រាជធានីភ្នំពេញ៖ សិស្សានុសិស្សបាន សិក្សារៀនសូត្រ និងជាគោលដៅចូលរួមចំណែកអភិវឌ្ឍវិស័យអប់រំនៅក្នុងប្រទេសកម្ពុជា ឆ្លើយតបទៅនឹងតម្រូវការអភិវឌ្ឍធនធាន មនុស្សសម្រាប់សវត្សរ៍ថ្មី ។
វិស័យអប់រំត្រូវបានរាជរដ្ឋាភិបាល ចាត់ដាក់ជាអាទិភាពគន្លឹះទី១ នៅក្នុងយុទ្ធសាស្ត្របញ្ចកោណ-ដំណាក់កាលទី១ ក្រោមការ ដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាចក្រកម្ពុជា ដោយបានផ្ដោតសំខាន់លើ «មនុស្ស» ដើម្បី កសាងធនធានមនុស្ស ប្រកបដោយចំណេះដឹង ចំណេះធ្វើ សីលធម៌ និងសមត្ថភាពខ្ពស់ ឆ្លើយតបទៅនឹងតម្រូវការអភិវឌ្ឍសង្គម-សេដ្ឋកិច្ចក្នុងសតវត្សរ៍ថ្មី ជាពិសេសយុគសម័យឌីជីថល និងបដិវត្តឧស្សាហកម្ម ៤.០ ។ ទន្ទឹមនេះ, ស្របពេលដែលរាជរដ្ឋាភិបាល កំពុងយកចិត្តទុកដាក់លើវិស័យអប់រំ វិទ្យាល័យថ្មីមួយកន្លែងនៅស្រុកសន្ទុកខេត្ត កំពង់ធំ បានកើតឡើង និងចាប់ផ្តើមក្នុងឆ្នាំសិក្សាដំបូង ដើម្បីឆ្លើយតបដល់ការអភិវឌ្ឍវិស័យអប់រំ ទៅនឹងតម្រូវការអភិវឌ្ឍធនធានមនុស្សនៅកម្ពុជា ។
លោកជំទាវ ខៀវ ស៊ីណា ស្ថាបនិកវិទ្យាល័យ ជា ចាន់តូ លើកឡើងក្នុងពិធីសម្ពោធជាផ្លូវការវិទ្យាល័យ ជា ចាន់តូ នៅថ្ងៃទី២៦ ខែតុលា នេះថា វិទ្យាល័យជា ចាន់ តូ បានចាប់ផ្ដើមការដ្ឋានសាងសង់កាលពីខែកុម្ភៈ ឆ្នាំ២០២៦ ជាមួយនឹងចក្ខុវិស័យវែងឆ្ងាយ និង ការប្ដេជ្ញាចិត្តខ្ពស់ ក្នុងការនាំយកចំណេះដឹងសម្រាប់សិស្សានុសិស្សក្នុងប្រទេសកម្ពុជា ជាពិសេសក្នុងស្រុកសន្ទុក ខេត្តកំពង់ធំ។ លោកជំទាវ បន្តថា ចំពោះការសម្ពោធជាផ្លូវការនេះ គឺជាការបើកឆ្នាំសិក្សាដំបូង ដែលនៅថ្ងៃទី២ ខែកញ្ញា ឆ្នាំ២០២៦ ខាងមុខនេះ ក្រសួងអប់រំ យុវជន និងកីឡា បានប្រការបើកបវេសនកាលថ្មីនៅទូទាំងប្រទេស ដោយក្នុងនោះវិទ្យាល័យជា ចាន់ តូ និងមានសិស្សា- នុសិស្សចូលរៀនសរុបចំនួន ១៤៥ រូប បានចាប់ផ្ដើមការសិក្សារបស់ខ្លួន បន្ទាប់ពីត្រូវបានជ្រើសរើសយ៉ាងយកចិត្តទុកដាក់ ដោយផ្អែក លើលទ្ធផលសិក្សាមកពីអនុវិទ្យាល័យ និងវិទ្យាល័យនានា នៅទូទាំងខេត្តកំពង់ធំ ។
លោកជំទាវលើកឡើងបន្តថា វិទ្យាល័យ ជា ចាន់តូ គឺជាបេះដូង និងជាពន្លកនៃក្ដីសង្ឃឹមសម្រាប់ការអភិវឌ្ឍរបស់ប្រទេសជាតិ យើង ក្នុងនោះជាមូលហេតុ ដែលវិទ្យាល័យនេះត្រូវបានបង្កើតឡើងដូច្នេះ គឺដើម្បីផ្ដល់ឱកាសដល់សិស្សានុសិស្សនៅតំបន់នោះបាន រៀនសូត្រ ដើម្បីអនាគតដ៏ភ្លឺស្វាង ។ ចំណែកលោកគ្រូ-អ្នកគ្រូទាំងអស់ សូមយកចិត្តទុកដាក់ខ្ពស់ ក្នុងការបង្ហាត់បង្រៀនសិស្សានុសិស្ស ឱ្យសិស្សទទួលបានលទ្ធផលល្អក្នុងការសិក្សា មានសីលធម៌ល្អក្នុងសង្គម និងក្លាយជាសិស្សគំរូ ចូលរួមដល់ការអភិវឌ្ឍប្រទេសជាតិ។ ចំណែកបុគ្គលិកវិទ្យាល័យ ជា ចាន់តូ សូមបំពេញនូវបេសកកម្ម ប្រកបដោយការយកចិត្តទុកដាក់ខ្ពស់ នឹងសូមជួយការពារថែរក្សាអគារវិទ្យាល័យ បរិស្ថាន សុខុមាលភាពរបស់សិស្សានុសិស្ស ទោះក្នុងកាលៈទេសៈណាក៏ដោយ។ ចំពោះអាណាព្យាបាល មាតាបិតា សិស្ស លោកជំទាវបានអរគុណ ចំពោះការផ្តល់ទំនុកចិត្តមកលើវិទ្យាល័យ ជា ចាន់តូ ក្នុងការផ្ដល់នូវការអប់រំជាមូលដ្ឋានគ្រឹះដល់ សិស្សានុសិស្សទាំងអស់ ដែលបានមកសិក្សារៀនសូត្រនៅវិទ្យាល័យនេះ ។
លោកជំទាវ សង្ឃឹមយ៉ាងមុតមាំថា វិទ្យាល័យ ជា ចាន់តូ នឹងក្លាយទៅជាគ្រឹះស្ថានអប់រំសិក្សាមួយ ដែលពោរពេញទៅដោយ ការប្តេជ្ញាចិត្តក្នុងការអភិវឌ្ឍចំណេះដឹង ពង្រឹងចរិតលក្ខណៈ និងបណ្តុះបណ្តាលភាពជាអ្នកដឹកនាំសម្រាប់ថ្ងៃអនាគត និងសូមឱ្យ វិទ្យាល័យជា ចាន់តូ ស្ថិតស្ថេរគង់វង្សសម្រាប់មនុស្សជំនាន់ក្រោយ ប្រកបដោយភាពរឹងមាំ និងយូរអង្វែង។ សូមឱ្យសិស្សា-នុសិស្ស គ្រប់រូបដែលបានសិក្សានៅទីនេះ ចងចាំ និងអនុវត្តតាមគុណតម្លៃដែលបានផ្ដល់ជូនដូចជា ចំណេះដឹង ភាពស្មោះត្រង់ និងភាព ក្លាហាន ដើម្បីការរីកចម្រើនតទៅមុខ ៕ អត្ថបទសហការ
ចែករំលែកព័តមាននេះ