រាជធានីភ្នំពេញ ៖ ធ្លាប់ចំណាយពេល ២០ ថ្ងៃ ទើបបិទបញ្ជីប្រចាំខែរួចមែនទេ ? ឥឡូវនេះ AI អាចជួយបង្រួមមកនៅត្រឹមតែ ៥ ថ្ងៃប៉ុណ្ណោះ ! ។ ក្រុមហ៊ុន AI Nexus (Cambodia) និងក្រុមហ៊ុន NEXJARVIS Global បានចុះកិច្ចព្រមព្រៀងវិនិយោគយុទ្ធសាស្ត្រក្នុងទំហំទឹកប្រាក់ ៥០ ម៉ឺនដុល្លារ ($500,000) យ៉ាងកាលពីថ្ងៃទី ១១ ខែវិច្ឆិកា ឆ្នាំ ២០២៦ នៅសណ្ឋាគារ The Peninsula Phnom Penh ក្រោមអធិបតីភាព ឧកញ៉ា អ៊ុច សោភ័ណ, ឧកញ៉ា គីម ងួន, ឧកញ៉ា ឡុង នីរ៉ុន និងលោក តាន់ ពុទ្ធារ័ត្ន (តំណាង ARTIBINE Trust), លោក Kam Chin Seng ស្ថាបនិក និងជាប្រធានផ្នែកបច្ចេកវិទ្យា នៃក្រុមហ៊ុន NEXJARVIS Global) និងលោក ឌឿក តារាវុធ នាយកគ្រប់គ្រង AI Nexus Cambodia ។
គោលដៅធំបំផុតនៃការវិនិយោគនេះ គឺការនាំយកប្រព័ន្ធស្វ័យប្រវត្តិកម្ម និងភ្នាក់ងារ AI មកជួយសម្រួលការងារគ្រប់ផ្នែកទាំងអស់របស់សហគ្រាសខ្នាតតូច និងមធ្យម (SME) រួមមាន ៖ ផ្នែកទីផ្សារ រដ្ឋបាល គណនេយ្យ ធនធានមនុស្ស សេវាកម្មអតិថិជន លក់ និងគ្រប់គ្រងស្ដុក ។
ចំណុចពិសេសដែលភ្ញៀវកិត្តិយសប្រមាណ ៥០ រូបបានធ្វើតេស្តសាកល្បងផ្ទាល់នៅក្នុងកម្មវិធីរួមមាន ៖
ប្រព័ន្ធស្កេនវិក្កយបត្រ OCR លឿនរហ័ស ៖ អានវិក្កយបត្រពន្ធក្រដាស ៥០ សន្លឹក ផ្ទៀងផ្ទាត់លេខ TIN និងកត់ត្រាចូលបញ្ជីគណនេយ្យស្វ័យប្រវត្តិក្នុងពេលត្រឹមតែ ៣០ វិនាទី កាត់បន្ថយការបិទបញ្ជីប្រចាំខែពី ២០ ថ្ងៃ មកនៅត្រឹម ៥ ថ្ងៃ ។
ប្រព័ន្ធ AI ស្តាប់សារសំឡេងភាសាខ្មែរ ៖ សម្រាប់អាជីវកម្មលក់ដុំ និងចែកចាយ ប្រព័ន្ធ AI អាចស្តាប់ Voice Note ជាភាសាខ្មែរតាម Telegram របស់អតិថិជន និងបង្កើតជាវិក្កយបត្របញ្ជាទិញបានភ្លាមៗ ។
លោក ឌឿក តារាវុធ បានបញ្ជាក់យ៉ាងច្បាស់ថា ៖ «យើងមិនមែនយក AI មកជំនួសមនុស្សទេ ប៉ុន្តែគឺដើម្បីរំដោះបុគ្គលិកការិយាល័យពីការងារវាយទិន្នន័យក្រដាស និងដដែលៗដ៏ធុញទ្រាន់ ឱ្យក្លាយជាអ្នកបញ្ជាបច្ចេកវិទ្យាដ៏មានសមត្ថភាពខ្ពស់វិញ» ៕ អត្ថបទសហការ
ចែករំលែកព័តមាននេះ