រាជធានីភ្នំពេញ ៖ កុមារអាចនឹងលើសទម្ងន់ នៅពេលដែលពួកគេទទួលបានថាមពលពីអាហារ និងភេសជ្ជៈច្រើន ។ កុមារលើសទម្ងន់ទំនងជានឹងបន្តលើសទម្ងន់ពេលពួកគេពេញវ័យផងដែរ ដែលវាអាចធ្វើឱ្យពួកគេប្រឈមនឹងបញ្ហាសុខភាពជាច្រើន ជាពិសេសជំងឺទឹកនោមផ្អែមប្រភេទទី ២…
រាជធានីភ្នំពេញ ៖ កុមារអាចនឹងលើសទម្ងន់ នៅពេលដែលពួកគេទទួលបានថាមពលពីអាហារ និងភេសជ្ជៈច្រើន ។ កុមារលើសទម្ងន់ទំនងជានឹងបន្តលើសទម្ងន់ពេលពួកគេពេញវ័យផងដែរ ដែលវាអាចធ្វើឱ្យពួកគេប្រឈមនឹងបញ្ហាសុខភាពជាច្រើន ជាពិសេសជំងឺទឹកនោមផ្អែមប្រភេទទី ២ ។ ការផ្លាស់ប្តូររបបអាហារ និងសកម្មភាពរបស់កុមារអាចជួយឱ្យពួកគេទទួលបានទម្ងន់ដែលមានសុខភាពល្អ ។ ពេលខ្លះវាអាចពិបាកក្នុងការកំណត់ថា តើកុមារលើសទម្ងន់ ឬអត់ ដោយសារពួកគេស្ថិតក្នុងវ័យកំពុងលូតលាស់ ។ យ៉ាងណាមិញ អ្នកអាចពិនិត្យមើលដោយការគណនាសន្ទស្សន៍ម៉ាសរាងកាយរបស់ពួកគេ (BMI) ។
គន្លឹះដើម្បីជួយកូនរបស់អ្នកមានទម្ងន់ដែលមានសុខភាពល្អ និងអ្វីដែលអ្នក និងកូនត្រូវធ្វើ គឺហាត់ប្រាណ និងមានសកម្មជារៀងរាល់ថ្ងៃ ។ ស្វែងរកសកម្មភាពដែលពួកគេចូលចិត្ត ដូចជាការលេងកីឡា ការរត់លេងក្នុងសួនច្បារ ឬការដើរទៅសាលារៀន ។ ផ្តល់ឱ្យពួកគេនូវរបបអាហារដែលមានសុខភាពល្អ និងមានតុល្យភាព ដែលរួមមានផ្លែឈើ និងបន្លែ អាហារម្សៅ ប្រូតេអ៊ីន និងទឹកដោះគោគ្មានជាតិខ្លាញ់ ។
កំណត់គោលដៅជាក់ស្តែង និងចូលរួមជាមួយកូនរបស់អ្នកក្នុងការសម្រេចចិត្តថា តើអ្នកនឹងធ្វើការផ្លាស់ប្តូរអ្វីខ្លះ ។ ប្រើរង្វាន់ដូចជាស្ទីគ័រ ឬកាដូនានា នៅពេលពួកគេឈានដល់គោលដៅអាហារ និងសកម្មភាពរបស់ពួកគេ ។ លើកទឹកចិត្តឱ្យមានអាកប្បកិរិយាដែលមានសុខភាពល្អក្នុងការញ៉ាំ ។ អ្នកអាចធ្វើជាគំរូដ៏ល្អដោយការញ៉ាំអាហារមានសុខភាពល្អ ។ ឱ្យពួកគេគេងបានគ្រប់គ្រាន់ ដោយបង្កើតទម្លាប់ពេលចូលគេងជាទៀងទាត់ និងកាត់បន្ថយការមើលទូរទស្សន៍ ទូរសព្ទដៃ ឬថេប្លេតចេញពីបន្ទប់គេងរបស់ពួកគេពេលយប់ ។
អ្វីដែលអ្នក និងកូនមិនត្រូវធ្វើ គឺកុំឱ្យអាហារប្រភេទ និងបរិមាណមនុស្សពេញវ័យឱ្យពួកគេញ៉ាំ ។ ចូរប្រើចានតូចសម្រាប់អាហាររបស់ពួកគេ ហើយបន្ថែមបន្តិចបន្តួច បើពួកគេស្នើរសុំ ។ កុំឱ្យភេសជ្ជៈមានជាតិស្ករ ឬជាតិខ្លាញ់ខ្ពស់ ។ សូមចៀសវាងភេសជ្ជៈមានជាតិខ្លាញ់ ហើយពិចារណាប្តូរទឹកដោះគោគ្មានជាតិខ្លាញ់ ៕ ប្រភព ៖ nhs.uk
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ បវេសនកាលឆ្នាំសិក្សាថ្មីសម្រាប់កម្មវិធីចំណេះទូទៅខ្មែរ ពីថ្នាក់មត្តេយ្យ ដល់ថ្នាក់ទី ១២ ចាប់ទទួលចុះឈ្មោះចូលរៀនពីថ្ងៃនេះតទៅ ។ សាលារៀនផ្តល់ជូនអាហារូបករណ៍រហូតដល់ ២០% ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតារហូតដល់ ៥ ឆ្នាំ និងបន្ថែមកម្មវិធីសិក្សាអមអន្តរជាតិ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ