រាជធានីភ្នំពេញ ៖ បើតាមការឱ្យដឹងពីលោកសំ វ៉ាន់ដេត គ្រូបង្វឹកបង្គោលក្រុមខេត្តស្វាយរៀងបានឱ្យដឹងថា កីឡាករសរ សុភា ដែលជាអ្នកចាំទីរបស់ក្លិបបាល់ទាត់ខេត្តស្វាយរៀងបានលាចាកលោកហើយ កាលពីវេលាម៉ោងជាង១១ព្រឹកថ្ងៃទី២២ វិច្ឆិកា
រាជធានីភ្នំពេញ ៖ បើតាមការឱ្យដឹងពីលោកសំ វ៉ាន់ដេត គ្រូបង្វឹកបង្គោលក្រុមខេត្តស្វាយរៀងបានឱ្យដឹងថា កីឡាករសរ សុភា ដែលជាអ្នកចាំទីរបស់ក្លិបបាល់ទាត់ខេត្តស្វាយរៀងបានលាចាកលោកហើយ កាលពីវេលាម៉ោងជាង១១ព្រឹកថ្ងៃទី២២ វិច្ឆិកា ២០១៤ នេះ ។
ប្រភពបានឱ្យដឹងថា ការស្លាប់នេះ គឺត្រូវសង្ស័យបណ្តាលមកពីជំងឺគាំងបេះដូង បន្ទាប់ពីហ្វឹកហាត់នៅ SuperFit ដែលមានទីតាំងស្ថិតនៅសង្កាត់ទួលស្វាយព្រៃ១ ខណ្ឌចំការមន ខណៈកំពុងអង្គុយសម្រាក ក៏ដួលផ្ងារក្រោយ ឃើញដូច្នោះ គ្រូបង្វឹក និងមិត្តរួមក្រុមប្រមាណ២៥នាក់ ជួយចាប់សម្រួលសរសៃ តែដោយឃើញសភាពមិនស្រួល ក៏បញ្ជូនបន្តទៅសង្គ្រោះនៅមន្ទីរពេទ្យមិត្តភាពខ្មែរ-សូវៀតតែម្តង ។
ប្រភពដដែលបន្តទៀតថា បច្ចុប្បន្នសពត្រូវបានសាច់ញាតិបញ្ជូនមកតម្កល់នៅវត្តនាគវ័ន្ត ដើម្បីធ្វើបុណ្យតាមប្រពៃណី ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ