រាជធានីភ្នំពេញ ៖ រថយន្តនីសាន់ ណាវ៉ារ៉ា មួយគ្រឿងបើកបុករះម៉ូតូហុងដាឌ្រីម សេ១២៥ ចំនួនពីរគ្រឿងពេញទំហឹង បណ្តាលឱ្យអ្នកបើកម៉ូតូទាំងពីរគ្រឿង ខ្លះប្លោងខ្ទាតទៅបោកនឹងជញ្ជាំងផ្ទះប្រជាពលរដ្ឋ និងខ្លះទៀតដួលបោកទៅលើថ្នល់ រងរបួសធ្ងន់ ៣នាក់ ស្រាលម្នាក់ ។ ហេតុការណ៍នេះកើតឡើងនៅវេលាម៉ោង១០
រាជធានីភ្នំពេញ ៖ រថយន្តនីសាន់ ណាវ៉ារ៉ា មួយគ្រឿងបើកបុករះម៉ូតូហុងដាឌ្រីម សេ១២៥ ចំនួនពីរគ្រឿងពេញទំហឹង បណ្តាលឱ្យអ្នកបើកម៉ូតូទាំងពីរគ្រឿង ខ្លះប្លោងខ្ទាតទៅបោកនឹងជញ្ជាំងផ្ទះប្រជាពលរដ្ឋ និងខ្លះទៀតដួលបោកទៅលើថ្នល់ រងរបួសធ្ងន់ ៣នាក់ ស្រាលម្នាក់ ។ ហេតុការណ៍នេះកើតឡើងនៅវេលាម៉ោង១០ និង ៤០នាទីយប់ ថ្ងៃទី ២២ តុលា ២០១៤ នៅលើកំណាត់ផ្លូវ ៤៣២ ស្ថិតនៅក្នុងក្រុមទី៥ សង្កាត់ទួលទំពូង ខណ្ឌចំការមន។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុស្របពេលដែលមេឃកំពុងធ្លាក់ភ្លៀងគេឃើញរថយន្ត នីសាន់ ណាវ៉ារ៉ា ពណ៌ខ្មៅ មួយគ្រឿង មិនស្គាល់ស្លាកលេខ បើកដោយបុរសម្នាក់ ធ្វើដំណើរយ៉ាងលឿនតាមផ្លូវលេខ៤៣២ ក្នុងទិសដៅ ពីលិច ទៅកើត ខណៈមកដល់ចំណុចកើតហេតុ រថយន្តបានបើករេចង្កូតឆ្លងផ្លូវ ក៏ជ្រុលទៅបុករះម៉ូតូ ហុងដាឌ្រីម សេ១២៥ ពីរគ្រឿងជិះគ្នា៤នាក់ បើកបញ្រ្ចាសផ្លូវគ្នាចំពីមុខពេញទំហឹង បណ្តាលឱ្យអ្នកជិះម៉ូតូខ្លះប្លោងខ្ទាតទៅបោក នឹងជញ្ជាំងផ្ទះប្រជាពលរដ្ឋនិង ខ្លះទៀតដួលបោកទៅលើផ្លូវថ្នល់ រងរបួសធ្ងន់បីនាក់ ស្រាលម្នាក់ ។ បន្ទាប់ពីបើកបុករះម៉ូតូរងរបួសមនុស្សហើយនោះ រថយន្តបានបន្ថែមល្បឿនបើកគេចខ្លួនបាត់ស្រមោល ។ ម៉ូតូដែលត្រូវរថយន្តបុករងការខូចខាតនោះទី១.ម៉ូតូ ហុងដាឌ្រីម សេ១២៥ ពណ៌ខ្មៅ ពាក់ស្លាកលេខភ្នំពេញ 1F-5873 ជិះគ្នា២នាក, ទី២.ម៉ូតូហុងដាឌ្រីម សេ១២៥ ពណ៌ខ្មៅ ពាក់ស្លាកលេខភ្នំពេញ 1AI-2022 ជិះគ្នា២នាក់ ។
ក្រោយពេលកើតហេតុជនរងគ្រោះរបួសធ្ងន់ត្រូវបានគេបញ្ជូនទៅសង្គ្រោះនៅមន្ទីរពេទ្យ ចំណែកម៉ូតូទាំងពីរគ្រឿងត្រូវសមត្ថកិច្ចយកទៅរក្សាទុកឱ្យ ។
ចែករំលែកព័តមាននេះ