ខេត្តក្រចេះ ៖ ជនសង្ស័យប្រុសស្រី៤នាក់ ជាមុខសញ្ញាជួញដូរគ្រឿងញៀ.នត្រូវនគរ បាលស្រុកឆ្លូង ឆ្មក់ធ្វើការបង្ក្រាបបាននៅលំនៅឋានមួយកន្លែងក្នុងឃុំហាន់ជ័យ ស្រុកឆ្លូង កាលពីយប់ថ្ងៃទី៣០ មករា។
ខេត្តក្រចេះ ៖ ជនសង្ស័យប្រុសស្រី៤នាក់ ជាមុខសញ្ញាជួញដូរគ្រឿងញៀនត្រូវនគរ បាលស្រុកឆ្លូង ឆ្មក់ធ្វើការបង្ក្រាបបាននៅលំនៅឋានមួយកន្លែងក្នុងឃុំហាន់ជ័យ ស្រុកឆ្លូង កាលពីយប់ថ្ងៃទី៣០ មករា។ ក្នុងប្រតិបត្តិការនេះ ប៉ូលិសបានដកហូតនូវថ្នាំញៀនប្រភេទម្សៅពណ៌ស បាន៥កញ្ចប់តូចធំ។
អធិការនគរបាលស្រុកឆ្លូង លោកវរសេនីយ៍ត្រី ឌួង សុទ្ធី បានឱ្យដឹងថា បន្ទាប់ពីមានការកំណត់លើមុខសញ្ញាសង្ស័យបានច្បាស់ ទើបនគរបាលឈានដល់ការឃាត់ខ្លួនជនសង្ស័យប្រុសស្រីទាំងបួននាក់នេះជាបន្តបន្ទាប់។
ជនសង្ស័យ ១-ឈ្មោះយ៉ង ទូច អាយុ៥២ឆ្នាំ ២-ឈ្មោះរឹទ្ធ ណារ៉ុង ភេទស្រី អាយុ២៩ឆ្នាំ ៣-ឈ្មោះយ៉ង សីហា អាយុ២០ឆ្នាំ និង៤-ឈ្មោះយ៉ង សុភិន ភេទស្រី អាយុ១៩ឆ្នាំ អ្នកទាំង៤ រស់នៅក្នុងហាន់ជ័យទី១ ឃុំហាន់ជ័យ ស្រុកឆ្លូង។
លោកអធិការបានបញ្ជាក់ថា ជនសង្ស័យទាំងនេះ គឺជាមុខសញ្ញាសកម្មដែលនគរ បាលកំពុងតែតាមប្រមាញ់លើករណីជួញដូរគ្រឿងញៀន។ ប៉ូលិសស្រុកឆ្លូង បានឲ្យដឹងទៀតថា ក្រោយពីការឃាត់ខ្លួនជនសង្ស័យទាំងបួនត្រូវកសាងសំណុំរឿងបញ្ជូនខ្លួនបន្តទៅសាលាដំបូងខេត្តនៅថ្ងៃទី១ កុម្ភៈ នេះ៕
ចែករំលែកព័តមាននេះ