រាជាធានីភ្នំពេញ ៖ ក្រុមហ៊ុន Microsoft បានប្រកាសពីការដាក់លក់ Lumia 730 ស៊ីមពីរជាផ្លូវការនៅក្នុងប្រទេសកម្ពុជា ចាប់ពីថ្ងៃនេះតទៅ ក្នុងតម្លៃលក់រាយប្រមាណ២៥៣ដុល្លារអាមេរិក និងមានបួនពណ៌សម្រាប់ឱ្យជ្រើសរើស គឺ ប្រផេះ បៃតងខ្ចី ទឹកក្រូចខ្ចី និងពណ៌ស ។ ស្មាតហ្វូន Lumia 730 ដែលមានកាមេរ៉ាមុខប្រភេទ Wide Angle (អាចចាប់ផ្ទៃនៃរូបភាពបានធំ) មានតម្លៃសមរម្យ រូបរាងមិនតូចមិនធំ ហើយផ្តល់សេវាកម្មដោយ Microsoft ផងនោះ ធ្វើឲ្យអ្នកប្រើប្រាស់មានភាពងាយស្រួលទាំងក្នុងការផ្តិតយកទិដ្ឋភាពផ្សេងៗ និងចែកឲ្យមិត្តភក្តិមើលតាមចំណង់ចំណូលចិត្ត ។
Lumia 730 មានរាងស្តើងស្រាល និងប្រកបទៅដោយស្ទីលដ៏ទាន់សម័យ ។ ជាមួយនឹងមុខងារស៊ីមពីរ 3G, Lumia 730 ថែមទាំងផ្តល់ជូននូវលក្ខណៈពិសេសៗពី Windows Phone 8.1 ជាច្រើន ដែលក្នុងនោះរួមមាននិយាយទូរស័ព្ទតាម Skype ឃើញទិដ្ឋភាពធំទូលាយ និងមនុស្សច្រើននាក់ ជាមួយនឹងកាមេរ៉ា Wide Angle វាអាចថតរូបដោយខ្លួនឯង (Selfie) បានយ៉ាងច្បាស់ល្អ ហើយឆាប់រហ័សជាមួយនឹងកាមេរ៉ាមុខ Full HD 5MP ព្រមទាំងកែរូបថតដោយខ្លួនឯងឲ្យស្អាតប្លែកជាមួយនឹងកម្មវិធី Lumia Selfie ដែលទើបនឹងកែប្រែថ្មី និងដែលបញ្ចូលរួចជាស្រេចនៅក្នុង Lumia 730 ។ មិនតែប៉ុណ្ណោះដំណើរការលឿនជាមួយនឹង 1.2GHz Quad Core CPU និងប្រព័ន្ធប្រតិបត្តិការ Windows Phone 8.1 កំណែប្រែថ្មី ។ យើងក៏អាចទស្សនាកម្មវិធីកម្សាន្ត ខ្សែភាពយន្ត និងវីដេអូខ្លីៗដែលអ្នកចូលចិត្តយ៉ាងត្រជាក់ភ្នែកនៅលើអេក្រង់ HD OLED ទំហំ 4.7” ។ ក្រៅពីនោះវាក៏មានសេវាកម្មពី Microsoft ផ្តល់ជូនស្រាប់ដូចជា Skype, Microsoft Office (Outlook, Word, Excel, OneNote, PowerPoint) សម្រាប់បម្រើសេចក្តីត្រូវការនៃការងារនៅខាងក្រៅការិយាល័យ ។ ជាពិសេសទីផ្ទុកឯកសារនៅក្នុងប្រព័ន្ធ Cloud ទំហំរហូតដល់ទៅ 15GB ដោយឥតគិតថ្លៃសម្រាប់ផ្ទុក និងបើកមើល ឬកែឯកសារ ឬរូបភាព ។ Lumia 730 មានកម្មវិធីដ៏ច្រើនសន្ធឹកសន្ធាប់សម្រាប់ Windows Phone ដោយរាប់បញ្ចូលទាំង ថ្ម 2220 mAh ដែលអាចជួយឲ្យអតិថិជន ប្រើបានពេញមួយថ្ងៃ ៕
ចែករំលែកព័តមាននេះ