សូនី អេរិកសាន់ ផ្ដល់ជូនដល់អតិថិជនរបស់ខ្លួននារដូវបាល់ទាត់ពិភពលោក២០១០
ដោយ ៖ អប្សរា
ថ្ងៃអង្គារ ទី១៥ ខែមិថុនា ឆ្នាំ២០១០ ម៉ោង ១៦:៥៧
រាជធានីភ្នំពេញ ៖ ថ្ងៃទី១៥ មិថុនា ២០១០ ក្នុងនាមជាអ្នកសហការឧបត្ថម្ភ ជាផ្លូវការដល់ការប្រកួតបាល់ទាត់ពិភពលោក FIFA World Cup ប្រចាំឆ្នាំ២០១០ នៅប្រទេសអាហ្វ្រិកខាងត្បូង និងដើម្បីលើកទឹកចិត្ដដល់អតិថិជនរបស់ខ្លួនឱ្យបានទៅ មើលការប្រកួតបាល់ទាត់ពិភពលោកដោយផ្ទាល់ភ្នែក ក្រុមហ៊ុន Sony Ericsson បានរកឃើញអ្នកឈ្នះរង្វាន់ពីរនាក់ គឺអ្នកនាង តារា ជោតិ រស និងលោកលាង វិមុល ពីកម្មវិធី FIFA World Cup Promotion នាឱកាស ចាប់រង្វាន់ផ្ដល់សំណាង កាលពីថ្ងៃទី៦ មេសា ឆ្នាំ២០១០ ។ រង្វាន់នីមួយៗរួមមាន ១-សំបុត្រយន្ដហោះទៅមកភ្នំពេញ-Johanne-sburg ២-សំបុត្រទស្សនាការប្រកួតបាល់ទាត់ ដោយផ្ទាល់ ៣-ស្នាក់នៅ និងពិសាអាហារ ដោយឥតគិតថ្លៃ នៅសណ្ឋាគារលំដាប់ផ្កាយ៥ នៅអាហ្វ្រិកខាងត្បូង ៤-ធ្វើទិដ្ឋាការជូន ដោយឥតគិតថ្លៃ ៥-ជូនដំណើរទាំងពេលទៅ និងមកព្រលានយន្ដហោះជាដើម ។
អ្នកទាំងពីរបានចាកចេញពីប្រទេស កម្ពុជា តាំងពីថ្ងៃទី៩ មិថុនា ឆ្នាំ២០១០ ទៅ ដល់ប្រទេសអាហ្វ្រិកខាងត្បូង កាលពីថ្ងៃទី ១០ មិថុនា ឆ្នាំ២០១០ ហើយបានមកដល់ ប្រទេសកម្ពុជាវិញកាលពីថ្ងៃទី១៤ មិថុនា ឆ្នាំ ២០១០ ។ ក្នុងការទទួលស្វាគមន៍ដំណើរ ត្រឡប់មកកាន់ប្រទេសកម្ពុជាវិញ នៅឯ ព្រលានយន្ដហោះភ្នំពេញ កាលពីថ្ងៃទី១៤ មិថុនា ឆ្នាំ២០១០ កន្លងមកនេះ អ្នកឈ្នះ រង្វាន់ទាំង២ បានសំដែងទឹកចិត្ដបញ្ជាក់អំពី អារម្មណ៍របស់ខ្លួនថា ខ្លួនមានភាពរីករាយ ខ្លាំងណាស់ដែលបានទៅទស្សនាការប្រកួត បាល់ទាត់នៅប្រទេសអាហ្វ្រិកខាងត្បូង ។
