ខេត្តរតនគិរី ៖ មន្ត្រីក្រសួងមហាផ្ទៃបានថ្លែងប្រាប់កោះសន្តិភាពថានៅល្ងាចថ្ងៃទី២០ ខែធ្នូ ឆ្នាំ២០១៤ វេលាម៉ោង១៧និង៣០នាទី សមត្ថកិច្ចនគរបាលខេត្តរតនគិរី បានសហការជាមួយក្រុម (UN) និងក្រុមការងារអគ្គនាយកដ្ឋានអន្តោប្រវេសន៍
ខេត្តរតនគិរី ៖ មន្ត្រីក្រសួងមហាផ្ទៃបានថ្លែងប្រាប់កោះសន្តិភាពថានៅល្ងាចថ្ងៃទី២០ ខែធ្នូ ឆ្នាំ២០១៤ វេលាម៉ោង១៧និង៣០នាទី សមត្ថកិច្ចនគរបាលខេត្តរតនគិរី បានសហការជាមួយក្រុម (UN) និងក្រុមការងារអគ្គនាយកដ្ឋានអន្តោប្រវេសន៍ ក្រសួងមហាផ្ទៃ បានចុះស្រាវជ្រាវរកឃើញ ជនជាតិភាគតិច«ច្រាយ វៀតណាម» ចំនួន១៣នាក់ (ប្រុស១២នាក់,ស្រី១នាក់) ដែលបានឆ្លងដែនចូលមកលាក់ខ្លួន នៅចំណុចព្រៃមាស ក្នុងភូមិសាស្ត្រ ភូមិខ្វែង ឃុំយ៉ាទុង ស្រុកអូរយ៉ាដាវ ខេត្តរតនគិរី ។
ក្រុមការងារបានរកឃើញក្រុមទី១មុនមានគ្នាចំនួន៨នាក់(ប្រុស៧នាក់ ស្រី១នាក់) ។ បន្ទាប់មករកឃើញក្រុមទី២មានចំនួន៥នាក់ មានឈ្មោះទី១ ឈ្មោះ សេវ ហ្គា ភេទប្រុស អាយុ៥២ឆ្នាំ ជនជាតិច្រាយ ខេត្តយ៉ាឡាយ, ២. ឈ្មោះ រឡាន លិច ភេទប្រុស អាយុ២៩ឆ្នាំ ជនជាតិច្រាយ ខេត្តយ៉ាឡាយ, ៣. ឈ្មោះ សេវ អាញិ ភេទប្រុស អាយុ២៥ឆ្នាំ ជនជាតិច្រាយ ខេត្តយ៉ាឡាយ, ៤. ឈ្មោះ សេវ ហ្លូន ភេទប្រុស អាយុ៣៩ឆ្នាំ ជនជាតិច្រាយ ខេត្តយ៉ាឡាយ និង៥. ឈ្មោះ រម៉ាស់ ស៊ីន ភេទប្រុស អាយុ៣៤ឆ្នាំ ជនជាតិច្រាយខេត្តយ៉ាឡាយ។
តាមការសួរបំភ្លឺ ពីជនជាតិច្រាយ វៀតណាម ចំនួន០៥នាក់ បានឲ្យដឹងថា ពួកគេបានរត់ឆ្លងដែនចូលមកប្រទេសកម្ពុជា នៅថ្ងៃទី១៩ ខែវិច្ឆិកា ឆ្នាំ២០១៤ ដើម្បីសុំសិទិ្ធជ្រកកោន ពីអង្គការសហប្រជាជាតិ(អ.ស.ប) ។ ក្រោយពីការសាកសួរបំភ្លឺ ពីសមត្ថកិច្ចជំនាញរួចមកសមត្ថកិច្ចនគរបាល បានធ្វើការប្រគល់ជនជាតិច្រាយ វៀតណាម ទាំង០៥នាក់ សរុប១៣នាក់ ទៅឲ្យក្រុម (UN) ក្នុងយប់ថ្ងៃទី២០ ខែធ្នូ ឆ្នាំ២០១៤ វេលាម៉ោង២១និង១០នាទី ។ បច្ចុប្បន្នត្រូវបានក្រុម (UN) និងក្រុមការងារអគ្គនាយកដ្ឋានអន្តោប្រវេសន៍ ដឹកជញ្ជូនចេញទៅកាន់រាជធានីភ្នំពេញ ក្នុងល្ងាចថ្ងៃទី២១ ខែធ្នូ ឆ្នាំ២០១៤ ។ ក្រុមជនភៀសខ្លួនម៉ុងតាញ៉ា វៀតណាម ១៣នាក់ ត្រូវបានសង្គ្រោះចេញពីព្រៃខេត្តរតនគិរី ។ ការសង្គ្រោះនេះធ្វើឡើងបន្ទាប់ពីមានសេចក្ដីរាយការណ៍ថា ជនម៉ុងតាញ៉ាទាំងនោះសម្រេចចេញពីព្រៃដោយសារពួកគេមិនអាចទ្រាំលាក់ខ្លួនតទៅទៀតបាន ។ នៅម៉ោងប្រមាណ ៥ព្រឹកព្រលឹម ថ្ងៃទី២០ ខែធ្នូ ក្រុមជនជាតិដើមភាគតិចម៉ុងតាញ៉ា ចំនួន៨នាក់ ក្នុងនោះមានស្រីម្នាក់ ប្រុស៧នាក់ ដែលមានអាយុចន្លោះពី១៨ ដល់៥០ឆ្នាំ បានចេញពីព្រៃមកជួបតំណាងអង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា នៅពេលដែលក្រុមនេះទទួលបានព័ត៌មានថា ជនជាតិដើមទាំងនោះស្ថិតនៅក្នុងឃុំសេដា ស្រុកលំផាត់ ខេត្តរតនគិរី ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ