ហាងតែគុជ KOI ធំជាងគេបង្អស់លើពិភពលោក គឺនៅស្រុកខ្មែរ
រាជធានីភ្នំពេញ ៖ ជាហាងតែគុជដែលមានប្រភពមកពី តៃវ៉ាន់ និងមានកេរ្តិ៍ឈ្មោះដ៏ល្បីល្បាញ នោះ បានធ្វើឱ្យ ខយ (KOI) ទទួលបាននូវការគាំទ្រយ៉ាងច្រើនពីអតិថិជនរាប់សែននាក់…
រាជធានីភ្នំពេញ ៖ ជាហាងតែគុជដែលមានប្រភពមកពី តៃវ៉ាន់ និងមានកេរ្តិ៍ឈ្មោះដ៏ល្បីល្បាញ នោះ បានធ្វើឱ្យ ខយ (KOI) ទទួលបាននូវការគាំទ្រយ៉ាងច្រើនពីអតិថិជនរាប់សែននាក់ ហើយសព្វថ្ងៃនេះ «ខយ» មានសាខាជាច្រើននៅតាមបណ្តាប្រទេសចំនួន ១០ ផ្សេងទៀតនៅលើពិភពលោកផងដែរ ។
បើគិតចាប់តាំងពីឆ្នាំ ២០១៤ មកដល់ឆ្នាំ ២០២២ នេះ វត្តមានរបស់ហាងតែគុជ ខយ នៅក្នុងប្រទេសកម្ពុជា គឺមានរយៈពេល ៨ ឆ្នាំមកហើយ ព្រមទាំងទទួលបានកេរ្តិ៍ឈ្មោះបោះសំឡេងជាហាងតែគុជឈរលំដាប់លេខមួយនៅក្នុងប្រទេសកម្ពុជា ដែលទទួលបានការគាំទ្រយ៉ាងខ្លាំងក្លាពីអតិថិជនដោយសាររសជាតិតែឆ្ងាញ់ និងមានតម្លៃសមរម្យ ។
ដោយឡែកនៅថ្ងៃទី ៨ ខែតុលា ឆ្នាំ ២០២២ នេះ ខយ បានសម្ពោធជាផ្លូវការសាខា ខយ រាជធានី ដែលជាសាខាទី ៣០ របស់ខ្លួនដោយមានការចូលរួមគាំទ្រពីអតិថិជនរាប់ពាន់នាក់ ហើយក្នុងនោះក៏មានការចូលរួមពីផលិតផលម៉ាកល្បីៗជាច្រើនផងដែរ ។
កញ្ញា លី បូរ៉ាវី ប្រធានផ្នែកទីផ្សារនៃក្រុមហ៊ុន ខយ តេ កម្ពុជា បានឱ្យដឹងថា សាខាទី ៣០ នេះគឺជាសាខា ខយ ធំជាងគេលើពិភពលោក ហើយដើម្បីអបអរការបើកសាខាថ្មីនេះក្រុមហ៊ុនបានធ្វើការចែករង្វាន់ជាច្រើនដោយឥតគិតថ្លៃចំនួន ៣៨៨៨ រង្វាន់ជូនដល់ហ្វេនៗដែលគាំទ្រ ខយ ។
កញ្ញា លី បូរ៉ាវី ក៏បានថ្លែងអំណរគុណដល់អតិថិជនរបស់ ខយ ដែលតែងតែគាំទ្រតាំងពីដើមរហូតមកដល់ថ្ងៃនេះ ហើយក៏សង្ឃឹមថា បងប្អូននៅតែបន្តជួយគាំទ្រ ខយ បន្តទៅទៀត ហើយ ខយ ក៏ខិតខំនាំយកនូវភេសជ្ជៈដែលមានរសជាតិឆ្ងាញ់ និងផ្តល់ជូននូវសេវាកម្មល្អ មកជូនដល់អតិថិជនទាំងអស់ ។
សូមបញ្ជាក់ផងដែរថា សាខា ខយ រាជធានី ជាសាខាធំជាងគេបង្អស់លើពិភពលោក ដោយមានកម្ពស់ ៣ ជាន់ មានបរិយាកាសល្អ ធំទូលាយ និងអាចទទួលភ្ញៀវបានរហូតដល់ ៣០០ នាក់ ដោយមានទីតាំងនៅផ្លូវលេខ 9 កែង 122 ស្ថិតក្នុងសង្កាត់ទឹកល្អក់ ១ ខណ្ឌទួលគោក រាជធានីភ្នំពេញ ។ ហើយនាដំណាច់ឆ្នាំ ២០២២ ខាងមុខនេះ ក្រុមហ៊ុន ខយ តេ ក៏មានគម្រោងបើកបន្ត ១៥ សាខាបន្ថែមទៀតតាមបណ្តាខេត្ត-ក្រុងមួយចំនួន រួមមាន ៖ ខេត្តកំពត, ខេត្តបាត់ដំបង, ខេត្តសៀមរាប និងក្រុងប៉ោយប៉ែត ។
បច្ចុប្បន្ននេះ ខយ តេ កម្ពុជា មានសាខាសរុបទាំងអស់ជាង ៣០ សាខា ព្រមទាំងមានបុគ្គលិកបម្រើការងារប្រហែល ៥០០ នាក់ដែលកំពុងរង់ចាំបម្រើសេវាកម្មជូនអតិថិជនយ៉ាងពេញចិត្តបំផុត ៕ អត្ថបទសហការ
ចែករំលែកព័តមាននេះ