជនកម្ពុជាប្រចាំអាកាសចរណ៍ស៊ីវិលបានមានប្រសាសន៍ថា ប្រជាពលរដ្ឋទាំងអស់ពេលឃើញយុវជនចុះទៅធ្វើសកម្មភាពមនុស្សធម៌បែបនេះពួកគាត់ពិតជាសប្បាយចិត្តណាស់ ពិសេសយុវជនផ្ទាល់តែម្តង ព្រោះពួកគេគិតថា បានជួយដល់អ្នកដែលត្រូវការជំនួយជាចាំបាច់សម្រាប់ដោះស្រាយជីវភាពក្នុងគ្រួសាររបស់ពួកគាត់។
លោកបន្តថា អ្វីដែលសប្បាយចិត្ត គឺបាននាំយកអំណោយលោកម៉ៅ ហាវណ្ណាល់ និងលោក ហ៊ុន ម៉ានី មកចែកជូនប្រជាពលរដ្ឋក្រីក្រជួបការលំបាក។ លោក ឡុង ឆេង បាន អំពាវនាវសូមឱ្យយុវជនទាំងអស់គួរចូលរួមធ្វើសកម្មភាពមនុស្សធម៌ ពោលគឺខ្មែរត្រូវតែជួយខ្មែរ ដើម្បីអនាគតសម្រាប់កូនខ្មែរទាំងអស់គ្នា។
គួរបញ្ជាក់ថា ក្នុងនាមយុវជន និងក្នុងនាមអ្នកមានលទ្ធភាពទាំងអស់គួរយកចិត្តទុកដាក់ក្នុងការជួយដល់អ្នកដែលគ្មានទីពឹងដើម្បីឱ្យជីវិតខ្មែគ្រប់រូបរស់នៅដោយសុខសន្តិភាពក្នុងដំបូលសុខសន្តិភាពតែមួយជាមួយគ្នា៕
ចែករំលែកព័តមាននេះ