រាជធានីភ្នំពេញ ៖ មន្ទីរពេទ្យភ្នែកវេជ្ជបណ្ឌិត អេហ្គាវ៉ល និងមន្ទីរពេទ្យភ្នែកវេជ្ជបណ្ឌិត គង់ ពិសិដ្ឋ កាលពីថ្ងៃទី២១ ធ្នូ កន្លងទៅនេះបានធ្វើកិច្ចសហការគ្នាព្យាបាលភ្នែកដោយប្រើកាំរស្មីឡាស៊ែរលើកដំបូងនៅកម្ពុជា ដោយមានការអញ្ចើញចូលរួមជាកិត្តិយសពីលោកវេជ្ជបណ្ឌិត គង់ ពិសិដ្ឋ
រាជធានីភ្នំពេញ ៖ មន្ទីរពេទ្យភ្នែកវេជ្ជបណ្ឌិត អេហ្គាវ៉ល និងមន្ទីរពេទ្យភ្នែកវេជ្ជបណ្ឌិត គង់ ពិសិដ្ឋ កាលពីថ្ងៃទី២១ ធ្នូ កន្លងទៅនេះបានធ្វើកិច្ចសហការគ្នាព្យាបាលភ្នែកដោយប្រើកាំរស្មីឡាស៊ែរលើកដំបូងនៅកម្ពុជា ដោយមានការអញ្ចើញចូលរួមជាកិត្តិយសពីលោកវេជ្ជបណ្ឌិត គង់ ពិសិដ្ឋ រួមទាំងថ្នាក់ដឹកនាំមន្ទីពេទ្យជាដៃគូរជាច្រើនផ្សេងទៀត ។
ក្នុងកិច្ចសហការវាងមន្ទីរពេទ្យទាំងពីរនេះមានគោលបំណងផ្តល់ជូនសេវាព្យាបាលភ្នែកឈានមុខមួយនៅកម្ពុជារួមនិងសេវាជាច្រើនផ្សេងទៀតទាក់ទងទៅនឹងការថែទាំភ្នែកដល់អ្នកជម្ងឺដូចជាការពិនិត្យជម្ងឺភ្នែកទូទៅការវះកាត់បាតភ្នែកបែបទំនើប ការវះកាត់ភ្នែកឡើងបាយដោយមានស្នាមតូច ជាមួយនិងកែវភ្នែកសិប្បនិមិ្មត ការវះកាត់ទឹកដក់ក្នុងភ្នែក ការថែទាំភ្នែកកុមារ មហារីកភ្នែក ភ្នែកស្រលៀង ការវះកាត់ត្របកភ្នែក ការវះកាត់កែកំហុសកំណុំរូបភាព ការវះកាត់កញ្ចក់ភ្នែកសម្រាប់កញ្ចក់ភ្នែករាងសាជី និងកំហុសកំណុំរូបភាពផ្សេងទៀត ហើយលើសពីនេះគឺចង់ឲ្យអតិថិជនទូទៅអាចមានលទ្ធភាពកាន់តែច្រើនក្នុងការទទួលបានសេវាថែទាំភ្នែកដែលមានតម្លៃសមរម្យ និងមានគុណភាពខ្ពស់នៅកម្ពុជា។
ក្រុមការងារបស់មន្ទីរពេទ្យភ្នែកយើងមានវត្តមានក្នុងបណ្ដាញមន្ទីរពេទ្យភ្នែកចំនួន៦០ នៅលើពិភពលោក រួមមានប្រទេសឥណ្ឌា កម្ពុជា ចំណែកនៅទ្វីបអាហ្វ្រិក ដូចជាម៉ូរីស សីស្ហែល ម៉ាដាហ្កាស្កា ម៉ូសំប៊ិក រវ៉ាន់ដារ នីហ្សេរីយ៉ា និងសំប៊ី។ល។ដំណើរការព្យាបាលដោយកាំរស្មីឡាស៊ែរ (LASIK) ដើម្បីកែតម្រូវកំហុសកំណុំរូបភាព(ម្ញូបជិត ម្ញូបឆ្ងាយ អាស្ទីម៉ាត) គ្រាន់តែចំណាយពេលត្រឹមតែ១០ ទៅ១៥នាទីប៉ុណ្ណោះ។ ចំណែកការធ្វើរោគវិនិច្ឆ័យទៅតាមបែបទំនើបដោយការស្គែន និងការថត(Oculyser) បង្កើតបានរួបភាពក្នុងលំហរបស់កញ្ចក់ភ្នែក (ស្រទាប់ថ្លានៅលើប្រស្រីភ្នែក) ដែលជួយសំរួលដល់ការព្យាបាលដោយកាំរស្មីឡាស៊ែរ។
ការព្យាបាលភ្នែកនៅមន្ទីរពេទ្យវេជ្ជបណ្ឌិត គង់ ពិសិដ្ឋ ដោយកាំរស្មីឡាស៊ែរ ក្រោយការព្យាបាលរួចលោកអ្នកពុំចាំបាច់ពិបាកពាក់វ៉ែនតាការពារភ្នែកនោះឡើយ ហើយលោកអ្នកអាចលេងកីឡាផ្សេងបានជាមួយមិត្តភក្ក្រ័ ឬអាចបើកបរនៅពេលយប់ដោយគ្មានក្ដីកង្វល់៕
ចែករំលែកព័តមាននេះ