ខេត្តបន្ទាយមានជ័យ ៖ សកម្មភាពក្រុមពលករខ្មែរលួចឆ្លងដែនដោយខុសច្បាប់តាមរយៈមេខ្យល់នៅតែមានយ៉ាងគគ្រឹកគគ្រេង នៅតាមតំបន់ជាយដែនថៃនៅក្នុងទឹកដីនៃខេត្តបន្ទាយមានជ័យ។ ជាក់ស្តែងមានក្រុមពលករចំណាកស្រុកចំនួន៦៣នាក់ មកពីខេត្តបន្ទាយមានជ័យ បាត់ដំបង សៀមរាបពោធិ៍សាត់ កំពង់ឆ្នាំង ព្រៃវែង កំពង់ធំ និងកំពង់ចាម បានបម្រុងលួចឆ្លងដែនដោយខុសច្បាប់ទៅរកការងារធ្វើនៅក្នុងប្រទេសថៃ តាមច្រករបៀងស្ថិតក្នុងស្រុកម៉ាឡៃ ។
ប្រភពបានឱ្យដឹងថា ពលករទាំងនោះត្រូវបានកម្លាំងការិយាល័យប្រឆាំងការជួញដូរមនុស្ស និងការពារអនិតិជនខេត្តបន្ទាយមានជ័យ សហការជាមួយនគរបាលការពារព្រំដែនគោកប៉ុស្តិ៍ដើមត្រសេក នៃវរៈព្រំដែន៨១៥ឈរជើងនៅស្រុកម៉ាឡៃ ខេត្តបន្ទាយមានជ័យចុះធ្វើការទប់ស្កាត់ពលករចំណាកស្រុកចំនួន៦៣នាក់ កាលពីវេលាម៉ោង១២ថ្ងៃត្រង់ រហូតដល់ម៉ោង៥ល្ងាច ថ្ងៃទី២០ សីហា ២០១៤ នៅចំណុចភូមិអូរស្រឡៅ ស្រុកម៉ាឡៃ ខេត្តបន្ទាយមានជ័យ យកទៅអប់រំនិងឱ្យគាត់វិលត្រឡប់ទៅស្រុកកំណើតវិញ ។ ហើយការឃាត់ខ្លួនពីសំណាក់នគរបាលខេត្តបន្តាយមានជ័យខាងលើនេះគឺក្នុងគោលបំណងការពារអាយុជីវិតរបស់បងប្អូនពលករខ្មែរ និងដើម្បីឱ្យពួកគាត់គេចផុតពីគ្រោះថ្នាក់ដោយប្រការផ្សេងៗ ខណៈពេលដែលពួកគាត់ចូលទៅធ្វើការនៅក្នុងប្រទេសរបស់គេដោយខុសច្បាប់ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ