រាជធានីភ្នំពេញ ៖ ពីមុនជាអ្នកលក់នំក្រូច តែបច្ចុប្បន្នជាតារាកំពុងប្រឹងប្រែងរះលើវេហាស៍សិល្បៈ គឺកញ្ញារាងតូចស្រឡូន ញញឹមស្រស់ប៉ប្រិមមិុច ម៉ារីកា ។តាមរយៈទូរទស្សន៍បាយ័ន តារាថ្មីម៉ារីកា កំពុងបង្ហាញទេពកោសល្យជាតួឯកក្នុងរឿងបុរាណ «ព្រះធិនវង្ស នាងពៅ» ។
រាជធានីភ្នំពេញ ៖ ពីមុនជាអ្នកលក់នំក្រូច តែបច្ចុប្បន្នជាតារាកំពុងប្រឹងប្រែងរះលើវេហាស៍សិល្បៈ គឺកញ្ញារាងតូចស្រឡូន ញញឹមស្រស់ប៉ប្រិមមិុច ម៉ារីកា ។តាមរយៈទូរទស្សន៍បាយ័ន តារាថ្មីម៉ារីកា កំពុងបង្ហាញទេពកោសល្យជាតួឯកក្នុងរឿងបុរាណ «ព្រះធិនវង្ស នាងពៅ» ។
កញ្ញាមិុច ម៉ារីកា ជាអ្នកស្រុកបាទី ខេត្ដតាកែវ ។ នាងរៀនចប់ថ្នាក់ទី១២ នៅវិទ្យាល័យហ៊ុនសែន ប៊ុន រ៉ានី បាទី ។ ក្នុងវង្សត្រកូលរបស់ស្រីស្អាតរូបនេះមិនមានអ្នកណាប្រឡូកក្នុងពិភពសិល្បៈក្រៅពីរូបនាងទេ ។ ដោយស្រឡាញ់សិល្បៈតាំងពីក្មេង ពេលមកនៅភ្នំពេញ ម៉ារីកាក៏ចាប់អាជីពជាអ្នកសម្ដែង ។ ការឈានជើងចូលពិភពសិល្បៈដំបូងដោយសារអ្នកដឹកនាំរឿងចាប់អារម្មណ៍ចំពោះរូបនាង ហើយឱ្យសាកល្បងទេពកោសល្យ ។ ការសាកល្បងទេពកោសល្យរបស់ម៉ារីកាបានទទួលលទ្ធផលល្អ គឺអ្នកដឹកនាំរឿងពេញចិត្ដ ដូច្នេះហើយនាងក៏មានឱកាសចូលរួមសម្ដែងជាបន្ដបន្ទាប់ ។ ក្រៅពីសម្ដែងកាយវិការខារ៉ាអូខេឱ្យផលិតកម្មនៅក្រៅប្រទេស ម៉ារីកាទទួលបានការសរសើរចំពោះទេពកោសល្យសម្ដែងពីមហាជនក្នុងរឿង «ម្ដាយក្មេករើសកូនប្រសា» និងរឿងកំពុងតែចាក់បញ្ចាំងនៅទូរទស្សន៍ប៉ុស្ដិ៍បាយ័ន «ព្រះធិនវង្ស នាងពៅ» ។ អ្នកទស្សនាសរសើរថា នាងសម្ដែងសម តែនាងមិនហ៊ានទទួលទេ ព្រោះនាងជាតារាថ្មីខ្ចីបទពិសោធន៍ និងយល់ថានៅខ្វះចន្លោះច្រើនទៀតដែលត្រូវកែលម្អ។
កាលពីពេល ថ្មីៗនេះកញ្ញាមិុច ម៉ារីកា និយាយថា ការសម្ដែងរឿងបុរាណ ពីដំបូងនាងគិតថា ប្រហែលជាមិនអាចសម្ដែងបានទេ តែបានលោក អ៊ុន សុធា ដែលជាតួឯកប្រុសជួយពន្យល់ណែនាំច្រើនពីរបៀបយំ ព្រោះនាងអត់ពូកែយំប៉ុន្មានទេ ។ លើសពីនេះ អ្នកដឹកនាំរឿងក៏ជួយណែនាំច្រើនពីរបៀបសម្ដែង ។
បច្ចុប្បន្នកញ្ញាមុិច ម៉ារីកា កំពុងចូលរួមសម្ដែងជាតួអង្គមួយក្នុងរឿងភាគ «ទឹកចិត្ដប្រពន្ធ» របស់ស្ថានីយទូរទស្សន៍CTN ដែលគ្រោងនឹងចាក់ផ្សាយនាពេលខាងមុខ ។
តារាថ្មីមួយដួងនេះតាំងចិត្ដខិតខំសម្ដែងឱ្យល្អជាងនេះទៀត ព្រោះពេលនេះនាងមកដល់ពាក់កណ្ដាលផ្លូវសិល្បៈហើយមិនអាចឈប់ ឬដើរចោលឡើយ ។ នាងយល់ថា អ្វីទាំងអស់ឱ្យតែយើងខិតខំនឹងបានសម្រេច ។
នារីកម្ពស់១,៦២ម៉ែត្រ សមនឹងដងខ្លួនតូចស្រឡូនរូបនេះមានបងប្អូន៣នាក់ ក្នុងនោះស្រី២នាក់ ចំណែកនាងជាកូនច្បង ។ ជីវិតម៉ារីកាដណ្ដប់ដោយភាពកំព្រា ព្រោះនាងគ្មានឪពុកម្ដាយនឹងគេទេ ដោយពួកគាត់បានស្លាប់តាំងពីនាងអាយុ៧ឆ្នាំ ។ នៅពេលបាត់បង់អ្នកមានគុណ អ្នកគ្រប់គ្រងជីវិតម៉ារីកា គឺម្ដាយមីង និងលោកតារបស់នាង ។ ម្ដាយមីងរបស់នាងប្រកបរបរលក់នំកង និងនំក្រូច នៅផ្សារសំរោងយ៉ោង ស្រុកបាទី ខេត្ដតាកែវ ។
កញ្ញាម៉ារីកាបានជួយលក់នំម្ដាយមីងតាំងពីនៅតូច ដូច្នេះហើយនាងយល់ពីជីវិតរស់នៅ ពីការរកប្រាក់ដែលកើតចេញពីញើសឈាម ។ ពិសេសក្នុងនាមជាកូនកំព្រា នាងកាន់តែយល់ពីអ្វីដែលហៅថា ការតស៊ូ និងអ្វីទៅល្អអាក្រក់ និងអ្វីទៅជាគុណស្រ័យ ។ នាងអាចរស់រានមកទល់ពេលនេះ បានមីងនិងលោកតាជួយ ព្រមទាំងបងប្អូនសាច់ញាតិទាំងអស់ដែលជួយមើលថែ និងឱ្យរៀនសូត្រមានចំណេះដឹង ។
កូនកំព្រាម៉ារីកា ដឹងគុណអ្នកជួយចិញ្ចឹមនាង និងបងប្អូន ពេលគ្មានឪពុកម្ដាយ ហើយនាងតាំងចិត្ដនឹងតបស្នងពួកគាត់វិញដូចកូនសងគុណឪពុកម្ដាយដែរ ។ លើសពីនេះ នាងសន្យាថាធ្វើ អ្វីៗដែលល្អមិនឱ្យពួកគាត់ពិបាកចិត្ដឡើយ ។ បច្ចុប្បន្នក្ដីប្រាថ្នាធំមួយរបស់នារីស្អាតរូបនេះ គឺចាប់យកអនាគតជាតារាសម្ដែងភ្លឺចែងចាំង និងជាទីពេញចិត្ដរបស់មហាជន ៕
ចែករំលែកព័តមាននេះ