រាជធានីភ្នំពេញ ៖ ដូចតាមការព្យាកររបស់ក្រសួងធនធានទឹកនិងឧតុនិយម អាកាសធាតុនៅក្នុងប្រទេសកម្ពុជា ជាពិសេសនៅរាជធានីភ្នំពេញ បានចុះត្រជាក់តំាងពីម៉ោង១២រំលងអធ្រាត្រ និង មកដល់ព្រឹកថ្ងៃទី១៨ ធ្នូ ២០១៤ ។
បើតាមការប្រកាសជូនដំណឹងរបស់ក្រសួងធនធានទឹក និងឧតុនិយមកាលពីចុងសប្តាហ៍មុនបានឲ្យដឹងថា ចាប់ពីថ្ងៃទី១៧ ធ្នូ ២០១៤តទៅ ខ្យល់មូសុងឦសាននិងជ្រលងសម្ពាធខ្ពស់ស៊ីបេរី បង្កើនឥទ្ឋិពលកាន់តែខ្លំាងមកលើតំបន់ភាគខាងជើងប្រទេសកម្ពុជា ។ លក្ខណៈបែបនេះ នឹងធ្វើឲ្យស្ថានភាពធាតុអាកាសនៅកម្ពុជា ចុះត្រជាក់ចាប់ពីថ្ងៃទី១៧ ធ្នូ ២០១៤ រយៈពេលប្រមាណមួយសបា្តហ៍ដោយក្នុងនោះមាន ៖
-តំបន់ភ្នំនិងខ្ពង់រាប ៖ ជួរភ្នំដងរែកខេត្តឧត្តរមានជ័យ ព្រះវិហារ មណ្ឌលគិរី និងខេត្តរតនគិរី សីតុណ្ហភាពអប្បបរមា មានពី១៥-១៧អង្សាសេ សីតុណ្ហភាពអតិបរមា មានពី២៥-២៧អង្សាសេ ។
-ខេត្តបន្ទាយមានជ័យ បាត់ដំបង ប៉ៃលិន សៀមរាប កំពង់ធំ កំពង់ចាម ត្បូងឃ្មុំ ក្រចេះ និងខេត្តស្ទឹងត្រែង សីតុណ្ហភាពអប្បបរមា មានពី១៧-១៩អង្សាសេ សីតុណ្ហភាពអតិបរមា មានពី២៦-២៩អង្សាសេ ។
-រាជធានីភ្នំពេញ ពោធិ៍សាត់ កំពង់ឆ្នំាង កំពង់ស្ពឺ កណ្តាល ព្រៃវែង ស្វាយរៀង និង ខេត្តតាកែវ សីតុណ្ហភាពអប្បបរមា មានពី១៨-២០អង្សាសេ សីតុណ្ហភាពអតិបរមា មានពី២៨-៣១អង្សាសេ ។
-ខេត្តកោះកុង ព្រះសីហនុ កំពត និង ខេត្តកែប សីតុណ្ហភាពអប្បបរមា មានពី២២-២៤អង្សាសេ សីតុណ្ហភាពអតិបរមា មានពី៣១-៣៣អង្សាសេ ៕
ចែករំលែកព័តមាននេះ