រាជធានីភ្នំពេញ ៖ ស្រ្តីម្នាក់បានសម្រាលកូនក្នុងបន្ទប់ទឹកបានកូនស្រីមួយ បង្កឲ្យមានការភ្ញាក់ផ្អើលដល់អ្នកជិតខាងនៅម៉ោង១០និង៣០នាទីព្រឹកថ្ងៃទី២៦ មករា ២០១៥ នៅផ្ទះលេខ៥៤៩ ក្រុម១៦ ក្នុងភូមិមិត្តភាព សង្កាត់-ខណ្ឌប្ញស្សីកែវ ។
បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា ស្រ្តីរូបនោះឈ្មោះ ម៉ន ឈឿម អាយុ៣៨ឆ្នាំ ជាស្រ្តីមេម៉ាយ(ប្តីចុះចោលជិតមួយឆ្នាំ) មានកូន២នាក់ក្នុងបន្ទុក ។
បើតាមការអះអាងរបស់ស្រ្តីដែលសម្រាលកូនក្នុងបន្ទប់ទឹកខាងលើឲ្យដឹងថា ” គាត់មិនដឹងថាខ្លួនឯងមានផ្ទៃពោះនោះទេ ដោយនឹកស្មានតែកើតទាចទឹកព្រោះពិបាកចិត្តមួយថ្ងៃៗដើរតែផឹកស្រា ហើយសូម្បីតែអ្នកជិតខាងក៍គិតបែបនេះដែរ” លុះដល់វេលាកើតហេតុ ពេលចូលបន្ទប់ទឹកក៍កើតបានកូនស្រីមួយតែម្តង ។
បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សម្តីស្រ្តីសម្រាលកូនក្នុងបន្ទប់ទឹក និង អ្នកជិតខាងបញ្ជាក់ដែរថា កូនទំាង៣នាក់របស់ស្រ្តីឈ្មោះ ម៉ន ឈឿមនេះមិនបានសម្រាលនៅមន្ទីរពេទ្យទេ ដោយកូនទី១កើតនៅលើម៉ូតូ កូនទី២កើតក្នុងបន្ទប់ទឹក និងកូនទី៣ខាងលើនេះក៍កើតក្នុងបន្ទប់ទឹកទៀត។
ព័ត៌មានលម្អឹតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ